କରୋନା ସଂକ୍ରମଣ ନେଇ ଆଇଆଇଟି କାନପୁରର ବଡ ଦାବି । ୯୮ ପ୍ରତିଶତ ଭାରତୀୟ ଲୋକଙ୍କ ପାଖରେ ରହିଛି ପ୍ରାକୃତିକ ପ୍ରତିରୋଧକ ଶକ୍ତି ।
କନକ ବ୍ୟୁରୋ: ଚୀନରେ କରୋନା ବିସ୍ଫୋରଣର ଖବର ପରେ ଭାରତୀୟଙ୍କ ମନରେ ପୁଣି ମହାମାରୀ ଭୟ ଫେରିଛି । ଲୋକେ କରୋନା ସଂକ୍ରମଣକୁ ନେଇ ଆଶଙ୍କାରେ ରହିଛନ୍ତି । ଦେଶର ବହୁ ରାଜ୍ୟ ଲୋକଙ୍କୁ ମାସ୍କ ପିନ୍ଧିବା ଓ ସାମାଜିକ ଦୂରତା ରକ୍ଷା କରିବାକୁ ଅପିଲ କରିଛନ୍ତି । ଏହାରି ଭିତରେ ଆଇଆଇଟି କାନପୁର ଦେଶରେ ସଂକ୍ରମଣକୁ ନେଇ ବଡ ଦାବି କରିଛି । ଆଇଆଇଟି କାନପୁର ମାଥମେଟିକ୍ସ ମୋଡେଲରେ କହିଛି, ଦେଶର ୯୮ପ୍ରତିଶତ ଲୋକଙ୍କ ପାଖରେ କରୋନା ମୁକାବିଲା ପାଇଁ ପ୍ରାକୃତିକ ପ୍ରତିରୋଧକ ଶକ୍ତି ରହିଛି । ତେଣୁ ଭୟ କରିବାର କୌଣସି କାରଣ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଆଇଆଇଟି କାନପୁରର ପ୍ରଫେସର ମଣିନ୍ଦ୍ର ଅଗ୍ରୱାଲ କହିଛନ୍ତି, ଦୁର୍ବଳ ପ୍ରତିରୋଧକ ଶକ୍ତି ଥିବା କିଛି ବ୍ୟକ୍ତି କରୋନାରେ ଆକ୍ରାନ୍ତ ହୋଇପାରନ୍ତି, ଆଉ ସେଇଥି ପାଇଁ କରୋନାର ଛୋଟ ଲହର ଭାରତରେ ଦେଖାଦେଇପାରେ । କିନ୍ତୁ ଦେଶର ୯୮ପ୍ରତିଶତ ଲୋକଙ୍କ ପାଖରେ ପ୍ରାକୃତିକ ପ୍ରତିରୋଧକ ଶକ୍ତି ବିକଶିତ ହୋଇଥିବାରୁ ବିଶେଷ କିଛି ପ୍ରଭାବ ପଡିବ ନାହିଁ ।
ଚୀନ, ଜାପାନ, ଦକ୍ଷିଣ କୋରିଆ, ଆମେରିକାରେ ବିଏଫ.୭ ଭୂତାଣୁ ଯୋଗୁଁ ସଂକ୍ରମଣ ବଢୁଛି । ହେଲେ ଭାରତରେ ହର୍ଡ ଇମ୍ୟୁନିଟି ଯୋଗୁଁ ସେତେ ପ୍ରଭାବ ପକାଇ ପାରିବ ନାହିଁ ବୋଲି କହୁଛନ୍ତି ବିଶେଷଜ୍ଞ । ବର୍ତମାନ ସୁଦ୍ଧାର ଭାରତରେ ନୂଆ ପ୍ରଜାତିର ଭୂତାଣୁରେ ମାତ୍ର ୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଗୁଜୁରାଟରେ ୨ ଜଣ ଏବଂ ଓଡିଶାରୁ ଜଣେ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଅନ୍ୟ କେହି ବିଏଫ.୭ ଭୁତାଣୁରେ ସଂକ୍ରମିତ ହୋଇଥିବା ଖବର ମିଳିନାହିଁ ।