୪ ଶହ ଦିନ, ୧୦ ଦୁର୍ନୀତି ନେଇ ଯୋଜନା ପ୍ରସ୍ତୁତ…ବିଜେପି ଆପକୁ ସରକାରରୁ ହଟାଇବା ପାଇଁ ପ୍ରସ୍ତୁତ କଲା ଯୋଜନା!
କନକ ବ୍ୟୁରୋ: ଭାରତୀୟ ଜନତା ଦଳ ଲୋକସଭା ନିର୍ବାଚନ ପୂର୍ବରୁ ଆପ ସରକାରକୁ ଗାଦିରୁ ହଟାଇବା ପାଇଁ ଯୋଜନା କରୁଛି । ଏଥିପାଇଁ ଏକ ୪ ଶହ ଦିନିଆ ଯୋଜନା ପ୍ରସ୍ତୁତ ହୋଇଛି । ଲୋକସଭା ନିର୍ବାଚନ ପୂର୍ବରୁ ଏହି ୪ ଶହ ଦିନ ବିଜେପି ଦିଲ୍ଲୀର କେଜ୍ରିୱାଲ ସରକାରକୁ ସାରା ଦେଶରେ ଘେରିବା ପାଇଁ ପ୍ରସ୍ତୁତି କରିଛି । ଏଥିପାଇଁ ଦୁର୍ନୀତିର ଏକ ଲମ୍ବାଚଉଡା ତାଲିକା ପ୍ରସ୍ତୁତ ହେଉଛି । ଦଳ ବିଶେଷ କରି ଦୁର୍ନୀତି ମାମଲାରେ ଗିରଫ ହୋଇଥିବା ମନୀଷ ସିସୋଦିଆଙ୍କ ପ୍ରସଙ୍ଗକୁ ଅଧିକ ଗୁରୁତ୍ୱ ଦେଉଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁସାରେ ୨୦୨୪ ଲୋକସଭା ନିର୍ବାଚନ ବେଳେ ଦିଲ୍ଲୀ ସରକାରର ସରକାରୀ ବିଭାଗର ୧୦ଟି ବଡ ଦୁର୍ନୀତିକୁ ନେଇ ଜନତାଙ୍କ ପାଖରେ ପହଞ୍ଚିବ ବିଜେପି । ପୂରା ଆପ ସରକାରକୁ ଏହି ଦୁର୍ନୀତି ମାମଲାରେ ଘେରିବାକୁ ଯୋଜନା କରାଯାଇଛି । ସେହିଭଳି ବିଜେପିର କିଛି ନେତାଙ୍କ କହିବା କଥା ଯେ ଆମେ ଆଗାମୀ ୪ ଶହ ଦିନ ମାନେ ଆଗାମୀ ବର୍ଷ ମେ ମାସରେ ହେବାକୁ ଥିବା ଲୋକସଭା ନିର୍ବାଚନ ଯାଏ ଏହି ଯୋଜନାକୁ ପ୍ରସ୍ତୁତ କରିଛୁ । କେଜ୍ରିୱାଲ ଦିଲ୍ଲୀର ଦୁର୍ନୀତିର ଚେହେରା ଭାବେ ଉଭା ହୋଇଥିବା ବେଳେ କ୍ୟାବିନେଟ ମନ୍ତ୍ରୀଙ୍କ ଆଢୁଆଳରେ ଲୁଚି ଦୁର୍ନୀତି କରୁଛନ୍ତି । ଆଗାମୀ ଦିନରେ ବି ଏହି ଅଭିଯାନ ଜାରିରହିବ । ୨୦୨୫ରେ ଦିଲ୍ଲୀରେ ବିଧାନସଭା ନିର୍ବାଚନ ହେବା ଯାଏ ଏଭଳି ଭାବେ ଦୁର୍ନୀତି ଜାରିରହିବ ।