ପଠାନ ଫିଲ୍ମକୁ ବହିଷ୍କାର କର, ଯେଉଁ ହଲରେ ଏହି ଫିଲ୍ମ ପଡିବ ତାକୁ ଜାଳିଦିଅ । ଶାହାରୁଖଙ୍କ ଫିଲ୍ମକୁ ଏମିତି ବିରୋଧ କରିବାକୁ ଉସୁକାଇଲେ ଅଯୋଧ୍ୟା ମହନ୍ତ ରାଜୁ ଦାସ ।
କନକ ବ୍ୟୁରୋ : ଶାହାରୁଖ ଖାନଙ୍କ ଆଗାମୀ ଫିଲ୍ମ ପଠାନକୁ ବହିଷ୍କାର କରିବାକୁ ଅପିଲ କରିଛନ୍ତି ଅଯୋଧ୍ୟାର ମହନ୍ତ ରାଜୁ ଦାସ । ଏହାସହ ଦର୍ଶକଙ୍କୁ ଅପିଲ କରିଛନ୍ତି ଯେଉଁ ଥିଏଟରରେ ପଠାନ ଫିଲ୍ମ ସୋ ପଡୁଛି ସେହି ହଲକୁ ଜାଳି ଦିଆଯାଉ । ଶାହାରୁଖ ଖାନ୍ ଲଗାତାର ସନାତନ ଧର୍ମର ମଜାକ ଉଡାଉଛନ୍ତି । ହଲିଉଡ ଓ ବଲିଉଡ ଲଗାତାର ପ୍ରୟାସ କରୁଛନ୍ତି କିଭଳି ସନାତନ ଧର୍ମର ମଜାକ ଉଡାଯିବ । ହିନ୍ଦୁ ଦେବାଦେବୀଙ୍କୁ ଅପମାନିତ କରାଯିବ । ପଠାନ୍ ଫିଲ୍ମରେ ଦୀପିକା ଗେରୁଆ ରଙ୍ଗର ଅନ୍ତଃବସ୍ତ୍ର ପିନ୍ଧି ସାଧୁସନ୍ଥଙ୍କ ଭାବାବେଗକୁ ଆଘାତ ଦେଇଛନ୍ତି । ଆଉ ଏହା ସମ୍ପୂର୍ଣ୍ଣ ଦୁଃଖଦ ଘଟଣା ।
Kanak News is now on WhatsApp
Join and get latest news updates delivered to you via WhatsApp
ରାଜୁ ଦାସ କହିଛନ୍ତି, ଫିଲ୍ମରେ ଗେରୁଆ ରଙ୍ଗର ଅନ୍ତଃବସ୍ତ୍ର ପିନ୍ଧାଇ ଅର୍ଦ୍ଧନଗ୍ନ ପ୍ରଦର୍ଶନ କରିବାର କଣ ଆବଶ୍ୟକତା ଥିଲା । ଏହା ଜାଣିଶୁଣି କରାଯାଇଛି । ସାଧୁସନ୍ଥଙ୍କ ଭାବାବେଗକୁ ଆଘାତ ଦେବାକୁ ଏମିତି ପ୍ରୟାସ କରାଯାଇଥିଲା । ତେଣୁ ଏମାନଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନେବାର ଆବଶ୍ୟକତା ରହିଛି । କାରଣ ଏମାନଙ୍କ କ୍ଷେତ୍ରରେ ଯେସାକୁ ତେସା ନୀତି ଆପଣାଇବା କଥା । ଆସନ୍ତା ଜାନୁଆରୀ ୧୫ରେ ରିଲିଜ ହେବ ଫିଲ୍ମ ପଠାନ । କିନ୍ତୁ ଏହା ପୂର୍ବରୁ ବିବାଦକୁ ଆସିଲାଣି ପଠାନ୍ । ତେଣୁ ଏହି ଫିଲ୍ମକୁ ବୟକଟ କରିବାକୁ ଏବେଠୁ ଦାବି ଉଠିଲାଣି ।
ସେହିଭଳି ମଧ୍ୟପ୍ରଦେଶର ମନ୍ତ୍ରୀ ମଧ୍ୟ ଏହି ଫିଲ୍ମକୁ ନେଇ ଚେତାବନୀ ଦେବା ସହ କହିଛନ୍ତି, ଯଦି ଫିଲ୍ମରେ ଦୀପିକା ପିନ୍ଧିଥିବା କପଡା ଓ କିଛି ସିନ୍ କଟାନଯାଏ ତେବେ ଏହାକୁ ରାଜ୍ୟରେ ରିଲିଜ କରିବାକୁ ଦିଆଯିବ ନାହିଁ । ଗୀତରେ ଥିବା ଦୃଶ୍ୟ ଓ ବେଶଭୂଷାକୁ ଠିକ୍ କରାନଗଲେ ଫିଲ୍ମ ରିଲିଜ ପାଇଁ ମଧ୍ୟପ୍ରଦେଶରେ ଅନୁମତି ମିଳିବ ନାହିଁ । ତେଣୁ ଫିଲ୍ମମେକର୍ସ ଏହି ଗୀତ ବାବଦରେ ଚିନ୍ତା କରିବା ଉଚିତ୍ ବୋଲି ସେ କହିଛନ୍ତି ।