କନକ ବ୍ୟୁରୋ: ଭାରତରେ ଶୀଘ୍ର ଆରମ୍ଭ ହେବାକୁ ଯାଉଛି ୫ଜି ସେବା । ଦେଶ ନିଜ ପ୍ରଥମ ୫ଜି ସେବାର ଅଡିଓ ଓ ଭିଡିଓ କଲ ମଧ୍ୟ ଆରମ୍ଭ କରିସାରିଛି । ତେବେ ଏହାକୁ ଶୀଘ୍ର ଆରମ୍ଭ କରିବା ସହ ନିଲାମୀ ପ୍ରକ୍ରିୟା ମଧ୍ୟ ଆରମ୍ଭ ହେବ । ସୂଚନା ଅନୁସାରେ ଚଳିତ ବର୍ଷ ଶେଷ ସୁଦ୍ଧା ଦେଶର ଅନେକ ସହରରେ ଏହି ସେବା ଲଞ୍ଚ ହେବ ।
Kanak News is now on WhatsApp
Join and get latest news updates delivered to you via WhatsApp
ତେବେ କେବଳ କଣ ଆମକୁ ଦ୍ରୁତ ଇଣ୍ଟରନେଟ ଦେଖିବାକୁ ମିଳିବ ନା ଆହୁରି କିଛି ସୁବିଧା ମିଳିବ ତାକୁ ନେଇ ଉକ୍ରଣ୍ଠା ଲାଗିରହିଛି । ଏହା ଦ୍ୱାରା ଅନ୍ୟ କଣ ସବୁ ପ୍ରଭାବ ପଡିବ ତାକୁ ନେଇ ଲୋକେ ମଧ୍ୟ ଉତ୍ସାହିତ ଅଛନ୍ତି । ତେବେ ଆସନ୍ତୁ ଜାଣିବା ଦେଶରେ ୫ଜି ସେବା କଣ ପରିବର୍ତ୍ତନ କରିବ ।
ଦ୍ରୁତ ହେବ କଲ ଏବଂ ଯୋଗାଯୋଗ ବ୍ୟବସ୍ଥା
୫ଜି ନେଟୱର୍କ ୪ଜି ନେଟୱର୍କଠାରୁ ଶହେ ଗୁଣ ଅଧିକ ଦ୍ରୁତ ବେଗରେ ସେବା ଯୋଗାଇଥାଏ । କେବଳ ଇଣ୍ଟରନେଟ ନୁହେଁ କଲ ଏବଂ ନେଟୱର୍କ କନେକ୍ଟିଭିଟିରେ ଏହା ଦ୍ରୁତ ଗତିରେ କାମ କରେ । ଲୋକେ ଆଜି ମଧ୍ୟ ୨ଜି ଓ ୩ଜି ସେବା କରୁଛନ୍ତି । ଅନେକ ସମସ୍ୟା ପରେ ମଧ୍ୟ ଲୋକେ ଏହି ସେବା ଉପଭୋଗ କରୁଛନ୍ତି । ତେବେ ଯେଉଁମାନେ ୪ଜି ସେବା ବ୍ୟବହାର କରୁଛନ୍ତି ସେମାନେ ଉତ୍ତମ ସେବା ବ୍ୟବହାର କରୁଛନ୍ତି । ତେବେ ଏହାରି ଭିତରେ ଯଦି ୫ଜି ସେବା ଆସିବ ତେବେ ୟୁଜର୍ସଙ୍କୁ ଆହୁରି ଭଲ ସେବା ମିଳିବ ।
ବଢିବ ଇଣ୍ଟରନେଟ ସ୍ପିଡ
୪ଜି ନେଟୱର୍କ ଯେଉଁଠି ୧୦୦ ଏମବିପିଏସର ନେଟ୍ ବ୍ୟବହାର କରୁଛନ୍ତି ସେଠାରେ ୫ଜି ଆସିବା ପରେ ୧୦ଜିବିପିଏସର ଦ୍ରୁତ ଇଣ୍ଟରନେଟ ସେବା ପାଇପାରିବେ । ଆପଣଙ୍କୁ ସର୍ବନିମ୍ନ ୧୦ଜିବିପିଏସର ଦ୍ରୁତ ଇଣ୍ଟରନେଟ ମିଳିବ । ପରୀକ୍ଷା ବେଳେ ଭୋଡାଫୋନ-ଆଇଡିଆ ଭାରତରେ ୫ଜିକୁ ସବୁଠାରୁ ଭଲ ସ୍ପିଡ ମିଳିଥିବା ଦେଖିବାକୁ ମିଳିଛି । ଗୋଟିଏ ଚୁଟିକରେ ଆପଣ ଫିଲ୍ମ ଡାଉନଲୋଡ କରିପାରିବେ ।
ଦେଶରେ ବଢିବ ଆଇଓଟି ଡିଭାଇସର ପ୍ରଚଳନ
୪ଜି ସେବା ବେଳେ ଆମେ ଆଖପାଖରେ ଯୋଗାଯୋଗ ଡିଭାଇସର ପ୍ରଚଳନ ବଢିଥିଲା । ଯେମିତି ଆଲେକ୍ସା, ଗୁଗୁଲ ହୋମ ଭଳି ଅନେକ ଡିଭାଇସ ୪ଜି ସେବା ଆସିବା ପରେ ଦ୍ରୁତ ପ୍ରଚଳନ ହୋଇଥିଲା । ଯଦି ଆମେ ଆଲେକ୍ସା କଥା ଦେଖିବା ଏହାର ସାହାର୍ଯ୍ୟରେ ଆପଣ ନିଜ ଘରେ ଲାଇଟ, ଫ୍ୟାନ ସମେତ ଅନେକ ଜିନିଷକୁ ବ୍ୟବହାର କରିପାରିବେ । ଆଲେକ୍ସା ଜରିଆରେ ଆମେ ଏହି ସବୁ ଜିନିଷକୁ ବ୍ୟବହାର କରିପାରିବା ।
ସୁରକ୍ଷାକ୍ଷେତ୍ରରେ ବ୍ୟାପକ ପରିବର୍ତ୍ତନ
୫ଜି ସେବା ଆସିବା ପରେ ଅନେକ ପ୍ରକାର ଡିଭାଇସର ଚଳନ ଦେଶରେ ବଢିବ । ଏହା ଦ୍ୱାର ଆପଣଙ୍କୁ ଯେ କେବଳ ସୁବିଧା ମିଳିବ ତାହା ନୁହେଁ ଆପଣଙ୍କୁ ଅନେକ ସୁରକ୍ଷା ମଧ୍ୟ ମିଳିବ । ଅନେକ ଭଳିକି ଭଳି ସୁରକ୍ଷା ସମ୍ବନ୍ଧୀୟ ସାମଗ୍ରୀ ଆସିବ । ଗେମିଂ କ୍ଷେତ୍ରରେ ମଧ୍ୟ ବିଭିନ୍ନ ପରିବର୍ତ୍ତନ ଦେଖିବାକୁ ମିଳିବ । ନୂଆ ନୂଆ ସମ୍ଭାବନା ମଧ୍ୟ ପ୍ରତ୍ୟେକ ଦିନ ସୃଷ୍ଟି ହେବ ।
ସେହିଭଳି ମେଟାଭର୍ସ ସମ୍ବନ୍ଧୀୟ ଅନେକ ନୂଆ ନୂଆ କଥା ସାମ୍ନାକୁ ଆସିବ । ୫ଜି ସେବା ଆସିବା ପରେ ମେଡିକାଲ ସାଇନ୍ସରେ ମଧ୍ୟ ବ୍ୟାପକ ପରିବର୍ତ୍ତନ ଆସିବ । ରୋବର୍ଟ ଜରିଆରେ ଅନେକ ପ୍ରକାର ସର୍ଜରୀ ଦେଖିବାକୁ ମିଳିବ ।