ଦେଶରେ ଆଗୁଆ ନିର୍ବାଚନ ନହେବାର ମିଳିଲା ସଙ୍କେତ ! ମଧ୍ୟ-ପ୍ରଦେଶ, ରାଜସ୍ଥାନ ଓ ତେଲେଙ୍ଗାନା ସହ ୫ ରାଜ୍ୟର ଆଜି ଘୋଷଣା ହୋଇପାରେ ନିର୍ବାଚନୀ ତାରିଖ
କନକ ବ୍ୟୁରୋ : ଆଜି ୫ଟି ରାଜ୍ୟରେ ନିର୍ବାଚନ ହେବା ନେଇ ତାରିଖ ଘୋଷଣା ହୋଇପାରେ । ଆଜି ଜାତୀୟ ନିର୍ବାଚନ କମିସନ ସାମ୍ବାଦିକ ସମ୍ମିଳନୀ ଡାକିଛନ୍ତି । ଏଥିରେ ନିର୍ବାଚନ କମିସନ ୫ଟି ରାଜ୍ୟ ପାଇଁ ବିଧାନସଭା ନିର୍ବାଚନ ତାରିଖ ଘୋଷଣା କରିପାରନ୍ତି । ସେହି ରାଜ୍ୟ ଗୁଡିକ ହେଲା ମଧ୍ୟପ୍ରଦେଶ, ରାଜସ୍ଥାନ, ତେଲେଙ୍ଗାନା, ମିଜୋରାମ ଓ ଛତିଶଗଡ । ଏହି ୫ ଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ଆଜି ତାରିଖ ଘୋଷଣାର ସମ୍ଭାବନା ରହିଛି । ତେବେ ଏହି ରାଜ୍ୟରେ ବିଧାନସଭା ନିର୍ବାଚନ ତାରିଖ ଘୋଷଣା ହେବା ସହ ନିର୍ବାଚନୀ ଆଚରଣ ବିଧିର ତାରିଖ ମଧ୍ୟ ଘୋଷଣା ହୋଇପାରେ ବୋଲି ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ବରଂ ଏହି ରାଜ୍ୟରେ ଥିବା ରାଜନୈତିକ ଦଳ ଗୁଡିକ ମଧ୍ୟ ନିଜର ଋଣନୀତି ପ୍ରସ୍ତୁତ ଜୋରଦାର କରୁଥିବା ନେଇ ଜାତୀୟ ଗଣମାଧ୍ୟମରେ ଜୋର ଧରିଛି ଚର୍ଚ୍ଚା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ରାଜସ୍ଥାନରେ ଏକ ରାଲିର ଆୟୋଜନ କରିଛନ୍ତି । ମଧ୍ୟପ୍ରଦେଶରେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଓ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ଗସ୍ତ ଉପରେ ସାରା ଦେଶର ରହିଛି ନଜର । ଉଭୟ ଦଳଙ୍କର ଟାର୍ଗେଟରେ ଆଦିବାସୀ ରହିଥିବା ସୂଚନା ମିଳିଛି । ଏହା ସହ ନିର୍ବାଚନରେ କିପରି ଭାବରେ ଦଳୀୟ ନେତାମାନେ ବିଜୟ ହେବେ ସେନେଇ ସମସ୍ତ ରାଜନୈତିକ ଦଳ ଆରମ୍ଭ କରିଛନ୍ତି କସରତ ।