ଛତିଶଗଡରେ ସୁରକ୍ଷାକର୍ମୀଙ୍କ ବଡ ସଫଳତା: ଗୁଳି ବିନିମୟ ଘଟି ୭ ନକ୍ସଲ ନିପାତ
ନିହତ ମାଓବାଦୀଙ୍କ ନିକଟରୁ ଗୋଟିଏ ଏକେ ୪୭, ଗୋଟିଏ ୩୦୩ ରାଇଫଲ, ୧୨ ବନ୍ଧୁକ ଜବତ
କନକ ବ୍ୟୁରୋ: ଛତିଶଗଡରେ ସୁରକ୍ଷା ବଳକୁ ମିଳିଛି ବଡ ସଫଳତା । ଡିଷ୍ଟ୍ରିକ୍ଟ ରିଜର୍ଭ ଗାର୍ଡ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟି ଟଳିପଡିଛନ୍ତି ୭ ଜଣ ହାଡକୋର ନକ୍ସଲ । ତେବେ ଏହି ଏନକାଉଂଟର ଛତିଶଗଡର ରାଜନନ୍ଦ ଗାଁର ବଗନାଦୀ ପୁଲିସ୍ ଷ୍ଟେସନ ନିକଟରେ ଘଟିଛି । ଅନ୍ୟପଟେ, ନିହତ ହୋଇଥିବା ଏହି ମାଓବାଦୀଙ୍କ ନିକଟରୁ ମାରଣାସ୍ତ୍ର ମିଳିବା ସହ ବିପୁଳ ମାତ୍ରାରେ ବିସ୍ଫୋରକ ସାମଗ୍ରୀ ଜବତ କରିଛି ପୁଲିସ୍ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଆଜି ଛତିଶଗଡ଼ର ରାଜନନ୍ଦଗାଓଁର ସୀତାଗୋତା ଜଙ୍ଗଲିଆ ଅଞ୍ଚଳରେ ଜିଲ୍ଲା ରିଜର୍ଭ ଗାର୍ଡଙ୍କ ସହ ଗୁଳି ବିନିମୟ କରି ଅନ୍ୟୂନ ସାତ ଜଣ ନକ୍ସଲ ନିହତ ହୋଇଛନ୍ତି। ଘଟଣାସ୍ଥଳରୁ ନିରାପତ୍ତା କର୍ମଚାରୀମାନେ କେତେଗୁଡ଼ିଏ ଏକେ-୪୭ ରାଇଫଲ୍, ୩୦୩ ରାଇଫଲ୍ ଓ ଅନ୍ୟାନ୍ୟ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ଜବତ କରିଛି ପୁଲିସ୍ । ତେବେ ଏବେବି ସେଠାରେ ସେଠାରେ ୪୦ ରୁ ୫୦ ଜଣ ନକ୍ସଲ୍ ଲୁଚି ରହିଥିବା ସନ୍ଦେହ କରାଯାଉଛି। ଗୁଳି ବିନିମୟ ଜାରି ରହିଛି ।