କପା ଓ ଧାନ ଚାଷ କରୁଥିବା ଲୋକଙ୍କ ପାଇଁ ପ୍ରେରଣା ପାଲଟିଛନ୍ତି ଯୁବ ଚାଷୀ କେ.ଶିବା: ୩ ଏକର ଜମିରେ ଲଗାଇଛନ୍ତି ଗେଣ୍ଡୁ ଓ ସେବତି ଫୁଲ
କନକ ବ୍ୟୁରୋ: ଶୀତଋତୁ ଆସିଛି…ଆଉ ବଗିଚାରେ ଫୁଲ ହସୁଛି । ନାଲି ହଳଦିଆ ଗେଣ୍ଡୁ, ସେବତୀ ଆଦି ନାନା ପ୍ରକାରର ଫୁଲରେ ସଜେଇ ହୋଇଛି ଧରଣୀ ରାଣୀ । ପବନର ସ୍ପର୍ଶରେ ଫୁଲେଇ ହୋଇ ଝୁଲୁଛି ଫୁଲ । କେବେ ହସୁଛି କେବେ ଲାଜେଇଲା ଭଳି ନଇଁ ପଡ଼ୁଛି । ତେବେ ଏହି ଫୁଲ ଚାଷ ପାଲଟିଛି ଅନେକଙ୍କ ରୋଜଗାରର ମାଧ୍ୟମ । ରାୟଗଡା ଜିଲ୍ଲା ଗୁଣୁପୁର ପୌର ପରିଷଦ ୧୭ ନମ୍ବର ୱାର୍ଡ କତୁରୁ ଗାଁର ଯୁବ ଚାଷୀ କେ. ଶିବା ଫୁଲ ଚାଷ କରି ସ୍ୱାବଲମ୍ବୀ ହୋଇପାରିଛନ୍ତି । ପୂର୍ବରୁ ଚାଷୀ ଜଣକ ପନି ପରିବା ସହ ଅନ୍ୟାନ୍ୟ ଚାଷ କରି ପରିବାର ପ୍ରତିପୋଷଣ କରୁଥିଲେ । କିନ୍ତୁ ଏହି ଚାଷରେ କ୍ଷତି ସହିବାକୁ ପଡିବାରୁ ଫୁଲ ଚାଷ ପ୍ରତି ଆଗ୍ରହ ପ୍ରକାଶ କରିଥିଲେ କେ ଶିବା । କେ ଶିବା ନିଜର ୩ ଏକରରୁ ଉର୍ଦ୍ଧ ଜମିରେ ଜୈବିକ ପଦ୍ଧତିରେ ସେବତୀ ଓ ଗେଣ୍ଡୁ ଫୁଲ ଚାଷ କରି ନିଜର ଆର୍ôଥକ ସ୍ଥିତି ସୁଦୃଢ କରିବାରେ ସକ୍ଷମ ହୋଇପାରିଛନ୍ତି । କେ ଶିବା ଏହି ଫୁଲ ଚାଷ ପାଇଁ ପ୍ରତି ଏକର ପିଛା ୪୦ ହଜାରରୁ ଉର୍ଦ୍ଧ ଟଙ୍କା ବିନିଯୋଗ କରିଥିବା ବେଳେ ଗେଣ୍ଡୁ ଫୁଲ କିଲୋ ପିଛା ୧୨୦ ଟଙ୍କା ଓ ସେବତୀ କିଲୋ ପିଛା ୨୫୦ ଟଙ୍କାରେ ବିକ୍ରି କରି ବାର୍ଷିକ ଲକ୍ଷାଧିକ ଟଙ୍କା ଲାଭ ପାଉଥିବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୈନିକ ୬୦ କିଲୋରୁ ଉଦ୍ଧ୍ୱର୍ ଫୁଲ ବିକ୍ରି କରି ନିଜର ଆର୍ôଥକ ସ୍ଥିତି ସୁଧାରି ପାରିଛନ୍ତି ଯୁବ ଚାଷୀ । ପୂର୍ବରୁ ଗୁଣୁପୁର ଅଂଚଳରେ ଫୁଲ ଚାଷ ହେଉନଥିବାରୁ ଏଠାକାର ବ୍ୟବସାୟୀ ଆନ୍ଧ୍ର ପ୍ରଦେଶରୁ ଆସୁଥିବା ଫୁଲ ଉପରେ ନିର୍ଭର କରୁଥିଲେ । କିନ୍ତୁ ଯୁବଚାଷୀ ଶିବା ଫୁଲ ଚାଷ କରିବା ପରେ ଗୁଣୁପୁର ଅଂଚଳବାସୀଙ୍କୁ ଆଉ ଆନ୍ଧ୍ରପ୍ରଦେଶର ଉପରେ ନିର୍ଭର କରିବାକୁ ପଡୁନାହିଁ । ବ୍ୟବସାୟୀମାନେ ଏହି ଯୁବ ଚାଷୀଙ୍କଠାରୁ ଫୁଲ ନେଇ ବଜାରରେ ବିକ୍ରି କରି ବେଶ ଦୁଇ ପଇସା ରୋଜଗାର କରୁଛନ୍ତି । ଉତ୍ପାଦିତ ଫୁଲକୁ ଚାଷୀ ଜଣକ ବଜାରୀକରଣ ପାଇଁ ନିକଟସ୍ଥ ବଜାର ଗୁଣୁପୁର ସମେତ ଆନ୍ଧ୍ର ପ୍ରଦେଶ, ପାରଳାଖେମୁଣ୍ଡି ଓ ରାୟଗଡା ସହରକୁ ଯୋଗାଉଛନ୍ତି । ଆଉ ଏହି ଯୁବ ଚାଷୀକୁ ପ୍ରୋତ୍ସାହନର ହାତ ବଢାଇଛି ଗୁଣୁପୁର ସ୍ଥିତ ଉଦ୍ୟାନ ବିଭାଗ । ଫୁଲ ଚାଷ କରି ସ୍ୱାବଲମ୍ବୀ ହୋଇଥିବା ଯୁବଚାଷୀ କେ ଶିବା ଯୁବଗୋଷ୍ଠୀଙ୍କ ପାଇଁ ଉଦାହରଣ ପାଲଟିଛନ୍ତି ।