ପ୍ରଦୂଷଣର ଫାଇଦା! ଭାରତକୁ ଅଧିକ ଗରମ ହେବାକୁ ବଞ୍ଚାଉଛି ବାୟୁ ପ୍ରଦୂଷଣ । ଜାଣନ୍ତୁ କେମିତି…
କନକ ବ୍ୟୁରୋ: ବାୟୁ ପ୍ରଦୂଷଣକୁ ନେଇ ପ୍ରତ୍ୟେକ ବର୍ଷ ଅନେକ କଥା ଆମେ ଦେଖୁଛେ । ବିଶେଷ କରି ଦୀପାବଳି ସମୟରେ ଆକାଶରେ ଧୂଆଁମୟ ପରିବେଶ ସୃଷ୍ଟି ହୋଇଥାଏ । ଏହି ସମୟରେ ନିଶ୍ୱାସ ନେବା ଏକ ପ୍ରକାର କଷ୍ଟକର ହୋଇପଡେ । ତେବେ ଆଜି ଆମେ ଆପଣଙ୍କୁ ଏଭଳି ଗୋଟିଏ ସୂଚନା ଦେବୁ ଯାହା ଦ୍ୱାରା ଆପଣ ବାୟୁ ପ୍ରଦୂଷଣକୁ ଖରାପ କହିବା ବନ୍ଦ କରିଦେବେ ।
Kanak News is now on WhatsApp
Join and get latest news updates delivered to you via WhatsApp
ଜଳବାୟୁ ପରିବର୍ତ୍ତନ କ୍ଷେତ୍ରରେ କାମ କରୁଥିବା ଆମେରିକାର ଏକ କମ୍ପାନୀ ଦାବି କରିଛି ଯେ, ବାୟୁ ପ୍ରଦୂଷଣ କାରଣରୁ ଭାରତ ଗରମରୁ ବଞ୍ଚିବାରେ ଲାଗିଛି । ଜଳବାୟୁ ପରିବର୍ତ୍ତନ ମୁଖ୍ୟ ଜେକେ ହସଫାଦର ଦାବି କରିଛନ୍ତି ଯେ ଜନସଂଖ୍ୟା ବିଶିଷ୍ଟ ଦେଶ ମଧ୍ୟରେ ବାୟୁ ପ୍ରଦୂଷଣ କାରଣରୁ ଧିମା ଗତିରେ ଗରମ ଅନୁଭବ ହେଉଛି ।
ହସଫାଦର ଦାବି କରିଛନ୍ତି ଯେ ପବନରେ ଏୟାରସୋଲ ସାଧାରଣତଃ ଭାବେ ଥଣ୍ଡା ଦେଇଥାଏ । କାରଣ ସୂର୍ଯ୍ୟଙ୍କ ପ୍ରକାଶକୁ ଏହା ସିଧାସଳଖ ଭାବେ ପୃଥିବୀରେ ପଡିବାକୁ ଦେଇନଥାଏ । ଏହାଦ୍ୱାରା ଗରମ ଅଧିକ ହୋଇନଥାଏ । ଏହି ଏୟାରସୋଲ ବାଦଲ ତିଆରି କରିବାରେ ମଧ୍ୟ ସହଯୋଗ କରିଥାଏ । ହାସଫାଦରଙ୍କ କହିବାନୁସାରେ ଏହି ଏୟାରସୋଲ ସଲଫର ଡାଇଅକ୍ସାଇଡରୁ ପ୍ରସ୍ତୁତ ହୋଇଥାଏ । ଯାହା ଡିଜେଲ, ତେଲ କିମ୍ବା ସଲଫର ଯୁକ୍ତ ଇନ୍ଧନରୁ ବାହାରୁ ଥିବା ଗ୍ୟାସରୁ ପ୍ରସ୍ତୁତ ହୋଇଥାଏ ।
ହସଫାଦର ଆହୁରି ମଧ୍ୟ କହିଛନ୍ତି ଯେ, ଆମେରିକା ଏବଂ ଅନ୍ୟ ୟୁରୋପୀୟ ଦେଶ ତୁଳନାରେ ଭାରତରେ ତାପମାତ୍ରା ବୃଦ୍ଧି ଦର ଅଧା ଡିଗ୍ରୀରୁ ମଧ୍ୟ କମ ରହିଛି । ଏଠି ଆଜି ମଧ୍ୟ ଧୂଆଁ ଦେଖାଦେଇଥାଏ ଯାହା ପରିବେଶର ଶତ୍ରୁ ନୁହେଁ । ତାଙ୍କ କହିବା ଅନୁସାରେ, ଏହା କହିହେବ ନାହିଁ ଯେ ଭାରତରେ ତାପମାତ୍ରା ବୃଦ୍ଧିର ପ୍ରଭାବ ଦେଖାଯିବ ନାହିଁ କିନ୍ତୁ ପ୍ରଦୂଷଣ କାରଣରୁ ଭାରତରେ ତାପମାତ୍ରା ବୃଦ୍ଧିର ଗତି ଧିମା ହୋଇଛି । ୧୯୫୧ରୁ ୧୯୮୦ ଯାଏ ଦେଶରେ ତାପମାତ୍ରା ବୃଦ୍ଧିର ଯେଉଁ ସ୍ଥିତି ଥିଲା ପ୍ରଦୂଷଣ କାରଣରୁ ସେଥିରେ ଅଧା ଡିଗ୍ରୀ ତାପାମାତ୍ରା କମିଯାଇଛି ।