ନିଯୁକ୍ତି ନେଇ ସଂସଦରେ ବୟାନ ରଖିଲେ କେନ୍ଦ୍ର ସରକାର । ୨୦୧୪ ରୁ ଏପର୍ଯ୍ୟନ୍ତ ୨୨ କୋଟି ଯୁବକ ଚାକିରି ପାଇଁ କରିଛନ୍ତି ଆବେଦନ ହେଲେ ନିଯୁକ୍ତି ସଂଖ୍ୟା ଶୁଣିଲେ ହୋଇଯିବେ ଆଶ୍ଚର୍ଯ୍ୟ
କନକ ବ୍ୟୁରୋ : ଦେଶରେ ବେରୋଜଗାର ହାର ୪୫ ବର୍ଷର ରେକର୍ଡ ଭାଙ୍ଗିଛି । ଘରୋଇକରଣ , କର୍ମକ୍ଷେତ୍ରରେ ମେସିନର ବ୍ୟବହାର ଆଦି କାରଣରୁ ଦେଶରେ ବେରୋଜଗାରୀଙ୍କ ସଂଖ୍ୟା ବୃଦ୍ଧି ପାଇଛି । ଏହାକୁ ନେଇ ରାଜରାସ୍ତାରୁ ସଂସଦ ପର୍ଯ୍ୟନ୍ତ ସରକାରଙ୍କୁ ଘେରୁଛନ୍ତି ବିରୋଧୀ । ଏହାରି ମଧ୍ୟରେ ଆଜି ସଂସଦରେ କେନ୍ଦ୍ରସରକାର ୨୦୧୪ ମସିହାରୁ ଏପର୍ଯ୍ୟନ୍ତ ଦେଇଥିବା ନିଯୁକ୍ତି ଓ ନିଯୁକ୍ତି ପାଇଁ କେତେ ଆବେଦନ ହୋଇଛି ତାହା ଉପରେ ସ୍ପଷ୍ଟ ମତ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଜି ସଂସଦରେ ବିରୋଧୀଦଳଙ୍କ ପ୍ରଶ୍ନର ଉତ୍ତର ଦେଇ କେନ୍ଦ୍ର ସରକାର କହିଛନ୍ତି କି ୨୦୧୪ ରୁ ଆଜି ପର୍ଯ୍ୟନ୍ତ କେନ୍ଦ୍ର ସରକାର ୭ ଲକ୍ଷ ୨୨ ହଜାର ୩୧୧ ଜଣଙ୍କୁ ନିଯୁକ୍ତି ଦେଇଛନ୍ତି । କର୍ମଚାରୀ ମନ୍ତ୍ରଣାଳୟର ରାଷ୍ଟ୍ରମନ୍ତ୍ରୀ ଜିତେନ୍ଦ୍ର ସିଂ ଏକ ଲିଖିତ ଜବାବ ଦେଇ କହିଛନ୍ତି କି ଏହି ସମୟ ଅବଧି ମଧ୍ୟରେ ଦେଶରେ ୨୨ କୋଟି ଯୁବକ ଯୁବତୀ ବିଭିନ୍ନ ପଦରେ ଚାକିରି ପାଇଁ ଆବେଦନ କରିଥିଲେ ।
ବିଭାଗୀୟ ମନ୍ତ୍ରୀ ଦେଇଥିବା ଉତ୍ତର ମୁତାବକ ୨୦୧୪-୧୫ ରେ ୧,୩୦,୪୩୦ ଜଣଙ୍କୁ ଚାକିରି ମିଳିଥିବା ବେଳେ ୨୦୧୫-୧୬ ରେ ୧,୧୧,୮୦୭ ଜଣଙ୍କୁ ନିଯୁକ୍ତି ମିଳିଛି । ସେହିଭଳି ୨୦୧୬-୧୭ ରେ ୧,୦୧,୩୩. ୨୦୧୭-୧୮ ରେ ୭୬,୧୪୭ , ୨୦୧୮-୧୯ ରେ ୩୮,୧୦୦, ୨୦୧୯-୨୦ ରେ ୧,୪୭,୦୯୬, ୨୦୨୦-୨୧ ରେ ୭୮,୫୫୫ ଓ ୨୦୨୧-୨୨ ରେ ୩୮,୮୫୦ ଜଣଙ୍କୁ ନିଯୁକ୍ତି ମିଳିଛି ।
କହିରଖୁ କି ବିରୋଧିଦଳମାନେ ଲଗାତର ଭାବେ ଦରବୃଦ୍ଧିକୁ ନେଇ ସରକାରଙ୍କୁ ପ୍ରଶ୍ନ କରି କାଠଗଡାରେ ଠିଆ କରୁଛନ୍ତି । କଂଗ୍ରେସର କହିବା କଥା କି ବିଜେପି ସରକାର କ୍ଷମତାକୁ ଆସିବା ପୂର୍ବରୁ ବାର୍ଷିକ ୨ କୋଟି ବେକାରୀଙ୍କୁ ନିଯୁକ୍ତି ଦେବାକୁ ପ୍ରତିଶ୍ରୁତି ଦେଇଥିଲା । ହେଲେ ରୋଜଗାର ଦେବା ତ ଦୂରର କଥା ବରଂ ବାର୍ଷିକ କୋଟି କୋଟି ଲୋକଙ୍କ ଠାରୁ ସେମାନଙ୍କ ରୋଜଗାର ଛଡାଇ ନେଇଛି କେନ୍ଦ୍ର ସରକାର ।