ଅର୍ଚ୍ଚନାଙ୍କ ନାଗ ଫାଶରେ ପ୍ରଭାବଶାଳୀ । ଦାମ ମାରିଲେ ବାଣ, କହିଲେ ସେବା ନୁହେଁ ଉପଭୋଗ କରିବାକୁ ରାଜନୀତି କରୁଛନ୍ତି ନେତା ।
କନକ ବ୍ୟୁରୋ : ଅର୍ଚ୍ଚନାଙ୍କ ସହ ବହୁ ନେତାଙ୍କ ଫଟୋ ସାମାନକୁ ଆସିବା ପରେ, ଆଉ କିଛି ନେତା ପ୍ରମାଦ ଗଣିବାରେ ଲାଗିଛନ୍ତି । କେତେବେଳେ ସେମାନଙ୍କ ଫଟୋ ଆସିଯିବ ତାକୁ ନେଇ ଚିନ୍ତାରେ ଅଛନ୍ତି । ହେଲେ, ସମ୍ମାନହାନି ଭୟରେ ମୁହଁ ଖୋଲୁ ନାହାଁନ୍ତି । ଏତିକିବେଳେ ଆରମ୍ଭ ହୋଇଯାଇଛି ରାଜନୈତିକ ବୟାନବାଜି । କଳାହାଣ୍ଡିରୁ ଆସି ଅର୍ଚ୍ଚନା ଭୁବନେଶ୍ୱରରେ ଏତେ ବଡ ସାମ୍ରାଜ୍ୟ କେମିତି ମେଲାଇଲେ ତାକୁ ନେଇ ପ୍ରଶ୍ନ ଉଠାଇଛନ୍ତି ବରିଷ୍ଠ ନେତା ।
Kanak News is now on WhatsApp
Join and get latest news updates delivered to you via WhatsApp
ବ୍ଲାକମେଲ ରାଣି ଅର୍ଚ୍ଚନା ନାଗଙ୍କ ସହ ଏକାଧିକ ନେତା, ବିଧାୟକଙ୍କ ଫଟୋ ସାମ୍ନାକୁ ଆସିବା ପରେ ତେଜିଛି ରାଜନୈତିକ ବୟାନବାଜି । ବଡକଥା ହେଉଛି ପ୍ରାୟ ସବୁ ପ୍ରମୁଖ ରାଜନୈତିକ ଦଳର ନେତାଙ୍କ ଫଟୋ ସାମ୍ନାକୁ ଆସି ସାରିଛି । ତେଣୁ ତେନାମାନେ ପ୍ରମାଦ ଗଣୁଛନ୍ତି କାଳେ ଆଉକାହା ନାଁ ସାମ୍ନାକୁ ଆସିଯିବ କି । ଟିଭି ଖୋଲିବାକୁ କିମ୍ବା ଫୋନ ଉଠାଇବାକୁ ଭୟ ଲାଗୁଥିବା କିଛିନେତା ମଧ୍ୟ କୁହାକୁହି ହେଲେଣି ବୋଲି ଶୁଣାଯଉଛି । ଏହାରି ଭିତରେ ବରିଷ୍ଠ ରାଜନେତା ଦାମୋଦର ରାଉତ କହିଛନ୍ତି, ସେବା ନୁହେଁ ଉପଭୋଗ କରିବାକୁ ରାଜନୀତି କରୁଛନ୍ତି ନେତା । କାହା ସହାୟତାରେ କଳାହାଣ୍ଡିରୁ ଆସି ଭୁବନେଶ୍ୱରରେ ଅର୍ଚ୍ଚନା ନାଗ ଏତେ ପ୍ରଭାବ ବିସ୍ତାର କଲେ ତାର ତଦନ୍ତ ହେଉ ।
ଅର୍ଚ୍ଚନା ଓ ତାଙ୍କ ସ୍ୱାମୀ ଜଗବନ୍ଧୁଙ୍କ ସହ ମାଳ ମାଳ ନେତା ଓ ବଡବଡିଆଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ବଡ ନେତାଙ୍କ ନାଁ ଆସିବା ପରେ କାଳେ ଆଉ କାହାର ଫଟୋ ସାମ୍ନାକୁ ଆସିଯିବ ତାକୁ ନେଇ ଛନକା ପଶିଛି । ଯେଉଁ ବଡ ବଡିଆଙ୍କ ନାଁ ଆସିଛି ସେମାନେ ଗଣମାଧ୍ୟମକୁ ଆସି ହେଉଥିବା ଚର୍ଚ୍ଚା, ଆଲୋଚନାକୁ ଖଣ୍ଡନ କରୁନାହାନ୍ତି । ଯାହା ରାଜନୈତିକ ବୟାନବାଜି ପାଇଁ ସୁଯୋଗ ଦେଇଛି ।
ଏସବୁ ଚର୍ଚ୍ଚା ଭିତରେ ଲୋକଙ୍କ ମନରେ ବି ନେତାଙ୍କ ଭୂମିକାକୁ ନେଇ ସନ୍ଦେହ ବଢୁଛି । ପୁରା ଘଟଣାରେ ପ୍ରଭାବଶାଳୀ ବ୍ୟକ୍ତି ସାମିଲ ଥିବାରୁ ପୋଲିସ ତଦନ୍ତର ଗତି କୁଆଡେ ଯିବ ସେ ଉପରେ ସମସ୍ତଙ୍କ ନଜର ରହିଛି । ଲୋକଲଜ୍ଜା ଓ ସାମାଜିକ ଭାବମୂର୍ତି କ୍ଷୂର୍ଣ୍ଣ ହେବା ଭୟରେ କେହି ମୁହଁ ଖୋଲୁନାହାନ୍ତି । ଯାହା କାହାଣୀ ତିଆରି କରିବାକୁ ଅଧିକ ଖୋରାକ ଯୋଗାଇଛି । ବିରୋଧୀ ମଧ୍ୟ ସେହି କାହାଣୀ ଆଧାରରେ ଶାସକ ଦଳକୁ ଟାର୍ଗେଟ କରୁଛନ୍ତି ଆଉ ବିରୋଧୀ ଦଳର ନେତାଙ୍କ ଫଟୋ ଘୁରି ବୁଲୁଥିବାରୁ ଶାସକ ଦଳ ବେଶୀ ପ୍ରତିକ୍ରିୟାଶୀଳ ହେଉନାହିଁ ।