ଦେଶର ପଥମ ଆଦିବାସୀ ମହିଳା ଭାବେ ରାଷ୍ଟ୍ରପତି ହେବେ ଦୌପଦୀ ମୁର୍ମୁ : ସଂଖ୍ୟା ଗଣିତରେ ବିରୋଧୀ ପ୍ରାର୍ଥୀଙ୍କ ଠାରୁ ବେଶ ଆଗରେ ଏନଡିଏ
କନକ ବ୍ୟୁରୋ : ଓଡ଼ିଶାରୁ ହେବେ ପ୍ରଥମ ରାଷ୍ଟ୍ରପତି । ସମସ୍ତଙ୍କୁ ଚକିତ କରି ମୟୁରଭଞ୍ଜର ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ପ୍ରାର୍ଥୀ କରିଛି ଏନଡିଏ । ଏନଡିଏ ପ୍ରାର୍ଥୀଙ୍କୁ ବିଜେଡିର ସମର୍ଥନ ମିଳିଲେ ଦ୍ରୌପଦୀ ମୁର୍ମୁ ରାଷ୍ଟ୍ରପତି ହେବା ନିଶ୍ଚିତ । ନିର୍ବାଚିତ ହେଲେ ଦ୍ରୌପଦୀ ହେବେ ଦେଶର ପ୍ରଥମ ଓଡ଼ିଆ ଏବଂ ଆଦିବାସୀ ମହିଳା ଏବଂ ଦ୍ବିତୀୟ ମହିଳା ରାଷ୍ଟ୍ରପତି। ମୁର୍ମୁଙ୍କ ପୂର୍ବରୁ ପ୍ରତିଭା ପାଟିଲ ଦେଶର ପ୍ରଥମ ମହିଳା ରାଷ୍ଟ୍ରପତି ହୋଇଥିଲେ । ଏପଟେ ଭାରତର ଗଣତାନ୍ତ୍ରିକ ବ୍ୟବସ୍ଥାରେ ଶାସନର ସର୍ବୋଚ୍ଚ ପଦବି ଲାଗି ଓଡ଼ିଶାର ଆଦିବାସୀ ନେତ୍ରୀ ଶ୍ରୀମତ୍ରୀ ମୁର୍ମୁଙ୍କ ନାମ ଘୋଷଣା କରି ବିଜେପି ସମସ୍ତଙ୍କୁ ଚକିତ କରିଛି ।
Kanak News is now on WhatsApp
Join and get latest news updates delivered to you via WhatsApp
ଏଭଳି ନିଷ୍ପତ୍ତି ନେଇ ବିଜେପି ଆସନ୍ତା ସାଧାରଣ ନିର୍ବାଚନ ପୂର୍ବରୁ ଉଭୟ ପୂର୍ବ ଭାରତ ଅଭିଯାନ ଏବଂ ଓଡ଼ିଶା ସଂପର୍କରେ ତାର ଆଭିମୁଖ୍ୟକୁ ସ୍ପଷ୍ଟ କରିଛି। ଦ୍ରୌପଦୀଙ୍କୁ ପ୍ରାର୍ଥୀ କରି ଦଳ ଏକାସାଙ୍ଗରେ ଆଦିବାସୀ ଓ ମହିଳା କାର୍ଡ ଖେଳିଛି ଏବଂ ଓଡ଼ିଶାର ଶାସକ ବିଜୁ ଜନତା ଦଳ ସମେତ ସବୁ ଆଦିବାସୀ ବହୁଳ ରାଜ୍ୟକୁ ସମର୍ଥନ କରିବା ଲାଗି ଏକପ୍ରକାର ଚାପରେ ରଖିଛି । ବିଦେଶ ଗସ୍ତରେ ଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତୁରନ୍ତ ଟ୍ବିଟ୍ କରି କହିଛନ୍ତି ଯେ ପ୍ରଧାନମନ୍ତ୍ରୀ ତାଙ୍କ ସହିତ ଦ୍ରୌପଦୀଙ୍କ ପ୍ରାର୍ଥିତ୍ବ ନେଇ ଆଲୋଚନା କରିଥିଲେ ଓ ଏହା ଓଡ଼ିଶା ପାଇଁ ସବୁଠାରୁ ଗୌରବର ମୁହୂର୍ତ୍ତ । ଅର୍ଥାତ୍ ବିଜେଡି ଯେ ଶ୍ରୀମତୀ ମୁର୍ମୁଙ୍କୁ ସମର୍ଥନ କରିବ, ଏକଥା ସ୍ପଷ୍ଟ ହୋଇଯାଇଛି । ଆସନ୍ତା ୨୫ ତାରିଖରେ ଶ୍ରୀମତୀ ମୁର୍ମୁ ରାଷ୍ଟ୍ରପତି ପଦ ପାଇଁ ପ୍ରାର୍ଥିପତ୍ର ଦାଖଲ କରିପାରନ୍ତି ।
ରାଷ୍ଟ୍ରପତି ନିର୍ବାଚନର ଗଣିତ : –
ରାଜ୍ୟସଭା – ୨୩୩ ସଦସ୍ୟ
ଲୋକସଭା – ୫୪୩ ସଦସ୍ୟ
ଦେଶରେ ମୋଟ ବିଧାୟକ- ୪ ହଜାର ୩୩୩
ବିଧାୟକଙ୍କ ଭୋଟର ମୂଲ୍ୟ ରାଜ୍ୟ ଅନୁସାରେ ଅଲଗା ଅଲଗା
ଲୋକସଭା ସାଂସଦଙ୍କ ଭୋଟର ମୂଲ୍ୟ- ୭୦୦
ରାଜ୍ୟସଭା ସାଂସଦଙ୍କ ଭୋଟର ମୂଲ୍ୟ- ୭୦୦
୭୭୬ ସାଂସଦଙ୍କ ଭୋଟର ମୂଲ୍ୟ- ୫ ଲକ୍ଷ ୪୩ ହଜାର ୨୦୦
୪୦୩୩ ବିଧାୟକଙ୍କ ଭୋଟର ମୂଲ୍ୟ- ୫ଲକ୍ଷ ୪୩ ହଜାର ୨୩୧
ରାଷ୍ଟ୍ରପତି ନିର୍ବାଚନରେ ମୋଟ ଭୋଟର ମୂଲ୍ୟ- ୧୦, ୮୬, ୪୩୧
ବିଜୟ ପାଇଁ ଆବଶ୍ୟକ ଭୋଟ ୫,୪୩, ୨୧୬
ଏନଡିଏ ପାଖରେ ଅଛି- ୫,୨୫,୭୦୬
ଜିତିବା ପାଇଁ ଏନଡିଏକୁ ଦରକାର – ୧୭,୫୧୦
ବିଜେଡି ପାଖରେ ଅଛି – ୩୧,୬୮୬
ୱାଏସଆର କଂଗ୍ରେସ ଅଛି -୪୩,୪୫୦