କନକ ବ୍ୟୁରୋ: ହିଣ୍ଡେନବର୍ଗ ରିପୋର୍ଟ ପରେ ଦ୍ରୁତ ବେଗରେ ହ୍ରାସ ପାଇବାରେ ଲାଗିଛି ଆଦାନୀ ଗ୍ରୁପ୍ର ସେୟାର ମୂଲ୍ୟ । ଯାହାର ପ୍ରଭାବ ଆଦାନୀ ଗ୍ରୁପର ମୋଟ୍ ଆୟରେ ବି ପରିଲକ୍ଷିତ ହୋଇଛି । ଶୁକ୍ରବାର ଆସିଥିବା ଏକ ରିପୋର୍ଟ ଅନୁସାରେ ଆଦାନୀ ଗ୍ରୁପର ମୋଟ ଆୟ ଏବେ ୮ ଲକ୍ଷ କୋଟିକୁ ଖସିଥିବା ଜଣାପଡିଛି । ଏହାରି ସହିତ ବିଶ୍ୱର ଧନୀ ତାଲିକାରେ ଶ୍ରେଷ୍ଠ ୨୨ନମ୍ବର ସ୍ଥାନକୁ ଖସି ଆସିଛି ଗୌତମ ଅଦାନୀଙ୍କ ସ୍ଥାନ । ୨୦୨୨ ବିଶ୍ୱର ଏକ ନମ୍ବର ଧନୀ ମାନ୍ୟତା ପାଇଥିବା ଗୌତମ ଆଦାନୀ ଏବେ ଧନୀ ତାଲିକାରେ ଶ୍ରେଷ୍ଠ ୨୦ ଜଣଙ୍କ ଭିତରେ ବି ନାହାଁନ୍ତି । ସେପଟେ ଅଦାନୀ ଗ୍ରୁପକୁ ସଂସଦରେ ବିରୋଧୀର ହଙ୍ଗାମା ଭିତରେ ପ୍ରଥମ କରି କେନ୍ଦ୍ର ସରକାର ତରଫରୁ ପ୍ରତିକ୍ରିୟା ଆସିଛି । ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି, ଏହି ମାମଲାରେ ସରକାଙ୍କ କୌଣସି ଲେଣଦେଣ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଗୁରୁବାର ୬୪.୭ ଅରବ ଡଲାର ସହିତ ବିଶ୍ୱର ଧନୀ ତାଲିକାର ୧୬ ନମ୍ବର ସ୍ଥାନରେ ରହିଥିଲେ ଗୌତମ ଆଦାନୀ । ହେଲେ ମାତ୍ର ୨୪ ଘଣ୍ଟା ଭିତରେ ଆଦାନୀ ସେୟାରରେ ଏଭଳି ସୁନାମୀ ଆସିଲା ଯେ, ୧୬ ନମ୍ବରରୁ ୨୨ ତମ ସ୍ଥାନକୁ ଖସି ଆସିଛନ୍ତି ଆଦାନୀ । ଗତ ଏକ ସପ୍ତାହ ଭିତରେ ଗୌତମ ଆଦାନୀଙ୍କ କମ୍ପାନୀ ଗୁଡିକର ସେୟାର ଦ୍ରୁତବେଗରେ ହ୍ରାସ ପାଉଥିବା ଦେଖିବାକୁ ମିଳିଛି । ଗୁରୁବାର ସେୟାର ବଜାର ବନ୍ଦ ହେବା ବେଳକୁ ଆଦାନୀ ଏଣ୍ଟରପ୍ରାଇଜେସ୍ ଲିମିଟେଡ୍ର ସେୟାର ୨୧.୬୧% ହ୍ରାସ ପାଇ ୧,୬୯୪ ଟଙ୍କା, ଆଦାନୀ ପାୱାର ଲିମିଟେଡ୍ର ସେୟାର ୪.୯୮% ହ୍ରାସ ପାଇ ୨୦୨ ଟଙ୍କା ଏବଂ ଆଦାନୀ ୱିଲମାର ଲିମିଡେଟ୍ ୫% ହ୍ରାସ ପାଇ ୪୨୧ ଟଙ୍କା ରେକର୍ଡ ହୋଇଛି ।
ଆମେରିକୀୟ ଫରେନସିକ୍ ଫାଇନାନସିଆଲ କମ୍ପାନୀ ହିଣ୍ଡେନବର୍ଗ, ଆଦାନୀ ଗ୍ରୁପ୍କୁ ନେଇ ଅନେକ ପ୍ରଶ୍ନ ଉଠାଇଥିଲେ । ଏଥିରେ ମୋଟ ୮୮ଟି ପ୍ରଶ୍ନ ଆଦାନୀ ଗ୍ରୁପ୍ ଉପରେ ଉଠାଯାଇଛି । ୨୪ ଜାନୁଆରୀରେ ଆଦାନୀ ଗ୍ରୁପ ନାଁରେ ଆସିଥିବା ଏହି ରିପୋର୍ଟରେ କୁହାଯାଇଛି ଆଦାନୀ ଗ୍ରୁପ୍ ଏହାର ଅଂଶଧନ ମୂଲ୍ୟ ବୃଦ୍ଧି ପଛରେ ଆକାଉଣ୍ଟିଂ ଠକେଇ କରିଛି । ତେବେ ଗୌତମ ଆଦାନୀ ଏହି ରିପୋର୍ଟକୁ ଭୁଲ ବୋଲି କହିଛନ୍ତି ।