ମାସକ ତଳେ ହୋଇଥିଲା ବାହାଘର, ଦୁର୍ଘଟଣାରେ ନିଖୋଜ ହୋଇଯାଇଛନ୍ତି ବିହାରର ଅଖିଳେଶ । ପୁଅକୁ ଖୋଜି ଖୋଜି ନୟାନ୍ତ ବାପା ଓ ଭାଇ , ମିଳୁନି ପତ୍ତା
କନକ ବ୍ୟୁରୋ: ଗତ ମାସ ୭ ତାରିଖରେ ହୋଇଥିଲା ବାହାଘର । ଆଜି ବାହାଘରକୁ ମାସେ ପୁରିଛି । ହେଲେ କାଳ ରାତିର ସେ ଦୁର୍ଘଟଣା ପରେ ପୁଅକୁ ଖୋଜି ଖୋଜି ବିହାରରୁ ଭୁବନେଶ୍ୱରରେ ପହଞ୍ଚିଛନ୍ତି ବାପା । ହେଲେ ମିଳୁନି ପତ୍ତା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ବାହାଘରର କିଛି ଦିନ ପରେ କିଛି କାମ ଆଶାରେ ଚେନ୍ନାଇ ଯାଉଥିଲେ ବିହାରର ଅଖିଳେଶ କୁମାର ଯାଦବ । ଦୁର୍ଘଟଣା ପରେ ସେ କୁଆଡ଼େ ନିଖୋଜ ହୋଇଯାଇଥିବା ବେଳେ ପୁଅ ଫଟୋ ଧରି ଭୁବନେଶ୍ୱରରେ ପହଂଚିଛନ୍ତି ବୁଢ଼ା ବାପା । ଏ ହସ୍ପିଟାଲରୁ ସେ ହସ୍ପିଟାଲ ପୁଅର ଫଟୋ ଧରି ଖୋଜି ବୁଲୁଛନ୍ତି । ମୃତକଙ୍କ ତାଲିକାରେ ନା ପୁଅକୁ ପାଉଛନ୍ତି ନା ଆହତଙ୍କ ତାଲିକାରେ । ଶେଷରେ ଡିଏନଏ ଟେଷ୍ଟ ପାଇଁ ନମୂନା ଦେଇ ପୁଅର ଶେଷ ଠିକଣାକୁ ଅପେକ୍ଷା କରିଛନ୍ତି ବାପା ।