ନେତାଙ୍କ ମୁହଁରେ ବ୍ଲାକମେଲର ଅର୍ଚ୍ଚନା ନାଗର କଥା। ତାରାଙ୍କ ବିସ୍ଫୋରକ ବୟାନ, ଅର୍ଚ୍ଚନାଙ୍କ ଗଙ୍ଗାରେ ଗାଧୋଇଛନ୍ତି ବହୁନେତା।
କନକ ବ୍ୟୁରୋ: କେତେ ଦୂର ଲମ୍ବିଛି ଅର୍ଚ୍ଚନାଙ୍କ ନାଗଫାଶ? ପୁଲିସର ତଦନ୍ତକୁ ନେଇ ଉଠିଲା ବଡ ପ୍ରଶ୍ନ । ପଲ୍ଲୀରୁ ସହର ଯାଏଁ ବ୍ଲାକରମେଲ କ୍ୱିନ ଅର୍ଚ୍ଚନା ନାଗଙ୍କ ଚର୍ଚ୍ଚା । ଅର୍ଚ୍ଚନାଙ୍କ ନାଗଫାସରେ କେତେ ବଡ ବଡ ନେତା ଫସିଥିବା ଚର୍ଚ୍ଚା ହେଉଛି । ହେଲେ କାହା କାହାର ସମ୍ପୃକ୍ତି ରହିଛି ଏ ନେଇ ପୁଲିସ ମୁହଁ ଖୋଲୁନାହିଁ କି ଅର୍ଚ୍ଚନାଙ୍କୁ ରିମାଣ୍ଡରେ ଆଣି ପଚରାଉଚରା କରୁନାହିଁ । ଏହା ପୁରା ଘଟଣାକୁ ରହସ୍ୟାବୃତ୍ତ କରିଦେଇଛି । କିନ୍ତୁ ଏହାକୁ ନେଇ ଥମୁନାହିଁ ରାଜନୈତକ ବୟାନବାଜି । କଂଗ୍ରେସର ବିଧାୟକ ତାରାପ୍ରସାଦ ବାହିନୀପତି ସାଙ୍ଘାତିକ ଅଭିଯୋଗ ଆଣିଛନ୍ତି । କହିଛନ୍ତି,
– ଅର୍ଚ୍ଚନା ମାମଲା ଏକ ବଡ଼ ସେକ୍ସ ସ୍କାଣ୍ଡାଲ
– ବିଜେପି ଓ ବିଜେଡିର ବହୁ ନେତା ଅର୍ଚ୍ଚନା ଗଙ୍ଗାରେ ଗାଧୋଇଛନ୍ତି
– ମନ୍ତ୍ରୀ, ବିଧାୟକ, ପ୍ରଶାସନିକ ଅଧିକାରୀ ସଂପୃକ୍ତି ଥିବାରୁ ସ୍ଥାଣୁ ପାଲଟିଛି ପୋଲିସ
– ଅଞ୍ଜନା ମିଶ୍ର ମାମଲାଠାରୁ ଅର୍ଚ୍ଚନା ନାଗ ମାମଲା ଅତି ସାଂଘାତିକ
– ଏସଆଇଟି ଗଠନ କରାଯାଇ ତଦନ୍ତ କରାଯାଉ
Kanak News is now on WhatsApp
Join and get latest news updates delivered to you via WhatsApp
ସେପଟେ ଶାସକ ଦଳର ମନ୍ତ୍ରୀ ଅଶ୍ୱିନୀ ପାତ୍ର ଭିନ୍ନ ପ୍ରତିକ୍ରିୟା ଦେଇ ବିରୋଧୀଙ୍କ କୋର୍ଟଙ୍କୁ ବଲ ଫିଙ୍ଗିଛନ୍ତି । ଅର୍ଚ୍ଚନା ନାଗ ମାମଲାରେ ଭୁବନେଶ୍ୱରର ସିପି ଅଫିସ ଘେରାଉ କରିଛି ଯୁବ କଂଗ୍ରେସ । ଯୁୁବ କଂଗ୍ରେସ କର୍ମୀ ଅଭିଯୋଗ କରିଛନ୍ତି, ଘଟଣାକୁ ଘଂଟ ଘୋଡାଇବା ପାଇଁ ଶାସକ ଦଳର ନେତା, ମନ୍ତ୍ରୀ, ଅନେକ ବ୍ୟବସାୟୀ ଓ ଶିଳ୍ପପତି ଉଦ୍ୟମ କରୁଛନ୍ତି । ତେଣୁ ଘଟଣାର ନିରପେକ୍ଷ ତଦନ୍ତ ହେଉ । ଅର୍ଚ୍ଚନା ନାଗର ଜାମିନ ଆବଦେନ ଖାରଜ ହୋଇସାରିଛି । ତେବେ ତଦନ୍ତ ଅଗ୍ରଗତି ନେଇ ପୁଲିସ ମୁହଁ ନ ଖୋଲିବା ଅନେକ ସନ୍ଦେହ ସୃଷ୍ଟି କରିଛି ।
– ଯେଉଁମାନେ ସାକ୍ଷୀ ଦେଲେ, ସେମାନେ କ’ଣ କହିଲେ?
– ଅର୍ଚ୍ଚନାଙ୍କ ଘରୁ ପୋଲିସ ନଗଦ କେତେ ଟଙ୍କା, ଦାମୀ କାର ଓ ବାଇକ ଜବତ କଲା?
– ଜେରା ବେଳେ ଜଗବନ୍ଧୁ ପୋଲିସକୁ କ’ଣ କହିଲେ?
– ଜବତ ମୋବାଇଲ ଫୋନ, ହାର୍ଡ ଡିସ୍କ. ଟାବଲେଟରୁ ପୋଲିସ କ’ଣ ପାଇଲା?
– ତଦନ୍ତକାରୀ ଅଧିକାରୀ କି ଖୋଦ୍ ଡିସିପି କିମ୍ବା ସିପି କାହିଁକି ଦେଉନାହାନ୍ତି କିଛି ସୂଚନା?
– ପୋଲିସ୍ ତା’ର କେସ୍ ଡାଏରୀରେ ମାମଲାକୁ ଅନ୍ତର୍ଭୁକ୍ତ କରିବ କି ନାହିଁ?