ବ୍ୟାକ୍ ଫୁଟରେ ଆଫଗାନିସ୍ତାନ ସରକାର । ହିଂସା ବନ୍ଦ କରିବା ପାଇଁ ତାଲିବାନକୁ ଦେଲା କ୍ଷମତାର ଲାଳଶା
କନକ ବ୍ୟୁରୋ : ଗୋଟିଏ ସପ୍ତାହ ମଧ୍ୟରେ ତାଲିବାନ ଆତଙ୍କବାଦୀମାନେ ଆଫଗାନିସ୍ତାନର ୧୦ ଟି ରାଜ୍ୟ ଦଖଲ କରିସାରିଛନ୍ତି । ଏହାସହ ଆଫଗାନିସ୍ତାନର ମୁ୍ଖ୍ୟ ସହର ଗଜନୀ ଦଖଲ କରି ଏବେ କାବୁଲ ଅଭିମୂଖେ ଯାତ୍ରା ଆରମ୍ଭ କରିଛି ତାଲିବାନ । ସୂତ୍ରରୁ ମିଳିଥିବା ସୂଚନା ମୁତାବକ ଏବେ ତାଲିବାନ ଆତଙ୍କବାଦୀମାନେ କାବୁଲ ସହରରୁ ମାତ୍ର ୧୫୦ କିଲୋମିଟର ଦୂରରେ ରହିଛନ୍ତି । ତେଣୁ ଖୁବଶୀଘ୍ର କାବୁଲ ଦଖଲ କରିବେ ବୋଲି ଅନୁମାନ କରାଯାଉଛି । ଏହାପରେ ପୁରା ଆଫଗାନିସ୍ତାନ ତାଲିବାନ ଦଖଲକୁ ଆସିଯିବ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ତାଲିବାନୀଙ୍କ ସହ କଥାବାର୍ତ୍ତା କରୁଥିବା ଆଫଗାନିସ୍ତାନ ସରକାରୀ ଅଧିକାରୀ ଏବେ ହିଂସା ବନ୍ଦ କରିବାକୁ ତାଲିବାନୀମାନଙ୍କୁ ଏକ ଅଫର ଦେଇଛନ୍ତି । ନ୍ୟୁଜ ଏଜେନ୍ସି ଏଏଫପି ମୁତାବକ ଆଫଗାନ ସରକାର ତାଲିବାନୀ ମାନଙ୍କ କ୍ଷମତାରେ ବୁଝାମଣା କରିବାକୁ ପରାମର୍ଶ ଦେଇଛନ୍ତି । ଏହାଦ୍ୱାରା ହିଂସା ବନ୍ଦ କରାଯାଇ ପାରିବ ବୋଲି ଆଫଗାନ ସରକାର ଆଶା କରିଛନ୍ତି ।
Afghan government negotiators in Qatar have offered the Taliban a power-sharing deal in return for an end to fighting in the country: AFP News Agency
— ANI (@ANI) August 12, 2021
କହିରଖୁ କି ଗୁରୁବାର ଦିନ ତାଲିବାନ ପକ୍ଷରୁ ଆଫଗାନିସ୍ତାନର ରାଜଧାନୀ ଗଜନୀ ଦଖଲ କରିଛି । ଗତ କାଲିପର୍ଯ୍ୟନ୍ତ ଏଠାରେ ଯେଉଁ ରାଜ୍ୟପାଳ ଭବନ, ପୋଲିସ ମୁ୍ଖ୍ୟାଳୟ ଓ ଜେଲ ସରକାରଙ୍କ ଅଧିନରେ ଥିଲା ତାହାକୁ ତାଲିବାନୀ ଆତଙ୍କବାଦୀମାନେ ଦଖଲ କରି ନେଇଛନ୍ତି । ଏହାପରେ ଆଫଗାନିସ୍ତାନର ସାଧାରଣ ଲୋକମାନଙ୍କର ନିଜ ସରକାରଙ୍କ ଉପରେ ଯେଉଁ ଭରଶା ଥିଲା ତାହା ଏବେ ତୁଟିବାରେ ଲାଗିଛି । ଗଜନୀ ରାଜ୍ୟ ପରିଷଦ ପ୍ରମୁଖ ନସୀର ଅହମ୍ମଦ ଫକୀର ଗଣମାଧ୍ୟମକୁ କହିଛନ୍ତି କି ଗଜନୀରେ ଏବେ ତାଲିବାନ ଓ ଆଫଗାନିସ୍ତାନ ସେନା ମଧ୍ୟରେ ଜୋରଦାର ଲଢେଇ ଚାଲିଛି । ହେଲେ ଅଧିକାଂଶ ଅଞ୍ଚଳ ଏବେ ଆତଙ୍କବାଦୀଙ୍କ କବଜାକୁ ଚାଲିଯାଇଛି ।