କନକ ବ୍ୟୁରୋ: ରୋଗୀଙ୍କ ଶରୀରରେ ହୋଇଥିବା କ୍ଷତକୁ ଡ୍ରେସିଂ କରୁଥିଲେ ମହିଳା ଡାକ୍ତର । ଏହି ସମୟରେ ଖୋଦ୍ ରୋଗୀ ଜଣକ ଭୟଙ୍କର ହୋଇଯାଇଥିଲା । ପାଖରେ ଥିବା କଇଁଚି ଓ ଛୁରୀରେ ଡାକ୍ତରଙ୍କୁ ଆକ୍ରମଣ କରିଥିଲା । ଫଳରେ ମହିଳା ଡାକ୍ତରଙ୍କର ମୃତ୍ୟୁ ହୋଇଛି । ଏଭଳି ଅଭାବନୀୟ ଘଟଣା ଘଟିଛି କେରଳ କୋଟାରକ୍କାରାର ଏକ ଘରୋଇ ହସ୍ପିଟାଲରେ
Kanak News is now on WhatsApp
Join and get latest news updates delivered to you via WhatsApp
ପୁଲିସ ସୂଚନା ମୁତାବକ, ଅଭିଯୁକ୍ତ ଜଣକ ନିଜ ପରିବାର ଲୋକଙ୍କ ସହ ପାଟିିତୁଣ୍ଡ କରିବାରୁ ମାରପିଟ ଭଳି ପରିସ୍ଥିତି ସୃଷ୍ଟି ହୋଇଥିଲା । ଏହି ଘଟଣାରେ ଅଭିଯୁକ୍ତ ଆହତ ହୋଇଥିଲା । ଖବର ପାଇ ପୁଲିସ ତାକୁ ଉଦ୍ଧାର କରି ହସ୍ପିଟାଲ ଆଣିଥିଲା । ଏବଂ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଇଥିଲେ । ଦେହରେ ହୋଇଥିବା କ୍ଷତ ଗୁଡିକୁ ଡ୍ରେସିଙ୍ଗ କରୁଥିବା ସମୟରେ ହଠାତ୍ ଭୟଙ୍କର ହୋଇଉଠିଥିଲା ରୋଗୀ । ଡ୍ରେସିଙ୍ଗ ପାଇଁ ବ୍ୟବହାର କରାଯାଉଥିବା ଛୁରୀ ଓ କଇଁଚିରେ ଡାକ୍ତରଙ୍କୁ ଆକ୍ରମଣ କରିଥିଲା । ଚିକ୍ରାର ଶୁଣି ବାହାରେ ଜଗିଥିବା ପୁଲିସ କର୍ମୀ ଅନେକ ଚେଷ୍ଟା ପରେ ଅଭିଯୁକ୍ତକୁ କାବୁ କରିଥିଲେ । ଅନ୍ୟପଟେ ମହିଳା ଡାକ୍ତରଙ୍କୁ ଅନ୍ୟ ବଡ ହସ୍ପିଟାଲ ନିଆଯାଇଥିଲେ ବି ସେଠାରେ ତାଙ୍କର ମୃତ୍ୟୁ ହୋଇଛି ।