କନକ ବ୍ୟୁରୋ: ମଧ୍ୟପ୍ରଦେଶ ସିଦ୍ଧିରେ ଜଣେ ଆଦିବାସୀ ଯୁବକଙ୍କ ଉପରେ ପରିସ୍ରା କରିଥିବା ଅଭିଯୁକ୍ତଙ୍କ ବିରୋଧରେ ହେବ କଡା କାର୍ଯ୍ୟାନୁଷ୍ଠାନ । ଅଭିଯୁକ୍ତ ଘରକୁ ବୁଲଡୋଜର ଲଗାଇ ମାଟିରେ ମିଶାଇବାକୁ କଡା ନିର୍ଦ୍ଦେଶ ଦେଇଛନ୍ତି ରାଜ୍ୟ ଗୃହମନ୍ତ୍ରୀ ନରୋତ୍ତମ ମିଶ୍ରା । ଏହା ପୂର୍ବରୁ ଅଭିଯୁକ୍ତ ପ୍ରବେଶ ଶୁକ୍ଳାକୁ ଗିରଫ କରାଯାଇସାରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବିଜେପି ବିଧାୟକ କେଦାରନାଥ ଶୁକ୍ଳା ଜଣେ ଆଦିବାସୀ ଯୁବକଙ୍କ ଉପରେ ନିଶାସକ୍ତ ଅବସ୍ଥାରେ ପରିସ୍ରା କରୁଥିବା କ୍ୟାମେରାରେ ଉତ୍ତୋଳିତ ଦୃଶ୍ୟରେ ଦେଖିବାକୁ ମିଳିଥିଲା । ଏହି ଘଟଣାକୁ ନେଇ ବିରୋଧୀ ବିଜେପି ନେତାଙ୍କୁ ଟାର୍ଗେଟ କରିଥିବାବେଳେ ଏହାସହ ତାଙ୍କର କୌଣସି ସମ୍ପର୍କ ନଥିବା କହିଥିଲେ ବିଧାୟକ କେଦାରନାଥ ଶୁକ୍ଳା । ହେଲେ ଏହି ଘଟଣାକୁ କେବେବି ମାଫ୍ କରାଯିବନି ବୋଲି କହିଥିଲେ ରାଜ୍ୟ ସରକାର । ଏହା ପର ପଦକ୍ଷେପରେ ଅଭିଯୁକ୍ତ ପ୍ରବେଶ ଶୁକ୍ଳାକୁ ଗିରଫ କରାଯିବା ସହ ତା’ ଘର ଉପରେ ବୁଲ ଡୋଜର ଚଢାଇଦେବାକୁ ନିର୍ଦ୍ଦେଶ ଦେିଛନ୍ତି ରାଜ୍ୟ ଗୃହମନ୍ତ୍ରୀ ।