ଟ୍ରକ ମାଲିକଙ୍କ ବିକ୍ଷୋଭ : ଭଡା ବୃଦ୍ଧି ଦାବିରେ ଦ୍ୱିତୀୟ ଦିନରେ ଆନ୍ଦୋଳନ
କନକ ବ୍ୟୁରୋ : ଭଡ଼ା ବୃଦ୍ଧି ଦାବିରେ ଟ୍ରକ ମାଲିକଙ୍କ ଚକା ଜାମ ଆନ୍ଦୋଳନ ଦ୍ୱିତୀୟ ଦିନରେ ପହଞ୍ଚିଛି । କୋଇଲା ପରିବହନରେ ଭଡ଼ା ବୃଦ୍ଧି ଦାବି କରି ଟ୍ରକ ମାଲିକଙ୍କ ପକ୍ଷରୁ ଏହି ବନ୍ଦ ପାଳନ କରାଯାଉଛି । ଝାରସୁଗୁଡ଼ା, ସମ୍ବଲପୁର, ଛତିଶଗଡ଼କୁ ଏମସିଏଲର କୋଇଲା ପରିବହନ ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଏହାର ଭଡ଼ା ଟନ ପ୍ରତି ୧୪୦ ଟଙ୍କା ବୃଦ୍ଧି କରାଯିବା ପାଇଁ ଦାବି କରି କୋଇଲା ଟ୍ରକ ମାଲିକ ସଂଘ ବନ୍ଦ ପାଳନ କରୁଛନ୍ତି । ଟ୍ରକ ମାଲିକ ମାନେ ଜିଲ୍ଲା ପ୍ରଶାସନର ମଧ୍ୟସ୍ଥତାରେ କମ୍ପାନୀ କର୍ତ୍ତୃପକ୍ଷ ପକ୍ଷଙ୍କ ସହ ଦୁଇ ଦୁଇ ଥର ବୈଠକ କଲା ପରେ ମଧ୍ୟ କିଛି ନିଷ୍କର୍ଷ ବାହାରି ପାରିନାହିଁ । ତେଣୁ ଏମସିଏଲର ତିନୋଟି କୋଇଲା ଖଣିରୁ କୋଇଲା ପରିବହନ ଠପ ହୋଇଯାଇଛି । ପାଖାପାଖି ୮ ହଜାରରୁ ଉଦ୍ଧ୍ୱର୍ ଟ୍ରକ ଅଟକି ରହିଛି ।