ମହାରାଷ୍ଟ୍ରରେ ବିଜେପି-ଶିବସେନା ବିବାଦ ଭିତରେ ଶୁକ୍ରବାର ଶପଥ ନେଇପାରନ୍ତି ଦେବେନ୍ଦ୍ର ଫଡନଭିସ୍ । କଥା କଟାକଟି ସତ୍ୱେ ସରକାରରେ ଯୋଗ ଦେଇପାରେ ଶିବସେନା
କନକ ବ୍ୟୁରୋ : ମହାରାଷ୍ଟ୍ରରେ ବିଜେପି-ଶିବସେନା ବିବାଦ ଭିତରେ ଶୁକ୍ରବାର ଶପଥ ନେଇପାରନ୍ତି ଦେବେନ୍ଦ୍ର ଫଡନଭିସ୍ । ବିଜେପିର ବରିଷ୍ଠ କର୍ମକର୍ତାଙ୍କ ସୂଚନା ଅନୁଯାୟୀ ଆସନ୍ତା ୩୧ ତାରିଖ କିମ୍ବା ନଭେମ୍ବର ୧ ତାରିଖରେ ଫଡନଭିସ୍ ଶପଥ ନେଇପାରନ୍ତି । ଏବଂ କଥା କଟାକଟି ସତ୍ୱେ ଶିବସେନା ସରକାରରେ ଯୋଗ ଦେବେ ବୋଲି ଆଶା ରଖିଛି ବିଜେପି । ଆଉ ଏହାରି ଭିତରେ ଆଜି ବିଜେପି ବିଧାୟକ ଦଳ ବୈଠକ ବସିବ । ସେପଟେ ୫୦-୫୦ ଫର୍ମୁଲାରେ ଅଟଳ ରହିଛି ସେନା । ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସ ଫିପଟି ଫିପଟି ଫର୍ମୂଲାକୁ ଅଗ୍ରାହ୍ୟ କରିବା ସହ କହିଛନ୍ତି ସେ ହିଁ ମୁଖ୍ୟମନ୍ତ୍ରୀ ହେବେ । ଏହାପରେ ଶିବସେନା ବିକଳ୍ପ ଥିବା ନେଇ ଚେତାବନୀ ଦେବା ପରେ ବିଜେପି ପାଲଟା ଜବାବ ଦେଇ କହିଛି ୪୫ ଶିବସେନା ବିଧାୟକ ବିଜେପି ସଂପର୍କରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମହାରାଷ୍ଟ୍ର ବିଧାନସଭା ନିର୍ବାଚନ ଫଳାଫଳ ଆସିବା ପରେ ନିର୍ବାଚନ ପୂର୍ବରୁ ବିଜେପି ରାଷ୍ଟ୍ରିୟ ଅଧ୍ୟକ୍ଷ ଅମିତ୍ ଶାହାଙ୍କ ସହ ୫୦-୫୦ ଫର୍ମୁଲାରେ ସରକାର ଗଠନ ପାଇଁ କଥାବାର୍ତା ହୋଇଥିବା କହିଥିଲେ ଶିବସେନା ମୁଖ୍ୟ ଉଦ୍ଧବ ଠାକରେ । ଏହି ଫର୍ମୁଲା ଅନୁସାରେ ଅଢ଼େଇ ବର୍ଷ ବିଜେପି ଓ ଅଢ଼େଇ ବର୍ଷ ଶିବସେନା ମୁଖ୍ୟମନ୍ତ୍ରୀ ପଦରେ ରହିବାକୁ ଦାବି କରିଛି ଶିବସେନା । ହେଲେ ଶିବସେନାର ଏହି ଫର୍ମୁଲାରେ ରାଜି ହୋଇନି ବିଜେପି । ନିର୍ବାଚନ ପୂର୍ବରୁ ଏଭଳି କୌଣସି କଥାବାର୍ତ ହୋଇଥିବା କଥାକୁ ଖଣ୍ଡନ କରିଛନ୍ତି ବିଜେପି ନେତା । ତେବେ ଅମିତ୍ ଶାହାଙ୍କ ସହ ଉଦ୍ଧବ ଠାକରେଙ୍କ ଆଲୋଚନା ପରେ ନିଷ୍କର୍ଷ ବାହାରିବ ବୋଲି କୁହାଯାଉଥିଲା । ହେଲେ ଗତକାଲି ଏହି ଆଲୋଚନା ବାତିଲ ହୋଇଥିଲା ।