ପୋଲିସ କର୍ମଚାରୀଙ୍କ ଗାଡି କିଣି ସୋ-ରୁମ୍ ମାଲିକ ହଟହଟା : ମାଲିକାନା ପରିବର୍ତ୍ତନ ନକରି ଗାଡି ନେଇଗଲେ ! ବନ୍ଧୁକ ଦେଖାଇ ଜୀବନରୁ ମାରିଦେବାକୁ ଧମକ
କନକ ବ୍ୟୁରୋ : ପୋଲିସ କର୍ମଚାରୀଙ୍କ ଗାଡ଼ି କିଣି ହଟହଟା ହେଲେ ସୋ-ରୁମ୍ ମାଲିକ । ସୂଚନା ଅନୁସାରେ, ବଲାଙ୍ଗିରରେ ଏକ ସୋରୁମ୍ କରି ପୁରୁଣା ଗାଡ଼ି କିଣାବିକା କରୁଥିବା ତୁଷୁରାର ଅନୀଲ ମହାପତ୍ର ବରଗଡ଼ର ତତ୍କାଳୀନ ପୁଲିସ କର୍ମଚାରୀ ସ୍ମିତାରାଣୀ ଦାସଙ୍କର ଏକ ସ୍କର୍ପିଓ ଗାଡ଼ି ୯ଲକ୍ଷ ୬୫ ହଜାର ଟଙ୍କାରେ କିଣିଥିଲେ । ଗାଡ଼ିଟିକୁ ବୌଦ୍ଧ ଜିଲ୍ଲା ଭୁତାପାଲିର ବ୍ରଜବନ୍ଧୁ ମହାନ୍ତିଙ୍କୁ ବିକ୍ରି କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଗାଡ଼ିର ମାଲିକାନା ପରିବର୍ତ୍ତନ ପାଇଁ ମହିଳା ପୋଲିସ କର୍ମଚାରୀଙ୍କ ସ୍ୱାମୀ ଅଧିକ ଲକ୍ଷେ ଟଙ୍କା ଦାବି କରିଥିଲେ । ଅନୀଲ ଅଧିକ ଲକ୍ଷେ ଟଙ୍କା ମଧ୍ୟ ଦେଇଥିଲେ । ହେଲେ ଗାଡ଼ିର ମାଲିକାନା ପରିବର୍ତ୍ତନ ନକରି ମହିଳା ପୋଲିସ କର୍ମଚାରୀଙ୍କ ସ୍ୱାମୀ ଓ ତାଙ୍କ ଭାଇ ଗାଡ଼ି ଚୋରି କରି ନେଇଥିବା ଅଭିଯୋଗ ହୋଇଛି । ଏହା ସହ ବନ୍ଧୁକ ଦେଖାଇ ଜୀବନରୁ ମାରିଦେବାକୁ ଧମକ ଦେଇଥିବା ଅଭିଯୋଗ କରିଛନ୍ତି ଅନିଲ ମହାପାତ୍ର । ଏ ନେଇ ଅନୀଲ ମହାପାତ୍ର ବରଗଡ଼ ଟାଉନ ଥାନାରେ ଅଭିଯୋଗ କରିଥିଲେ ମଧ୍ୟ କିଛି କାର୍ଯ୍ୟାନୁଷ୍ଠାନ ନିଆଯାଉନଥିବା ଅଭିଯୋଗ ହୋଇଛି ।