ମା’ ଦୁର୍ଗାଙ୍କ ବିଷୟରେ ଅଶାଳୀନ ମନ୍ତବ୍ୟ ଦେଇ ଅଡୁଆରେ ପ୍ରଫେସର୍ !
କନକ ବ୍ୟୁରୋ : ଚାଲିଛି ନବରାତ୍ରୀ । ଧରାପୃଷ୍ଠକୁ ଓହ୍ୱାଇବେ ଜଗଦଜନନୀ ମା’ ଦୁର୍ଗା । ଉତ୍ସବମୁଖର ସମଗ୍ର ଦେଶ । ଏହି ସମୟରେ ଦିଲ୍ଲୀ ବିଶ୍ୱବିଦ୍ୟାଳୟର ଜଣେ ପ୍ରଫେସର୍ ଦୁର୍ଗାଙ୍କ ପ୍ରତି ଅଶାଳୀନ ମନ୍ତବ୍ୟ ଦେଇ ଆସିଛନ୍ତି ଚର୍ଚ୍ଚାକୁ । ଯାହାକୁ ନେଇ ସମଗ୍ର ଦେଶରେ ଅସନ୍ତୋଷ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଫେସର୍ କେଦାର କୁମାର ମଣ୍ଡଳ ନିଜ ଫେସବୁକରେ ପୋଷ୍ଟ କରି କହିଛନ୍ତି ଭାରତୀୟ ପୁରାଣରେ ମା’ ଦୁର୍ଗା ହେଉଛନ୍ତି ସେକ୍ସି ବେଶ୍ୟା । କେଦାରଙ୍କ ଏହି ପୋଷ୍ଟ କିନ୍ତୁ ହଜମ କରିପାରିନାହାଁନ୍ତି ଦେଶବାସୀ । ପୋଷ୍ଟ କରିବା ପରେ ଖୁବ୍ ସମାଲୋଚନାର ଶିକାର ହୋଇଛନ୍ତି କେଦାର । ଅନେକ ଲୋକ କମେଂଟ୍ କରି କହିଛନ୍ତି ଏପରି ପୋଷ୍ଟ କଲେ ପାପର ଦାଗ ଲିଭି ନଥାଏ ।
ତେବେ ହିନ୍ଦୁଙ୍କ ଧର୍ମୀୟ ଭାବନାକୁ ଆଘାତ ଦେଇଥିବାରୁ ତାଙ୍କ ନାଁରେ ମାମଲା ରୁଜୁ କରିଛି ଦିଲ୍ଲୀ ୟୁନିଭର୍ସିିଟିର ନ୍ୟାସନାଲ୍ ଡେମୋକ୍ରେଟିକ୍ ଟିଚରର୍ସ ଫ୍ରଣ୍ଟ୍ ।