ଦିଲ୍ଲୀ ଅବକାରୀ ନୀତି ମାମଲା । ସଂଜୟ ସିଂଙ୍କ ବିରୋଧରେ ରାୱଜ ଏଭିନ୍ୟୁ କୋର୍ଟରେ ଚାର୍ଜସିଟ୍ ଦାଖଲ କଲା ଇଡି, ଜାଣନ୍ତୁ ସଂଜୟ ସିଂଙ୍କ ବିରୋଧରେ କଣ ରହିଛି ଅଭିଯୋଗ
କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ମାମଲାରେ ଆମ୍ ଆଦମୀ ପାର୍ଟିର ସାଂସଦ ସଂଜୟ ସିଂ ଏବେ ଜେଲରେ ଅଛନ୍ତି । ଆଜି ଇଡି ତରଫରୁ ଏହି ମାମଲାରେ ସଂଜୟ ସିଂଙ୍କ ବିରୋଧରେ ଦିଲ୍ଲୀର ରାୱଜ ଏଭିନ୍ୟୁ କୋର୍ଟରେ ୬୦ ପୃଷ୍ଠାର ଚାର୍ଜସିଟ୍ ଦାଖଲ କରିଛି । ଆମ୍ ଆଦମୀ ପାର୍ଟିର ବରିଷ୍ଠ ନେତା ସଂଜୟ ସିଂ ସମାନ ମାମଲାରେ ଅକ୍ଟୋବର ମାସରୁ ଜେଲରେ ରହିଛନ୍ତି । ଜାମିନ ପାଇଁ ସେ ରାୱଜ ଏଭିନ୍ୟୁ କୋର୍ଟ, ଦିଲ୍ଲୀ ହାଇକୋର୍ଟ ଓ ସୁପ୍ରିମକୋର୍ଟରେ ଆବେଦନ କରିସାରିଛନ୍ତି । ହେଲେ ଏପର୍ଯ୍ୟନ୍ତ ତାଙ୍କୁ ଜାମିନ ମିଳିପାରି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ଅବକାରୀ ନୀତି ମାମଲାରେ ସଂଜୟ ସିଂ ଅର୍ଥ ହେରଫେର କରିଥିବା ନେଇ ହୋଇଥିବା ଅଭିଯୋଗ ଆଧାରରେ ଇଡି ତାଙ୍କୁ ଗିରଫ କରିଥିଲା । ନଭେମ୍ବର ୨୪ ତାରିଖରେ କୋର୍ଟକୁ ଇଡି କହିଥିଲେ କି ଏହି ମାମଲାରେ ଖୁବଶୀଘ୍ର ସପ୍ଲିମେଣ୍ଟାରୀ ଚାର୍ଜସିଟ୍ ଦାଖଲ କରାଯିବ ।