ଏୟାର ଇଣ୍ଡିଆ ଉପରେ ୧୦ ଲକ୍ଷ ଟଙ୍କାର ଜରିମାନା । ଜାଣନ୍ତୁ କାହିଁକି ଜରିମାନା ଲଗାଇଲା ଡିଜିସିଏ
କନକ ବ୍ୟୁରୋ : ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ତରପରୁ ଏୟାର ଇଣ୍ଡିଆ ଉପରେ ୧୦ ଲକ୍ଷ ଟଙ୍କାର ଜରିମାନା ଲଗାଯାଇଛି । ଏନେଇ ଜାରି କରାଯାଇଥିବା ଏକ ରିପୋର୍ଟରେ କୁହାଯାଇଛି କି, ଏୟାର ଇଣ୍ଡିଆ ତରଫରୁ ବୈଧ ଟିକେଟ ଥିବା ଯାତ୍ରୀଙ୍କୁ ବିମାନରେ ଚଢିବାକୁ ନ ଦିଆଯିବା କାରଣରୁ ଏହି ଜରିମାନା ଲଗାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ମଙ୍ଗଳବାର ଦିନ କହିଛି କି ଏୟାର ଇଣ୍ଡିଆ ତରଫରୁ ବୈଧ ଟିକେଟ ରଖିଥିବା ଯାତ୍ରୀଙ୍କୁ ବିମାନରେ ଚଢିବାକୁ ଦିଆଯାଇନଥିଲା । ଏହାପରେ ବି ଯାତ୍ରୀଙ୍କୁ ସେମାନଙ୍କର କ୍ଷତିପୂରଣ ଦେଇନଥିଲା ଏୟାର ଇଣ୍ଡିଆ । ଏହି କାରଣରୁ ଏୟାର ଇଣ୍ଡିଆ ଉପରେ ୧୦ ଲକ୍ଷ ଟଙ୍କାର ଜରିମାନା ଲଗାଯାଇଛି । ଏନେଇ ଡିଜିସିଏ କହିଛି କି, ଏହି ମାମଲାରେ ଏୟାର ଇଣ୍ଡିଆକୁ କାରଣଦର୍ଶାଅ ନୋଟିସ ଜାରି କରାଯାଇଥିଲା ଓ ବ୍ୟକ୍ତିଗତ ଶୁଣାଣି ବି କରାଯାଇଥିଲା ।
ଡିଜିସିଏ ତରଫରୁ ଏହି ମାମଲାକୁ ଅତି ଗମ୍ଭୀର ଓ ଚିନ୍ତାର ବିଷୟ ଭାବେ ବିଚାର କରି ଏୟାର ଲାଇନକୁ ପରାମର୍ଶ ଦେଇଛି କି, ଏହି ସମସ୍ୟାର ସମାଧାନ କରିବାକୁ ତୁରନ୍ତ ବ୍ୟବସ୍ଥା କରିବା ଉଚିତ । ଏହା ନକଲେ ଆଗାମୀ ଦିନରେ ଡିଜିସିଏ ତରଫରୁ ବଡ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ଏହାସହ ଡିଜିସିଏ କହିଛି କି, ଏଭଳି ମାମଲାରେ ଯଦି ଏୟାର ଲାଇନ୍ସ ତରଫରୁ ଯାତ୍ରୀଙ୍କ ପାଇଁ ୧ ଘଣ୍ଟା ମଧ୍ୟରେ ବିକଳ୍ପ ବ୍ୟବସ୍ଥା କରା ନଯିବ ଓ ଯାତ୍ରୀଙ୍କୁ ୨୪ ଘଣ୍ଟା ମଧ୍ୟରେ କ୍ଷତିପୂରଣ ଦିଆନଯିବ ତେବେ ନିୟମ ଉଲଙ୍ଘନ ଅପରାଧରେ ବିମାନ କମ୍ପାନୀ ଉପରେ ୧୦ ହଜାର ଟଙ୍କାର କ୍ଷତିପୂରଣ ଲଗାଯିବ । ୨୪ ଘଣ୍ଟାରୁ ଅଧିକ ହେଲେ ବିମାନ କମ୍ପାନୀ ଯାତ୍ରୀଙ୍କୁ ୨୦ ହଜାର ଟଙ୍କା ଲେଖାଏଁ ଦେବାକୁ ପଡିବ ।