ଗଦ୍ଦର ଫିଲ୍ମ ଦେଖିବା କାଳ ହେଲା । ‘ହିନ୍ଦୁସ୍ତାନ ଜିନ୍ଦାବାଦ’ ନାରା ଲଗାଇବାରୁ ଯୁବକଙ୍କୁ ବାଡେଇ ବାଡେଇ ମାରିଦେଲେ
କନକ ବ୍ୟୁରୋ: ଛତିଶଗଡର ଦୁର୍ଗରେ ଜଣେ ଯୁବକଙ୍କ ପାଇଁ କାଳ ହେଲା ଗଦ୍ଦର ଫିଲ୍ମର ନାରା । ଫିଲ୍ମ ଦେଖି ‘ହିନ୍ଦୁସ୍ତାନ ଜିନ୍ଦାବାଦ’ ନାରା ଲଗାଇବାରୁ ପାଖରେ ଥିବା ଯୁବକମାନେ ତାଙ୍କୁ ପିଟି ପିଟି ହତ୍ୟା କରିଦେଲେ । ଏହି ଘଟଣାରେ ପୁଲିସ ସମସ୍ତ ଅଭିଯୁକ୍ତଙ୍କୁ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦୁର୍ଗ ଖୁର୍ସିବାର ଥାନା ଅନ୍ତର୍ଗତ ଆଇଟିଆଇ ମୈଦାନରେ ଶନିବାର ୨ଜଣ ସାଙ୍ଗ ମୋବାଇଲରେ ଗଦ୍ଦର ଫିଲ୍ମ ଦେଖୁଥିଲେ । ଫିଲ୍ମ ଦେଖିବାବେଳେ ମଲକିତ ସିଂ ପ୍ରତିକ୍ରିୟାଶୀଳ ହୋଇ ‘ହିନ୍ଦୁସ୍ତାନ ଜିନ୍ଦାବାଦ୍’ ନାରା ଦେଇଥିଲେ । ପାଖରେ ଥିବା କିଛି ଅନ୍ୟ ଯୁବକ ଏହାକୁ ବିରୋଧ କରି କିଛି କହିବା ପୂର୍ବରୁ ତାଙ୍କୁ ନିସ୍ତୁକ ମାଡ ମାରିଥିଲେ । ଖବର ପାଇ ପରିବାର ଲୋକେ ମଲକିତଙ୍କୁ ସ୍ଥାନୀୟ ମେଡିକାଲକୁ ନେଇଯାଇଥିଲେ । ସେଠାରେ ସ୍ୱାସ୍ଥ୍ୟାବସ୍ଥା ଗୁରୁତର ହୋଇପଡିବାରୁ ତାଙ୍କୁ ରାୟପୁର ରେଫର କରାଗଲା । କିନ୍ତୁ ଅନେକ ଚେଷ୍ଟା ପରେ ବି ଡାକ୍ତରମାନେ ମଲକିତଙ୍କୁ ବଞ୍ଚାଇପାରିନଥିଲେ ।