କେମ୍ବ୍ରିଜରେ ରାହୁଲ ଗାନ୍ଧୀଙ୍କ ଭାଷଣ ଉପରେ ଆପତି ଉଠାଇଲା ବିଜେପି, ଦଳ କହିଲା ସାରା ବିଶ୍ୱ ଭାରତର ଗୁଣଗାନ କରୁଥିବାବେଳେ ଦେଶକୁ ନିନ୍ଦୁଛନ୍ତି ରାହୁଲ
କନକ ବ୍ୟୁରୋ : କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ଉପରେ ବର୍ଷିଛି ବିଜେପି । ବିଦେଶରେ ପହଁଚି ଦେଶ ବିରୋଧରେ ବୟାନ ଦେବା ଏକ ନିନ୍ଦନିୟ ଘଟଣା ବୋଲି ବିଜେପି ଆଜି ସାମ୍ବ।।ଦିକ ସମ୍ମିଳନୀରେ କହିଛି । ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର କହିଛନ୍ତି ରାହୁଲ ଗାନ୍ଧୀ ଯେଉଁଭଳି ଭାବରେ ବିଦେଶରେ ଦେଶ ବିରୋଧୀ ବୟାନ ଦେଉଛନ୍ତି ତାହା ଆଦୌ ଗ୍ରହଣନୀୟ ନୁହେଁ । ସାରା ବିଶ୍ୱ ଭାରତର ଗୁଣଗାନ କରୁଛି କିନ୍ତୁ ରାହୁଲ ଭାରତ ଓ ଭାରତ ସରକାରଙ୍କୁ ନିନ୍ଦା କରୁଛନ୍ତିି ।
Kanak News is now on WhatsApp
Join and get latest news updates delivered to you via WhatsApp
ଦେଶ, ଗଣତନ୍ତ୍ର, ସେନା, ସରକାର, ଗଣମାଧ୍ୟମ ସମସ୍ତଙ୍କୁ ନିନ୍ଦା କରି ରାହୁଲ ଅର୍ନ୍ତରାଷ୍ଟ୍ରୀୟ ମଂଚରେ କଣ ପ୍ରମାଣ କରିବାକୁ ଚାହୁଁଛନ୍ତି ବୋଲି ବିଜେପି ପ୍ରଶ୍ନ କରୁଛି । କେମ୍ବ୍ରିଜ ବିଶ୍ୱବିଦ୍ୟାଳୟରେ ବକ୍ତୁତା ଦେବା ସମୟରେ ରାହୁଲ ପେଗାସସ ପ୍ରସଙ୍ଗ ଉଠାଇ ମୋଦୀ ସରକାରଙ୍କୁ ସମାଲୋଚନା କରିଥିଲେ । ଏଥିସହ ଚୀନର ପ୍ରଶଂସା କରିବା ସହ କଶ୍ମୀର ଏକ ହିଂସକ ସ୍ଥାନ ବୋଲି କହିଥିଲେ ।ଯାହାକୁ ନେଇ ଏବେ ଉଡୁଛି ପଡୁଛି ଜାତୀୟ ରାଜନୀତି ।