ଆସିଲା ବିଶ୍ୱର ପ୍ରଥମ ଉଡନ୍ତା ବାଇକ୍ : ଟ୍ରାଫିକ୍ ସମସ୍ୟାରୁ ମିଳିବ ମୁକ୍ତି
କନକ ବ୍ୟୁରୋ : ଆଉ ଦେଖାଯିବନି ଟ୍ରାଫିକ୍ ସମସ୍ୟା । ଏଣିକି ଆକାଶରେ ଉଡି ଉଡି ଯିବ ବାଇକ୍ । କଥାଟି ବିଶ୍ୱାସ ହେଉନଥିଲେ ବି ପୁରା ସତ । ଆମେରିକାର ଏକ ଘରୋଇ କମ୍ପାନୀ ଏଭଳି ବାଇକ୍ ପ୍ରସ୍ତୁତ କରିଛି । ଯେଉଁ ବାଇକ୍ ଆକାଶରେ ଘଣ୍ଟା ପ୍ରତି ୬୨ କିଲୋମିଟର ବେଗରେ ଉଡିପାରିବ । ଗୋଲ ଆକାରରେ ଦେଖାଯାଉଥିବା ଏହି ଉଡନ୍ତା ବାଇକ୍ ୪୦ ମିନିଟ୍ ପର୍ଯ୍ୟନ୍ତ ଆକାଶରେ ଉଡିପାରିବ । ଏହି ବାଇକର ମୂଲ୍ୟ ରହିଛି ୭୭୭ ହଜାର ଡଲାର ଅର୍ଥାତ ଭାରତୀୟ ମୂଦ୍ରାରେ ପ୍ରାୟ ୬ କୋଟି ୭୦ ଲକ୍ଷ ଟଙ୍କା ।
Kanak News is now on WhatsApp
Join and get latest news updates delivered to you via WhatsApp
ଆଗାମୀ ଦିନରେ ଏହି ବାଇକ୍ ଆହୁରୀ କମ ଦାମରେ ମିଳିବ ବୋଲି ବାଇକ୍ ତିଆରି କରିଥିବା ସଂସ୍ଥା ଏରୱିନ୍ କହିଛି । ତେବେ ୨୦୨୫ ସୁଦ୍ଧା ୪୦ ଲକ୍ଷ ଟଙ୍କାରେ ଏହି ବାଇକ୍ ମିଳିବ ବୋଲି ଏରୱିନ୍ କମ୍ପାନୀ ପକ୍ଷରୁ କୁହାଯାଇଛି । ତେବେ ଏବେ ତିଆରି କରାଯାଇଥିବା ବାଇକର ଆକାର ଅଧିକ ରହିଥିବା ବେଳେ କମ୍ପାନୀ ଏହାକୁ ଛୋଟ କରିବାକୁ ଚେଷ୍ଟା ଚଳାଇଥିବା ସଂସ୍ଥା ପକ୍ଷରୁ କୁହାଯାଇଛି । ଆଉ ଯଦି ସତରେ ସବୁକିଛି ଠିକ୍ ଚାଲେ ତେବେ ଖୁବଶିଘ୍ର ଲୋକେ ରାସ୍ତା ଭଳି ଆକାଶରେ ବାଇକ୍ ଧରି ଉଡିବେ ।