ଚେନ୍ନାଇରେ ଭୀଷଣ ଜଳସଙ୍କଟ ! ମୁଖ୍ୟମନ୍ତ୍ରୀଙ୍କ ଘୋଷଣାକ୍ରମେ ପ୍ରତିଦିନ ପାଣି ପହଞ୍ଚାଇବ ସ୍ପେଶାଲ୍ ଟ୍ରେନ୍ ।
ପାଣିର ଅଭାବ ଯୋଗୁଁ ଚେନ୍ନାଇରେ ଭୀଷଣ ଜଳସଙ୍କଟ ଦେଖାଦେଇଛି । ଏବେ ଏହି ଜଳସଙ୍କଟ ସହ ଲଢୁଥିବା ଲଢେଇ କରୁଥିବା ତାମିଲନାଡୁ ଲୋକଙ୍କୁ ଜଳ ଯୋଗାଇବାକୁ ଅଣ୍ଟା ଭିଡିଛନ୍ତି ତାମିଲନାଡୁ ସରକାର । ମୁଖ୍ୟମନ୍ତ୍ରୀ କେ.ପଲାନିସ୍ୱାମୀ କହିଛନ୍ତି ବେଲ୍ଲୋର ଜିଲ୍ଲାର ଜୋଲାରପେଟ୍ ରୁ ବିଶେଷ ଟ୍ରେନ୍ ଜରିଆରେ ପ୍ରତିଦିନ ୧ କୋଟି ଲିଟର ପାଣି ଚେନ୍ନାଇ ପଠାଯିବ । ଆଗାମୀ ୬ ମାସ ପର୍ଯ୍ୟନ୍ତ ଏହି ଟ୍ରେନ୍ ଚାଲୁରହିବ । ଟ୍ରେନ୍ ରେ ପାଣି ନେବା ପାଇଁ ରାଜ୍ୟ ସରକାର ୬୫ କୋଟି ଟଙ୍କା ନିର୍ଣ୍ଣୟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାଛଡା ଚେନ୍ନାଇ ଜଳପୂର୍ତ୍ତି ଏବଂ ସିବେଜ୍ ବୋର୍ଡକୁ ଜଳ ସଂକଟରୁ ମୁକାବିଲା କରିବା ପାଇଁ ୧୫୮.୪୨ ଟଙ୍କା ଦିଆଯାଇଛି । ମୁଖ୍ୟମନ୍ତ୍ରୀ କେ.ପଲାନିସ୍ୱାମୀ କହିଛନ୍ତି ତାମିଲନାଡୁ ଜଳପୂର୍ତ୍ତି ବୋର୍ଡ ସମେତ ଅନ୍ୟ ଏଜେନ୍ସି ୧୦୮.୩୨ କୋଟି ଟଙ୍କା ଜଳ ସଂକଟରୁ ମୁକାବିଲା କରିବା ପାଇଁ ଦିଆଯାଇଛି ।
ପୁନ୍ଦି,ଚେମ୍ବରବକ୍କମ୍ ,ସୋଲାବରମ୍ ଏବଂ ରେଡ୍ ହିଲ୍ସ ସ୍ଥିତ ଜଳାଶୟ ଶୁଖିବା କାରଣରୁ ଚେନ୍ନାଇରେ ପାଣି ମିଳିବା କଷ୍ଟକର ହୋଇପଡିଛି । ପ୍ରତିଦିନ ୫୨.୫ କୋଟି ଲିଟର ପାଣି ଚେନ୍ନାଇକୁ ଦିଆଯାଉଛି । ଏହାଛଡା ପ୍ରତିଦିନ ୮୦୦ ଟ୍ୟାଙ୍କର ପ୍ରଭାବିତ କ୍ଷେତ୍ରକୁ ଯିବ । କୁଡ୍ଡାଲୋର ଜିଲ୍ଲାର ବିରଣମ୍ ଦ୍ରଦରେ ପାଣି ଚେନ୍ନାଇ ପହଞ୍ଚାଯାଉଛି ।
