ଛତିଶଗଡ ମୁଖ୍ୟମନ୍ତ୍ରୀଙ୍କ ବିବାଦୀୟ ବୟାନ, ବିରୋଧୀ ବିଧାୟକଙ୍କୁ କିଣିବାକୁ ସରକାରୀ ସଂସ୍ଥାର ଅପବ୍ୟବହାର କରୁଛି ବିଜେପି
କନକ ବ୍ୟୁରୋ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପରେ ଏବେ ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲ ବିଜେପି ଉପରେ ବିବାଦୀୟ ମନ୍ତବ୍ୟ ଦେଇଛନ୍ତି । ସେ ବିଜେପିକୁ ସମାଲୋଚନା କରିବା ଆଳରେ କହିଛନ୍ତି କି ବିରୋଧୀ ବିଧାୟକଙ୍କୁ କିଣିବା ପାଇଁ ବିଜେପି ନେତାମାନେ ଟଙ୍କା ବ୍ୟାଗ ଧରି ବୁଲୁଛନ୍ତି । ଏହାକୁ ସହଜରେ ବରଦାସ୍ତ କରାଯାଇ ପାରିବ ନାହିଁ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଛତିଶଗଡ ମୁଖ୍ୟମନ୍ତ୍ରୀ ଅଭିଯୋଗ କରିଛନ୍ତି କି, ବିଜେପି ବିରୋଧୀ ଦଳର ବିଧାୟକଙ୍କୁ କିଣିବା ପାଇଁ ବିଭିନ୍ନ କୌଶଳ ଅବଲମ୍ବନ କରୁଛି । ଏଭଳି କରି ବିଭିନ୍ନ ରାଜ୍ୟରେ ଥିବା ବିରୋଧୀଦଳମାନଙ୍କ ସରକାରରେ ଅସ୍ଥିରତା ସୃଷ୍ଟି କରି ବିଜେପି ସରକାର ଭାଙ୍ଗିବାକୁ ଚେଷ୍ଟା କରୁଥିବା କଥା ସେ ଅଭିଯୋଗ କରିଛନ୍ତି । ବିଜେପି ବିରୋଧୀଦଳମାନଙ୍କ ସରକାରକୁ ଭାଙ୍ଗିବା ପାଇଁ କ୍ଷମତା ଓ ଅର୍ଥ ଉଭୟର ବ୍ୟବହାର କରୁଥିବା କଥା ବାଘେଲ ଅଭିଯୋଗ କରିଛନ୍ତି ।
ବାଘେଲ କହିଛନ୍ତି କି ବିଜେପି ବିରୋଧୀଦଳ ସରକାରମାନଙ୍କୁ ଇଡି ଓ ଆୟକର ବିଭାଗର ଭୟ ଦେଖାଇ ଭୟଭିତ କରୁଛି । ଏହି ଜାତୀୟ ଏଜେନ୍ସିଗୁଡିକର ଅପବ୍ୟବହାର କରି ବିଭିନ୍ନ ରାଜ୍ୟରେ ରାଜନୈତିକ ଅସ୍ଥିରତା ସୃଷ୍ଟି କରୁଛି । ଏହାସହ କେନ୍ଦ୍ର ସରକାର କେବଳ ଭାବପ୍ରବଣ ଭାବେ ଲୋକଙ୍କୁ ଶୋଷଣ କରୁଥିବା କଥା ସେ ଅଭିଯୋଗ କରିଛନ୍ତି । ଝାଡଖଣ୍ଡରେ ଲାଗି ରହିଥିବା ରାଜନୈତିକ ଅସ୍ଥିରତା ପରିପେକ୍ଷୀରେ ବାଘେଲ ଏଭଳି ଅଭିଯୋଗ ଆଣିଛନ୍ତି ।