କନକ ବ୍ୟୁରୋ: କଂସେଇ ପାଲଟି ଯାଇଥିଲା ଆଫତାବ୍ । ଫ୍ରିଜରେ ରଖିଥିଲା ପ୍ରେମିକାର କଟା ମୁଣ୍ଡ । ଫ୍ଲାଟ୍ରେ ଅନ୍ୟ ଝିଅ ସହ କରୁଥିଲା ରୋମାନ୍ସ । ଦିଲ୍ଲୀ ସମେତ ପୂରା ଦେଶକୁ ଦୋହଲାଇ ଦେଇଛି ଶ୍ରଦ୍ଧା ହତ୍ୟାକଣ୍ଡା । ଗିରଫ ପରେ ସବୁ କଥା ମାନିଛି ଅପରାଧୀ ଆଫତାବ । ଏହି ହତ୍ୟାକାଣ୍ଡ ଯେତିକି ବିଭତ୍ସ ଥିଲା ସେତିକି ଭୟାବହ ମଧ୍ୟ । ହତ୍ୟାକୁ ନେଇ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ଜେରା ସମୟରେ ଅନେକ ଚାଞ୍ଚଲ୍ୟକର ତଥ୍ୟ ଦେଇଛି ଆଫତାବ ।
ପ୍ରେମକୁ ‘୩୫’ ଖଣ୍ଡ କରିଥିଲା ଆଫତାବ୍
• ଆଫତାବ ଇଲେକଟ୍ରିକ ହତିଆରରେ ଶବକୁ କାଟିଥିଲା
• ବାଥରୁମରେ ଶରୀରକୁ ଖଣ୍ଡ ଖଣ୍ଡ କରି କାଟିବା ପରେ ଗୋଟିଏ ଗୋଟିଏ ଅଙ୍ଗକୁ ଫିଙ୍ଗୁଥିଲା
• କଟାମୁଣ୍ଡକୁ ଶେଷ ଯାଏଁ ନିଜ ଫ୍ରିଜ୍ରେ ସାଇତି ରଖିଥିଲା
• ଶ୍ରଦ୍ଧା କଥା ମନେପଡିଲେ ଫ୍ରିଜ ଖୋଲି କଟା ମୁଣ୍ଡ ଦେଖୁଥିଲା
• ସବୁଠୁ ଶେଷରେ କଟା ମୁଣ୍ଡକୁ ଫିଙ୍ଗିଥଲା ଜହ୍ଲାଦ ଆଫତାବ
• ପ୍ରମାଣ ନଷ୍ଟ ପାଇଁ ହାତ ଓ ମୁହଁକୁ ପୋଡ଼ିଥିଲା
• ହତ୍ୟା ପରେ ଡେଟିଂ ଆପରେ ଅନ୍ୟ ଯୁବତୀଙ୍କ ସହ ସମ୍ପର୍କ ଯୋଡ଼ୁଥିଲା
• ଘରେ ଖଣ୍ଡବିଖଣ୍ଡିତ ଶବ ରଖି, ଅନ୍ୟ ଝିଅଙ୍କ ସହ ରୋମାନ୍ସ କରୁଥିଲା
• ଶ୍ରଦ୍ଧାର ମୋବାଇଲ ପିଙ୍ଗିଥିଲା କିନ୍ତୁ ସମାନ ସିମ୍ ବ୍ୟବହାର କରୁଥିଲା
• ସିମକୁ ଟ୍ରାକ କରି ଆଫତାବ ନିକଟରେ ପହଁଥିଲା ପୁଲିସ
Kanak News is now on WhatsApp
Join and get latest news updates delivered to you via WhatsApp
ହତ୍ୟା ମାମଲାରେ ଦିଲ୍ଲୀ ସାକେତ କୋର୍ଟ ଅପରାଧୀ ଆଫତାବର ନାର୍କୋଟେଷ୍ଟ ପାଇଁ ଦିଲ୍ଲୀ ପୁଲିସକୁ ଅନୁମତି ଦେଇଛନ୍ତି । ଆଫତାବ ମିଛ ବୟାନ ଦେଇ ମାମଲାର ମୋଡ ବଦଳାଇବା ପାଇଁ ଚେଷ୍ଟା କରୁଥିବା ପୁଲିସ ଅଭିଯୋଗ କରିଛି । ଜେରା ସମୟରେ ସହଯୋଗ କରୁନି ଆଫତାବ । ତେଣୁ ପୁଲିସ ନାର୍କୋଟେଷ୍ଟ ପାଇଁ ସାକେତ କୋର୍ଟରେ ଆବେଦନ କରିଥିଲା । ବୁଧବାରଦିନ ତଦନ୍ତକୁ ଜୋରଦାର କରିଛି ପୁଲିସ । ଦିଲ୍ଲୀ ନିକଟ ଛତରପୁରର ମେହରୋଲୀ ଜଙ୍ଗଲକୁ ଯାଇ ପୁଲିସ ଛାନଭିନ କରିଛି । ବର୍ତମାନ ସୁଦ୍ଧା ୧୦ଟି ମାଂସ ଖଣ୍ଡ ମିଳିଥିବା ଜଣାପଡିଛି । ବୁଧବାର ସିନ ରିକ୍ରିଏସନ ବି କରାଯାଇଛି । ପୁଲିସ ତଦନ୍ତରୁ ଏକଥା ମଧ୍ୟ ଜଣାପଡିଛି ଯେ, ଆଫତାବ ବୃତିରେ ଜଣେ ସେଫ୍ ଥିଲା । ପରିବା ଓ ମାଂସ କଟା ଛୁରୀର ବ୍ୟବହାର ତାକୁ ବେଶ ଭଲଭାବେ ଜଣାଥିଲା । ତେଣୁ ଶ୍ରଦ୍ଧାର ହତ୍ୟା ପରେ ଟିକ୍ଟିକ୍ କରି କାଟିବାକୁ ତାକୁ ଆଦୌ ଭୟ ଲାଗିନଥିଲା । ଏପରିକି ହତ୍ୟାର ପରଦିନ ଡାକ୍ତରଙ୍କ ନିକଟରେ ପହଁଚି ତା ହାତରେ ହୋଇଥିବା ସାମାନ୍ୟ ଆଘାତର ଚିକିତ୍ସା ମଧ୍ୟ କରିଥିଲା । ହତ୍ୟାକୁ ଲୁଚାଇବା ପାଇଁ ଆଫତାବ ବିଭିନ୍ନ ପ୍ରକାର ଷଡଯନ୍ତ୍ର କରିବା ସହ ଇଂଟରନେଟରୁ ଉପାୟ ଖୋଜି ବାହାର କରୁଥିଲା । ଏବେ ତଦନ୍ତକୁ ଜୋରଦାର କରିଛି ପୁଲିସ । ଘଟଣା ପରେ ଅଫତାବ ପରିବାରର କୌଣସି ଖୋଜଖୋବର ମିଳିନାହିଁ । ନିଜ ଗାଁରୁ ସେମାନେ କେଉଁଆଡେ ଫେରାର ହୋଇଯାଇଛନ୍ତି ।