ଆଇଏଏସ ପୂଜା ସିଙ୍ଘଲ ଗିରଫ । ମନିଲଣ୍ଡ୍ରିଂ ମାମଲାରେ ଇଡିର କାର୍ଯ୍ୟାନୁଷ୍ଠାନ। ବିପୁଳ ଟଙ୍କା ଜବତ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ ।
କନକ ବ୍ୟୁରୋ : ଗିରଫ ହୋଇଛନ୍ତି ଆଇଏଏସ ପୂଜା ସିଙ୍ଘଲ । ମନିଲଣ୍ଡ୍ରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କୁ ଗିରଫ କରିଛି । ଅନେକ ସମୟ ଧରି ତାଙ୍କୁ ଇଡି ପଚରାଉଚରା କରିଥିଲା । ପୂର୍ବରୁ ତାଙ୍କ ସିଏ ସୁମନ କୁମାରଙ୍କୁ ଗିରଫ କରାଯାଇଥିବା ବେଳେ ବର୍ତ୍ତମାନ ତାଙ୍କୁ ମଧ୍ୟ ଗିରଫ କରାଯାଇଛି । ସୁମନଙ୍କ ଘରୁ ୧୭ କୋଟି ନଗଦ ଟଙ୍କା ଜବତ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଝାଡଖଣ୍ଡ ସରକାରଙ୍କ ଖଣି ସଚିବ ଥିବା ପୂଜା ସିଙ୍ଘଲଙ୍କ ଘରୁ କୋଟି କୋଟି ଟଙ୍କାର ସମ୍ପତ୍ତି ଜବତ ହୋଇଥିଲା । ଏହାକୁ ଗଣିବାକୁ ଇଡିକୁ ଟଙ୍କା ଗଣିବା ମେସିନ ଆଣିବାକୁ ପଡିଥିଲା । ମଙ୍ଗଳବାର ଇଡିର ଅଧିକାରୀ ପୂଜାଙ୍କୁ ୯ ଘଣ୍ଟାରୁ ଅଧିକ ସମୟ ଧରି ପଚରାଉଚୁରା କରିଥିଲା । ପୂଜା ଏବଂ ତାଙ୍କ ସ୍ୱାମୀ ଅଭିଷେକ ଝାଙ୍କୁ ଇଡି ପଚରାଉଚରା କରୁଥିଲା । ପରେ ତାଙ୍କୁ ରାଞ୍ଚି ନଛାଡିବାକୁ କୁହାଯାଇଥିଲା ତେବେ ଏହାରି ଭିତରେ ତାଙ୍କୁ ଇଡି ଗିରଫ କରିଛି ।