କୁଶଳୀ ଭାରତ ପାଇଁ କେନ୍ଦ୍ର ସରକାରଙ୍କ ନୂଆ ମିଶନ୍ । ଦେଶର ବିଭିନ୍ନ ସ୍ଥାନରେ ପ୍ରତିଷ୍ଠା ହେବ ଭାରତୀୟ କୌଶଳ ବିକାଶ ସଂସ୍ଥାନ ।
କନକ ବ୍ୟୁରୋ: ପିପିପି ମୋଡରେ ଦେଶର ବିଭିନ୍ନ ସ୍ଥାନରେ ପ୍ରତିଷ୍ଠା ହେବ ଭାରତୀୟ କୌଶଳ ବିକାଶ ସଂସ୍ଥାନ ବା (ଆଇଆଇଏସ) । ଏନେଇ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟରେ ପ୍ରସ୍ତାବକୁ ମଞ୍ଜୁର ମିଳିଛି । ଚାହିଦା ଏବଂ ଉପଲବ୍ଧ ଭିତିଭୂମି ଆଧାରରେ ଚୟନ କରାଯାଇଥିବା ସ୍ଥାନରେ ଆଇଆଇଏସ ପ୍ରତିଷ୍ଠା ହେବ । ଏହି ସଂସ୍ଥାନ ପ୍ରତିଷ୍ଠା କରାଯିବାକୁ କେନ୍ଦ୍ର କ୍ୟାବିନେଟରେ ନିଷ୍ପତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଇଆଇଏସ ପ୍ରତିଷ୍ଠା ହେବା ଦ୍ୱାରା ଉଚ୍ଚମାନର କୌଶଳ ତାଲିମ, ପ୍ରୟୋଗାତ୍ମକ ଗବେଷଣା ଶିକ୍ଷା ଏବଂ ଉଦ୍ୟୋଗ ସହିତ ପ୍ରତ୍ୟକ୍ଷ ଓ ପ୍ରଭାବୀ ସଂଯୋଗ ଜରିଆରେ ଭାରତୀୟ ଅର୍ଥବ୍ୟବସ୍ଥାର ପ୍ରମୁଖ କ୍ଷେତ୍ରରେ ବିଶ୍ୱସ୍ତରୀୟ ପ୍ରତିଦ୍ୱନ୍ଦ୍ୱିତା ବୃଦ୍ଧି ପାଇବ । ଏହା ଦେଶର ଯୁବକମାନଙ୍କୁ ଉଚ୍ଚମାନର କୌଶଳ ତାଲିମ ଯୋଗାଇ ଦେବ ।
ଏହାଦ୍ୱାରା ମିଶନ୍ କୁଶଳୀ ଭାରତ- ସଶକ୍ତ ଭାରତ କରିବାର ଲକ୍ଷ୍ୟ ପୂରଣ ହୋଇପାରିବ । ତେଣୁ ଏହାକୁ ସାକାର କରିବା ପାଇଁ ଘରୋଇ ଉଦ୍ୟୋଗ, ସରକାରୀ ଭୂମି ଏବଂ ରାଷ୍ଟ୍ରାୟତ ପୁଞ୍ଜିର ଲାଭ ଉଠାଇ ଏହାର ଜ୍ଞାନ ଓ ପ୍ରତିଦ୍ୱନ୍ଦ୍ୱିତାର ନୂତନ ପ୍ରତିଷ୍ଠାନ ନିର୍ମାଣ କରିବ ବୋଲି କେନ୍ଦ୍ର ସରକାର ଲକ୍ଷ୍ୟ ରଖିଛନ୍ତି ।