ଭର୍ତ୍ତୃହରି ବନାମ ସଂତୃପ୍ତ: ମହାଲଢ଼େଇ ପାଇଁ ପ୍ରସ୍ତୁତ କଟକ ମଇଦାନ
କନକ ବ୍ୟୁରୋ: ଏଥର କଟକରେ ହେବ କଡା ଟକ୍କର । କଟକରୁ ୬ ଥର ସାଂସଦଙ୍କୁ ଟକ୍କର ହେବେ କର୍ପୋରେଟ୍ ଜଗତର ବଡ ଚେହେରା । ସବୁ ସସ୍ପେନ୍ସର ଛାତି ଚିରି କଟକ ଲୋକସଭା ପାଇଁ ସାଂସଦ ପ୍ରାର୍ଥୀ ଘୋଷଣା ସରିଛି । ବିଜେପିରୁ ଭର୍ତୃହରି ମହତାବଙ୍କ ସହ ମଇଦାନରେ ଟକ୍କର ଦେବେ କର୍ପୋରେଟ୍ ରଣନୀତିକାର ସଂତୃପ୍ତ ମିଶ୍ର । ଅନୁଭବି ନେତା ବନାମ ବିଜେଡି ନେତାଙ୍କ ମଧ୍ୟରୁ କାହାକୁ ବାଛିବେ ଜନତା, ତାକୁ ନେଇ ଚାଲିଛି ଚର୍ଚ୍ଚା ।
Kanak News is now on WhatsApp
Join and get latest news updates delivered to you via WhatsApp
ଭର୍ତ୍ତୃହରି ମହତାବ ବିଜେଡି ଛାଡ଼ି ବିଜେପିରେ ଯୋଗ ଦେବା ପରେ ତାଙ୍କୁ କଟକ ଲୋକସଭା ପାଇଁ ପ୍ରାର୍ଥୀ କରିଛି ଦଳ । ଗତକାଲି ବିଜେପି ଟିକେଟ ଘୋଷଣା କରିବା ପରେ ଆଜି ଓଡ଼ିଶା ଫେରି ଆସିଛନ୍ତି ଭର୍ତୃହରି । ଭୁବନେଶ୍ୱର ବିମାନ ବନ୍ଦରରେ ତାଙ୍କୁ ସ୍ୱାଗତ ସମ୍ବର୍ଦ୍ଧନା ଜଣାଇଛନ୍ତି ବିଜେପି ନେତା ଓ କର୍ମୀ । ବିଶାଳ ରାଲି କରି ଦଳୀୟ କାର୍ଯ୍ୟାଳୟକୁ ପାଛୋଟି ଆଣିଥିଲେ । ଭୁବନେଶ୍ୱର ବିଜେପି ରାଜ୍ୟ କାର୍ଯ୍ୟାଳୟରେ ପହଁଚିବା ପରେ ଭର୍ତୃହରି କହିଛନ୍ତି, ବିଜେପି ତାଙ୍କ ପାଇଁ ନୂଆ ନୁହେଁ । ପୂର୍ବରୁ ୩ ଥର ମେଂଟର ପ୍ରାର୍ଥୀ ଭାବେ ବିଜୟୀ ହୋଇଛନ୍ତି । ପ୍ରଧାନମନ୍ତ୍ରୀଙ୍କ ନେତୃତ୍ୱକୁ ପ୍ରଶଂସା କରିବା ସହ ସେ କହିଛନ୍ତି, ବିଜେପିରେ କାମ କରିବା ପାଇଁ ବ୍ୟାପକ ସୁଯୋଗ ମିଳିବ । ଓଡ଼ିଶାରେ ପରିବର୍ତ୍ତନର ଆଭାସ ମିଳୁଛି ।
ବିଜେଡିର ପତନର ବେଳ କହି ଭର୍ତୃହରି ଶାସକ ଦଳକୁ ଟାର୍ଗେଟ କରିଥିବା ବେଳେ କଟକରେ ପ୍ରଚାର ଆରମ୍ଭ କରି ଦେଇଛନ୍ତି ବିଜେଡି ଲୋକସଭା ପ୍ରାର୍ଥୀ ସଂତୃପ୍ତ ମିଶ୍ର । ଯୁବ ଭୋଟରଙ୍କ ସମର୍ଥନ ଲୋଡ଼ିଛନ୍ତି । ବିଜୁ ଯୁବ ଛାତ୍ର ଜନତା ଦଳର କର୍ମୀଙ୍କୁ ତୁଳସୀପୁରରେ ଆୟୋଜିତ କର୍ମୀ ସମ୍ମିଳନୀରେ ଆଗାମୀ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିଛନ୍ତି । ଆଗାମୀ ନିର୍ବାଚନ ପାଇଁ ଯୁବ ଭୋଟରଙ୍କ ଭୂମିକା ବେଶ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି ସଂତୃପ୍ତ ।
କଟକ ଲୋଭସଭା ଆସନରେ ବଡ଼ ଲଢ଼େଇ ହେବାକୁ ଯାଉଛି । ଗୋଟିଏ ପଟେ ୬ ଥର ସାଂସଦ ହୋଇଥିବା ଭର୍ତୃହରି ମହତାବଙ୍କୁ ବିଜେପି ପ୍ରାର୍ଥୀ କରିଥିବା ବେଳେ କର୍ପୋରେଟ୍ ଲିଡର ସଂତୃପ୍ତ ମିଶ୍ରଙ୍କୁ ପ୍ରାର୍ଥୀ କରିଛି ବିଜେଡି । ଗୋଟିଏ ପଟେ ଅଭିଜ୍ଞ ରାଜନେତା ଓ ଅନ୍ୟପଟେ ଜଣେ ସଫଳ କର୍ପୋରେଟ୍ ରଣନୀତିକାର । ତେଣୁ କଟକ ନିର୍ବାଚନମଣ୍ଡଳୀର ଭୋଟର କାହା ସପକ୍ଷରେ ମତ ଦେଉଛନ୍ତି, ତା ଉପରେ ରହିବ ସମସ୍ତଙ୍କ ନଜର ।