ପିଲାଙ୍କ କରୋନା ଟିକାକୁ ଡିସିଜିଆଇର ଅନୁମତି । ୧୨ରୁ ୧୮ ବର୍ଷର ପିଲା ନେଇପାରିବେ ଭ୍ୟାକ୍ସିନ୍ ।
କନକ ବ୍ୟୁରୋ: ସାରା ବିଶ୍ୱରେ ଓମିକ୍ରନକୁ ନେଇ ଭୟ ବଢୁଥିବାବେଳେ, ଲୋକଙ୍କ ପାଇଁ ଆସିଛି ଆଶ୍ୱସ୍ତିକର ଖବର । ଡିସିଜିଆଇ ଛୋଟ ପିଲାଙ୍କ ଟିକାକରଣ ପାଇଁ ଭାରତ ବାୟୋଟେକର ଟିକା ଅନୁମତି ଦେଇଦେଇଛି । ଏହି ଟିକାକୁ ଏବେ ୧୨ରୁ ୧୮ ବର୍ଷର ପିଲା ନେଇପାରିବେ ବୋଲି ଡିସିଜିଆଇ ଅନୁମତି ପ୍ରଦାନ କରିଛି । ତେବେ ଦେଶରେ ଏବେ କରୋନାର ନୂଆ ଭାରିଆଣ୍ଟ ନୂଆ ସଙ୍କଟ ହୋଇ ଦେଖାଦେଇଛି । ଦେଶର ଶତାଧିକ ଲୋକ ଏହି ଭୂତାଣୁରେ ସଂକ୍ରମିତ ହେଉଥିବା ଦେଖିବାକୁ ମିଳିଛି । ଏହାରି ଭିତରେ ଶିଶୁଙ୍କ ଟିକା ଦିଆଗଲେ ସେମାନେ ସୁରକ୍ଷିତ ରହିପାରିବେ ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
Bharat Biotech receives approval from DCGI for emergency use of its vaccine for children aged between 12-18 years: Offical Sources pic.twitter.com/WzRuUzqnUT
— ANI (@ANI) December 25, 2021
ବିଶ୍ୱର ଅନ୍ୟ ଦେଶରେ ପିଲାମାନଙ୍କର ଟିକାକରଣ ବହୁ ପୂର୍ବରୁ ଆରମ୍ଭ ହୋଇସାରିଛି । ଆମେରିକା, ବ୍ରିଟେନ୍ ଭଳି ଦେଶରେ ପିଲାଙ୍କ ଟିକାକରଣ ଶେଷ ହୋଇସାରିଛି । ହେଲେ ଭାରତରେ ଏବେ ପର୍ଯ୍ୟନ୍ତ ପିଲାଙ୍କ ଟିକାକୁ ଅନୁମତି ପ୍ରଦାନ କରାଯାଇନଥିଲା । କେବଳ ଅଠର ବର୍ଷରୁ ଅଧିକ ବର୍ଷର ଲୋକମାନେ ଭାରତରେ ଟିକା ନେବାକୁ ଅନୁମତି ପାଇଥିଲେ । ଏବେ କିନ୍ତୁ ଡିସିଜିଆଇ ପିଲାଙ୍କ ଟିକାକୁ ଅନୁମତି ପ୍ରଦାନ କରିଛି ।
ମିଳିଥିବା ସୂଚନା ମୁତାବକ, କେନ୍ଦ୍ର ସରକାର ଭାରତ ବାୟୋଟେକକୁ ପିଲାଙ୍କ ଟିକାକରଣ ପାଇଁ ଟିକା ଅର୍ଡର ଦେବ । ହେଲେ ଏହା କେବେ ଏବଂ କିପରି ଦିଆଯିବ ସେନେଇ କୌଣସି ନିଷ୍ପତ୍ତି ନିଆଯାଇନାହିଁ । ଏହାପୂର୍ବରୁ ଜାଏଡସ୍ କାଡିଲା ଟିକାକୁ ପିଲାଙ୍କ ଦିଆଯିବା ନେଇ ଚର୍ଚ୍ଚା କରାଯାଇଥିଲା । ଯାହାର ତିନୋଟି ଡୋଜ୍ ନେବା ଜରୁରୀ ଥିଲା । ଏହି ଭ୍ୟାକ୍ସିନକୁ ବିନା ସିରିଞ୍ଜରେ ପିଲାଙ୍କୁ ଦିଆଯିବା ନେଇ ଚର୍ଚ୍ଚା ହୋଇଥିଲେ । ହେଲେ ଏବେ କେବଳ ଡିସିଜିଆଇ ଭାରତ ବାୟୋଟେକର କୋଭାକ୍ସିନକୁ ପିଲାଙ୍କ ଟିକାକରଣ ପାଇଁ ଅନୁମତି ପ୍ରଦାନ କରିଛି ।