କନକ ବ୍ୟୁରୋ : ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ନେତୃତ୍ୱରେ ଚାଲିଥିବା ମହାରାଷ୍ଟ୍ର ସରକାରରେ ସାମିଲ ହେବା ପରେ ଅଜିତ ପାୱାର ନିଜର ରାଜନୈତିକ ମହତ୍ୱାକାଂକ୍ଷା ଖୁଲାସା କରିଛନ୍ତି । ଅଜିତ ପାୱାର କହିଛନ୍ତି କି, ସେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହେବାକୁ ଚାହୁଁଛନ୍ତି । କାରଣ ଜନତାଙ୍କ କଲ୍ୟାଣ ପାଇଁ ତାଙ୍କ ପାଖରେ ଯେଉଁ ଯୋଜନା ରହିଛି ତାହାକୁ ଲାଗୁ କରିପାରିବି । ଏହି କ୍ରମରେ ସେ ଶରଦ ପାୱାରଙ୍କୁ ନିଜର ରାଜନୈତିକ ଗୁରୁ କହିବା ସହ ତାଙ୍କର ଆର୍ଶିବାଦ ଭିକ୍ଷା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ମହାରାଷ୍ଟ୍ରରେ ଚାଲିଥିବା ଏନଡିଏ ସରକାରରେ ଭାଗ ନେବା ପରେ ସେ ୨୦୧୪ ରେ ବିଜେପିର ବିଜୟ ପାଇଁ ମୋଦୀଙ୍କୁ ଶ୍ରେୟ ଦେଇଛନ୍ତି । ସେ କହିଛନ୍ତି କି, ୨୦୧୪ ନିର୍ବାଚନ ବିଜେପି ନୁହେଁ ବରଂ ମୋଦୀଙ୍କ ପାଇଁ ବିଜେପି ବିଜୟୀ ହୋଇଥିଲା ।
ଉପନଗର ବାନ୍ଦ୍ରା ଠାରେ ନିଜ ଗୋଷ୍ଠୀର ବୈଠକ ଡାକି ଅଜିତ ପାୱାର ୨୦୦୪ କଥା ମନେ ପକାଇଛନ୍ତି । ସେ କହିଛନ୍ତି କି ୨୦୦୪ ନିର୍ବାଚନରେ କଂଗ୍ରେସ ଠାରୁ ଏନସିପିର ଅଧିକ ବିଧାୟକ ବିଜୟୀ ହୋଇଥିଲେ । ସେହି ସମୟରେ ଯଦି ଏନସିପି କଂଗ୍ରେସକୁ ମୁଖ୍ୟମନ୍ତ୍ରୀ ପଦ ଛାଡି ନଥାନ୍ତା ତେବେ ଆଜି ମହାରାଷ୍ଟ୍ରରେ ଆଜି ଏନସିପିର ମୁଖ୍ୟମନ୍ତ୍ରୀ ରହିଥାନ୍ତା ।