କନକ ବ୍ୟୁରୋ : ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ଇଡି ତରଫରୁ ଦ୍ୱିତୀୟ ପର୍ଯ୍ୟାୟ ଚଢାଉ କରାଯାଇଛି । ଗତକାଲି ବିଜେପି ତରଫରୁ ଏନେଇ ଏକ ଷ୍ଟିଙ୍ଗ ଅପରେସନ ଭିଡିଓ ଜାରି କରାଯାଇଥିଲା । ଏହି ଭିଡିଓରେ ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଦୁର୍ନୀତି କରିଥିବା ବିଜେପି ଦାବି କରିଛି । ଏହାପରେ ସିସୋଦିଆ କହିଥିଲେ ତାଙ୍କ ଘରେ ରେଡ୍ ବେଳେ ସିବିଆଇକୁ କିଛି ମିଳିନି । ଆଉ ସାହାସ ଅଛି ଯଦି ୪ ଦିନ ଭିତରେ ତାଙ୍କୁ ଗିରଫ କରାଯାଉ । ନଚେତ ପ୍ରଧାନମନ୍ତ୍ରୀ କ୍ଷମା ମାଗନ୍ତୁ । ଏବେ ଏହି ବୟାନକୁ ୨୪ ଘଂଟା ନପୂରୁଣୁ ଅବକାରୀ ଦୁର୍ନୀତି ମାମଲାରେ ଇଡି ରେଡ୍ କରିଛି । ଅର୍ଥ ହେରଫେରକୁ ନେଇ ଦେଶର ୬ଟି ରାଜ୍ୟରେ ଚଢଉ କରିଛି ଇଡି ।
Kanak News is now on WhatsApp
Join and get latest news updates delivered to you via WhatsApp
ଆନ୍ଧ୍ରପ୍ରଦେଶର ନେଲ୍ଲୋର ସମେତ, କର୍ଣ୍ଣାଟକ, ତାମିଲନାଡୁ ଦିଲ୍ଲୀ ଏନସିଆର ଅଂଚଳର ଏକକାଳୀନ ୪୦ଟି ସ୍ଥାନରେ ଇଡି ପକ୍ଷରୁ ରେଡ ହୋଇଛି । ସେଥିମଧ୍ୟରୁ ୨୦ଟି ସ୍ଥାନ ହେଉଛି ତେଲେଙ୍ଗାନାର ରାଜଧାନୀ ହାଇଦ୍ରାବାଦରେ । ମଦ ବ୍ୟବସାୟୀ, ଡିଷ୍ଟ୍ରିବ୍ୟୁଟର୍, ଏବଂ ସପ୍ଲାଏ ଚେନ୍ ନେଟୱାର୍କ ସହ ସମ୍ପୃକ୍ତ ଥିବା ବ୍ୟକ୍ତିଙ୍କ ଘରେ ଚଢାଉ କରିଛି ଇଡି । ସେପଟେ ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କୁ ପଚରାଉଚରା କରିବା ପାଇଁ ତିହାର ଜେଲରେ ପହଂଚିଛି ଇଡି । ପୂର୍ବରୁ ଦୁର୍ନୀତି ମାମଲାରେ ଜେଲରେ ଅଛନ୍ତି ସତ୍ୟେନ୍ଦ୍ର ଜୈନ୍ । ଏହି ଅବକାରୀ ଦୁର୍ନୀତିରେ ଶାସକ ଦଳର ଅନେକ ନେତା ସ୍କାନରରେ ରହିଛନ୍ତି । ତେଣୁ ଜୈନଙ୍କଠୁ କିଛି ନୂଆ ତଥ୍ୟ ଜାଣିବାକୁ ଜେରା କରିଛି ସିବିଆଇ ।
ଅନ୍ୟପଟେ ବିଜେପି ଜାରି କରିଥିବା ଷ୍ଟିଙ୍ଗ୍ ଅପରେସନକୁ ସିବିଆଇ ନେଇଛି । ଭିଡିଓର ସତ୍ୟତା ଯାଂଚ କରି ଏବେ ତଦନ୍ତ କରୁଛି ।