କନକ ବ୍ୟୁରୋ : ଭଦ୍ରକ ଟିସଲପୁର ଛକ ୧୬ ନମ୍ବର ଜାତୀୟ ରାଜପଥରେ ସଡ଼କ ଦୁର୍ଘଟଣା । ଆଜି ଅପରାହ୍ନରେ ଟ୍ରକ୍ ଚାପାରେ ପ୍ରାଣ ହରାଇଲେ ବାପ-ଝିଅ । ଏହି ଘଟଣା ସମଗ୍ର ଅଞ୍ଚଳକୁ ସ୍ତବ୍ଧ କରି ଦେଇଛି । ମୃତକଙ୍କ ପରିଚୟ ମିଳିପାରି ନାହିଁ, ଘଟଣାସ୍ଥଳରେ ଉତ୍ତେଜନା ଲାଗି ରହିଛି।
Kanak News is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକଙ୍କ କହିବାନୁସାରେ, ଆଜି ଅପରାହ୍ନରେ ବାପ-ଝିଅ କୌଣସି କାମରେ ବାଇକ୍ରେ ଯାଉଥିବା ବେଳେ ହଠାତ ଏକ ଟ୍ରକ୍ ଧକ୍କା ଦେଇଥିଲା । ଟ୍ରକ୍ ଧକ୍କାରେ ବାପ-ଝିଅ ଦୁହେଁ ବାଇକ୍ରୁ ରାସ୍ତାକୁ ଛିଟିକି ପଡିଥିଲେ। ଏତିକି ବେଳେ ଟ୍ରକ୍ଟି ଉଭୟଙ୍କ ଉପରେ ଚଢ଼ି ଚାଲିଯାଇଥିଲା । ଏହି ଭୟଙ୍କର ଦୁର୍ଘଟଣାର ଦୃଶ୍ୟ ଦେଖି ସେଠାରେ ଉପସ୍ଥିତ ତଥା ଯାତାୟାତ କରୁଥିବା ଲୋକମାନେ କିଛିସମୟ ପାଇଁ ସ୍ଥାଣୁ ପାଲଟି ଯାଇଥିଲେ । ଦୁର୍ଘଟଣା ସମ୍ପର୍କରେ ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ବାପ-ଝିଅଙ୍କ ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ।