ଫୋନି ପରେ ବାଲେଶ୍ୱରରେ ପ୍ରଥମ କାଳବୈଶାଖୀ : ପ୍ରବଳ ଘଡ଼ଘଡ଼ି ସାଙ୍ଗକୁ ବର୍ଷା
କନକ ବ୍ୟୁରୋ : ଫୋନି ପରେ ବାଲେଶ୍ୱରରେ ପ୍ରଥମ କାଳବୈଶାଖୀ । ଆଉ ଏହାର ପ୍ରଭାବରେ ପ୍ରବଳ ବେଗରେ ପବନ ବହୁଛି । ଘଡ଼ଘଡ଼ି ଓ ବିଜୁଳି ମାରିବା ସହ ବାଲେଶ୍ୱରରେ ବର୍ଷା ମଧ୍ୟ ହେଉଛି । ତେବେ ପ୍ରଳୟଙ୍କରୀ ବାତ୍ୟା ଫୋନି ପରେ ଅସହ୍ୟ ଗରମ ଓ ଗୁଳୁଗୁଳିରେ ଘାଂଟି ହେଉଥିଲେ ଲୋକେ । ପ୍ରଥମେ ଫୋନି ଦାଉ ସାଝିଲା, ହେଲେ ଗରମରୁ ଟିକିଏ ବି ତ୍ରାହି ମିଳିନଥିଲା । ଆଜି କାଳବୈଶାଖୀ ଯୋଗୁଁ ବାଲେଶ୍ୱରବାସୀଙ୍କୁ ତାତିରୁ ଆଶ୍ୱସ୍ତି ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆସନ୍ତାକାଲି ସୁଦ୍ଧା ସୁଦ୍ଧା ରାଜ୍ୟର ଉପକୂଳବର୍ତ୍ତୀ ମୟୂରଭଞ୍ଜ, ବାଲେଶ୍ୱର, ଭଦ୍ରକ, ଢ଼େଙ୍କାନାଳ, ଯାଜପୁର, କେନ୍ଦ୍ରାପଡ଼ା ଓ କଟକ ଜିଲ୍ଲାର ଗୋଟିଏ ଦୁଇଟି ସ୍ଥାନରେ କାଳବୈଶାଖୀ ଜନିତ ଝଡ଼ପବନ ସହ ମଧ୍ୟମ ଧରଣର ବର୍ଷା ହେବ ବୋଲି ଅନୁମାନ କରାଯାଉଛି । ଏହାବ୍ୟତୀତ ବଜ୍ରପାତ ସହିତ ଘଣ୍ଟାପ୍ରତି ୫୦ରୁ ୬୦ କିଲୋମିଟର ବେଗରେ ପବନ ବହିବାର ଆଶଙ୍କା ମଧ୍ୟ ରହିଛି । ଆଉ ଏହି ସମୟରେ ସତର୍କ ରହିବା ପାଇଁ ଲୋକଙ୍କୁ ପରାମର୍ଶ ଦେଇଛି ଭାରତୀୟ ପାଣିପାଗ ବିଭାଗର ଭୁବନେଶ୍ୱର ସ୍ଥିତ ଆଞ୍ଚଳିକ କେନ୍ଦ୍ର।