ନଗଦ ଟଙ୍କାର ମୋହ ଛାଡିନାହାନ୍ତି ଦେଶବାସୀ: ଲୋକଙ୍କ ନିକଟରେ ରହିଛି ପ୍ରାୟ ୩୧ ଲକ୍ଷ କୋଟି ଟଙ୍କାର ନୋଟ୍
କନକ ବ୍ୟୁରୋ: ନଗଦରାଶିକୁ କମ୍ କରବା ଓ ଦୁର୍ନୀତିକୁ ରୋକିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଠିକ୍ ୬ବର୍ଷ ତଳେ ଏହି ଘୋଷଣା କରିଥିଲେ । ପ୍ରଧାନମନ୍ତ୍ରୀଙ୍କ ଘୋଷଣା ପରେ ଅଚଳ ହୋଇଯାଇଥିଲା ପୁରୁଣା ୫ଶହ ଓ ହଜାରେ ଟଙ୍କିଆ ନୋଟ୍ । ନୋଟ ଅଚଳ ହୋଇଯିବା ପରେ କୋଟି କୋଟି ଲୋକ ଟଙ୍କା ବଦଳାଇବା ପାଇଁ ବିଭିନ୍ନ ବ୍ୟାଙ୍କ ଆଗରେ ଧାଡି ଲଗାଇଥିଲେ । କିନ୍ତୁ ନଗଦ ରାଶିକୁ ନେଇ ଏବେ ଯେଉଁ ତଥ୍ୟ ଆସିଛି ତାହା ବିମୁଦ୍ରିକରଣ ନେଇ ବଡ ପ୍ରଶ୍ନ ଛିଡା କରିଛି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ରିଜର୍ଭ ବ୍ୟାଙ୍କ ଦେଇଥିବା ରିପୋର୍ଟ ଅନୁସାରେ ଏବେ ଲୋକଙ୍କ ପାଖରେ ରେକର୍ଡ ପରିମାଣରେ ନଗଦ ଟଙ୍କା ରହିଛି । ନଭେମ୍ବର ୨୦୧୬ରେ ଲୋକଙ୍କ ପାଖରେ ୧୨ଦଶମିକ ୯୧ଲକ୍ଷ କୋଟି ଟଙ୍କା ଥିଲା । ଯାହା ଅକ୍ଟୋବର ୨୦୨୨ରେ ୩୦ଦଶମିକ ୮୮ଲକ୍ଷ କୋଟି ହୋଇଛି । ଯାହାକି ୨୦୧୬ ତୁଳନାରେ ପ୍ରାୟ ୭୨ ପ୍ରତିଶତ ଅଧିକ । ଯାହାକୁ ନେଇ କେନ୍ଦ୍ର ସରକାରଙ୍କୁ ସମାଲୋଚନା କରିଛନ୍ତି ବିରୋଧୀ । ବିମୁଦ୍ରୀକରଣକୁ ଏକ ଜୁମଲା ବୋଲି କହି ସମାଲୋଚନ କରିଛନ୍ତି । କଂଗ୍ରେସ ସଭାପତି ଟୁଇଟ୍ କରି କହିଛନ୍ତି, ବିମୁଦ୍ରୀକରଣ ଦେଶର ବ୍ୟବସାୟ ଓ ନିଯୁକ୍ତିକୁ ଧ୍ୱଂସ କରି ଦେଇଛି ।
ନଗଦରାଶିକୁ କମ କରିବା ଓ କଳାଧନକୁ ରୋକିବା ପାଇଁ ୬ ବର୍ଷ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିମୁଦ୍ରୀକରଣ ଘୋଷଣା କରିଥିଲେ ବି ଲୋକଙ୍କ ହାତରେ ନଗଦ ରାଶି ବଢ଼ିବା ନେଇ ଏବେ ସାଧାରଣରେ ପ୍ରଶ୍ନ ଉଠିଛି । ବିମୁଦ୍ରୀକରଣ ଯୋଜନା ଫେଲ ମାରିଲା କି ବୋଲି ଚର୍ଚ୍ଚା ହେଉଛି । କିନ୍ତୁ ଏହାକୁ ସମ୍ପୂର୍ଣ୍ଣ ଫେଲ ମାରିଲା କହି ହେବନି ବୋଲି କହିଛନ୍ତିି ଅର୍ଥନୀତିଜ୍ଞ ।
ଭାରତୀୟ ଲୋକଙ୍କ ଭିତରେ ନଗଦ ଅର୍ଥ କାରବାରକୁ ନେଇ ମୋହ ରହିଛି । ନଗଦ ଟଙ୍କା ରଖିବାର ମୋହ ରହିଛି । ତେବେ ୨୦୧୬ରେ ଡିଜିଟାଲ ମୋଡରେ ବହୁ ଅର୍ଥ କାରବାର ହେଉଥିଲେ ବି ଅର୍ଥନୀତିର ଆକାର ବଢ଼ିବା ସହ ତାଳ ଦେଇ ବଢ଼ିପାରିନାହିଁ ।