କନକ ବ୍ୟୁରୋ : ରିମାଣ୍ଡରେ ଗଲେ ବ୍ଲାକ୍ମେଲ କୁଇନ୍ ଅର୍ଚ୍ଚନା ନାଗ । ଅର୍ଚ୍ଚନାଙ୍କୁ ରିମାଣ୍ଡରେ ନେଇଛି ଇଡି । ଝାରପଡା ଜେଲରେ ଅର୍ଚ୍ଚନାଙ୍କୁ ଆଣି ସିଧା କ୍ୟାପିଟାଲ ହସ୍ପିଟାଲରେ ପହଞ୍ଚିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ୭ ଦିନିଆ ରିମାଣ୍ଡରେ ଇଡି ଅର୍ଚ୍ଚନାଙ୍କୁ ନେଇଥିବା ବେଳେ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ଏବେ ସାମ୍ନାକୁ ଆସିବ ବୋଲି ଅନୁମାନ କରାଯାଉଛି । କାରଣ ଅର୍ଚ୍ଚନା ନାଗ ମାମଲାରେ ଅନେକ ବଡ ଚେହେରାଙ୍କ ସମ୍ପୃକ୍ତି ଥିବା ନେଇ ଚର୍ଚ୍ଚା ହେଉଛି । ତେଣୁ ସେହି ବଡ ଚେହେରା କିଏ ଯିଏ ଅର୍ଚ୍ଚନାଙ୍କ ଏହି କଳାସାମ୍ରାଜ୍ୟରେ ସମ୍ପୃକ୍ତି ରହିଛି ତାହା ଉପରୁ ଖୁବଶୀଘ୍ର ପରଦା ହଟିବ ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ କ୍ୟାପିଟାଲ ହସ୍ପିଟାଲକୁ ସ୍ୱାସ୍ଥ୍ୟପରୀକ୍ଷା ପାଇଁ ନିଆଯାଉଥିବା ବେଳେ ଗଣମାଧ୍ୟମ ସାମ୍ନାରେ ଅର୍ଚ୍ଚନା ନାଗ କହିଛନ୍ତି, ଇଡି ଉପରେ ମୋର ବିଶ୍ୱାସ ଅଛି । ତଦନ୍ତରେ ନିଶ୍ଚୟ ସହଯୋଗ କରିବି । ଇଡିକୁ ମୁଁ ଅପେକ୍ଷା କରିଥିଲି । ମୁଁ ଜାଣିପାରୁନି କିଏ ମୋତେ ଫଶାଉଛି । ମୁଁ କଣ ଆତଙ୍କବାଦୀ ଭଳି ଦେଖାଦେଉଛି । ଆପଣଙ୍କ ମା’ ଭଉଣୀ ଭଳି ମୁଁ ଜଣେ ମହିଳା । ମୁଁ ସହ ଯାହା ବି ହୋଇଛି ତାହାର ତଦନ୍ତ ହେଉ । ଏହାସହ କମିଶନରେଟ ପୋଲିସ ଉପରେ ମଧ୍ୟ ବର୍ଷିଛନ୍ତି ଅର୍ଚ୍ଚନା । ମୋତେ ୩୦ ମିନିଟ ସମୟ ଦିଅନ୍ତୁ, ସବୁ ତଥ୍ୟ ପ୍ରମାଣ ସହ ଦେବି । ଏହାସହ ଅର୍ଚ୍ଚନା କହିଛନ୍ତି, ମୋତେ ଫସାଇ ଦିଆଯାଇଛି କାହାକୁ ଛାଡିବନିି ।