ସରକାରୀ ବିଜ୍ଞାପନ ବାବଦକୁ ୫ ବର୍ଷରେ ଗଣମାଧ୍ୟମକୁ ମିଳିଛି ୧୪୦ କୋଟି । ଗୃହରେ ଉତ୍ତର ରଖିଲେ ମନ୍ତ୍ରୀ ।
କନକ ବ୍ୟୁରୋ : ସରକାରୀ ଯୋଜନାର ପ୍ରଚାର ପ୍ରସାର ନିମନ୍ତେ ରାଜ୍ୟ ସରକାର ବିଭିନ୍ନ ଗଣମାଧ୍ୟମକୁ ବିଜ୍ଞାପନ ଦେଇଛନ୍ତି । ଆଉ ଏଥିପାଇଁ ଗତ ୫ ବର୍ଷ ମଧ୍ୟରେ ରାଜକୋଷରୁ କୋଟି କୋଟି ଟଙ୍କା ଦିଆଯାଇଛି । ଗତ ୫ ବର୍ଷ ମଧ୍ୟରେ ବିଜ୍ଞାପନ ବାବଦକୁ ସରକାର କେତେ ଟଙ୍କା ଖର୍ଚ୍ଚ କରିଛନ୍ତି ତାହାର ଉତ୍ତର ଗୃହରେ ରଖିଛନ୍ତି ବିଭାଗୀୟ ମନ୍ତ୍ରୀ ପ୍ରଦୀପ ଅମାତ୍ ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ବିଧାୟକ ତାରାପ୍ରସାଦ ବାହିନୀପତିଙ୍କ ଅଣତାରକା ପ୍ରଶ୍ନରେ ଉତ୍ତର ଦେଇ ପ୍ରଦୀପ କହିଛନ୍ତି, ବିଭିନ୍ନ ସରକାରୀ ଯୋଜନାର ବହୁଳ ପ୍ରଚାର ପ୍ରସାର ନିମନ୍ତେ ରାଜ୍ୟ ସରକାର ଗତ ୫ ବର୍ଷ ମଧ୍ୟରେ ୧୪୦ କୋଟି ୬୦ ଲକ୍ଷ ୬୯ ହଜାର ୧୫୯ ଟଙ୍କା ଖର୍ଚ୍ଚ କରିଛନ୍ତି । ଆଉ ଏଥିମଧ୍ୟରୁ ପ୍ରିଣ୍ଟ ଗଣମାଧ୍ୟମ ଓ ଇଲେକ୍ଟ୍ରେନିକ ଗଣମାଧ୍ୟମ ବାବଦରେ ଯଥାକ୍ରମେ ୧୧୭ କୋଟି ୯ ଲକ୍ଷ ୧୭ ହଜାର ୩୬୮ ଟଙ୍କା ଏବଂ ୨୩ କୋଟି ୫୧ ଲକ୍ଷ ୫୧ ହଜାର ୭୯୧ ଟଙ୍କା ଖର୍ଚ୍ଚ କରାଯାଇଛି ।