ନୂଆବର୍ଷ ପୂର୍ବରୁ ମୋଦି ସରକାରଙ୍କ ବଡ ଉପହାର: ଏଣିକି ବରିଷ୍ଠ ନାଗରିକ, ଦିବ୍ୟାଙ୍ଗ ଏବଂ ବିଧବା ମହିଳାଙ୍କୁ ମିଳିବ ପାଞ୍ଚ ଗୁଣା ଅଧିକ ପେନସନ
୨୦୧୯ ଲୋକସଭା ନିର୍ବାଚନ ପୂର୍ବରୁ ଦେଶର ବୃଦ୍ଧାବୃଦ୍ଧି, ଦିବ୍ୟାଙ୍ଗ ଏବଂ ବିଧବା ମହିଳାଙ୍କୁ ବଡ ଉପହାର ଦେବାକୁ ଯୋଜନା ପ୍ରସ୍ତୁତ କରୁଛନ୍ତି କେନ୍ଦ୍ର ସରକାର । ମିଳିଥିବା ସୂଚନା ଅନୁସାରେ, ମୋଦି ସରକାର ବରିଷ୍ଠ ନାଗରିକ, ଦିବ୍ୟାଙ୍ଗ ଏବଂ ବିଧବା ମହିଳାଙ୍କୁ ମିଳୁଥିବା ପେନସନକୁ ପାଂଚ ଗୁଣା ବଦ୍ଧିତ କରିବାକୁ ଯୋଜନା ପ୍ରସ୍ତୁତ କରୁଛନ୍ତି ମୋଦି ସରକାର । ଯାହା ଉପରେ ଆସନ୍ତା ୧୫ ଜାନୁଆରୀକୁ ବସୁଥିବା ସାମାଜିକ ସହାୟତା କାର୍ଯ୍ୟକ୍ରମରେ ନିଷ୍ପତି ନିଆଯାଇପାରେ । ତେବେ ଏହି ବୈଠକ କେନ୍ଦ୍ରମନ୍ତ୍ରୀ ରାମକୃପାଳ ଯାଦବଙ୍କ ଅଧ୍ୟକ୍ଷତାରେ ହେବ ।
Kanak News is now on WhatsApp
Join and get latest news updates delivered to you via WhatsApp
ସରକାରୀ ଆକଳନ ଅନୁସାରେ, ବର୍ତ୍ତମାନ ସମୟରେ ଦେଶରେ ପାଖାପାଖି ୩ କୋଟି ଲୋକଙ୍କୁ ପେନସନ ଦିଆଯାଉଛି । ଏଥିମଧ୍ୟରୁ ୨.୪୦ କୋଟି ବରିଷ୍ଠ ନାଗରିକ ରହିଥିବା ବେଳେ ୬୦ ଲକ୍ଷ ବିଧବା ମହିଳା ଏବଂ ପାଖାପାଖି ୧୦ ଲକ୍ଷ ଦିବ୍ୟାଙ୍ଗ ସାମିଲ ଅଛନ୍ତି । ସେହିପରି ଭିନ୍ନ ଭିନ୍ନ ରାଜ୍ୟରେ ଏମାନଙ୍କୁ ପ୍ରତିମାସ ୨୦୦ ଟଙ୍କାରୁ ଆରମ୍ଭ କରି ୫୦୦ଟଙ୍କା ପର୍ଯ୍ୟନ୍ତ ପେନସନ ଦିଆଯାଇଥାଏ । କିନ୍ତୁ ଏବେ ସରକାରଙ୍କର ଯୋଜନା ଦ୍ୱାରା ଏମାନ ସମସ୍ତଙ୍କୁ ଅତି କମରେ ୧ ହଜାର ଟଙ୍କା ପେନସନ ଦେବାକୁ ଯୋଜନା ରହିଛି । ଏଥିପାଇଁ ଗ୍ରାମୀଣ ବିକାଶ ମନ୍ତ୍ରାଳୟ ପକ୍ଷରୁ ସାମାଜିକ ଆର୍ଥିକ ଜନଗଣନା ଆଧାରରେ ୪୮ ହଜାର କୋଟି ଟଙ୍କାର ଯୋଜନା ପ୍ରସ୍ତୁତ କରାଯାଇଛି ।
ମିଳିଥିବା ସୂଚନା ଅନୁସାରେ, କେନ୍ଦ୍ର ସରକାର ଆସନ୍ତା ୧୫ ଜାନୁଆରୀରେ ଏକ ଗୁରୁତ୍ୱପୂର୍ଣ୍ଣ ବୈଠକ ଆୟୋଜନ କରିଛନ୍ତି । ଯେଉଁଥିରେ ଏସଂପର୍କରେ ଆଲୋଚନା ହେବ । ଚର୍ଚ୍ଚା ହେଉଛି କି, ଏହି ବୈଠକରେ ଉଭୟ କେନ୍ଦ୍ର ସରକାର ଏବଂ ରାଜ୍ୟର ସେୟାର ୫୦-୫୦ ପ୍ରତିଶତ କରିବା ଉପରେ ସହମତି ବନାଇପାରନ୍ତି । ତେବେ ଏହି ବର୍ଦ୍ଧିତ ପେନସନ ୧ ଏପ୍ରିଲ ୨୦୧୯ରୁ କାର୍ଯ୍ୟକାରୀ ହେବ । ଏହାଦ୍ୱାରା କେନ୍ଦ୍ର ଉପରେ ପ୍ରତିବର୍ଷ ପାଖାପାଖି ୫୦ ହଜାର କୋଟିର ଅତିରିକ୍ତ ଭାର ପଡିବ ।