ବିଜେଡି ଓ ବୈଜୟନ୍ତଙ୍କ ମଧ୍ୟରେ ବଢୁଛି ଦୂରତା! ନବୀନଙ୍କୁ ଭେଟି ଫେରାଦ ହେଲେ ନିଶ୍ଚିନ୍ତକୋଇଲି ବ୍ଲକ ଅଧ୍ୟକ୍ଷ ଓ ସମର୍ଥକ, ତଦନ୍ତ ପାଇଁ ପ୍ରତିଶୃତି ଦେଲେ ସୁପ୍ରିମୋ
କନକ ବ୍ୟୁରୋ : ବଢ଼ୁଛି ବିଜେଡି ବୈଜୟନ୍ତ ଦୂରତା । ନବୀନ ନିବାସରେ ବୈଜୟନ୍ତ ପଣ୍ଡାଙ୍କ ବିରୋଧରେ ଗର୍ଜନ କଲେ ବୈଜୟନ୍ତଙ୍କ ନିବାର୍ଚନମଣ୍ଡଳୀର ଲୋକ ପ୍ରତିନିଧି । ନିଶ୍ଚିତକୋଇଲି ବ୍ଳକର ଶତାଧିକ ବିଜେଡି ସମର୍ଥକ ବ୍ଳକ ସଭାପତି ରମାକାନ୍ତ ମହାନ୍ତିଙ୍କ ନେତୃ୍ତ୍ୱରେ ଆସି ବୈଜୟନ୍ତଙ୍କ ବିରୋଧରେ ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ଆଗରେ ଫେରାଦ ହୋଇଛନ୍ତି । ବିଜେଡି କର୍ମୀମାନେ ଅଭିଯୋଗ ଆଣିଛନ୍ତି ଯେ ବୈଜୟନ୍ତ କର୍ମୀମାନଙ୍କୁ ଅଣଦେଖା କରୁଛନ୍ତି । ବୁହାଳୋଠାରେ ପାନୀୟଜଳ ଟାଙ୍କି ଉଦଘାଟନ ସମୟରେ ସ୍ଥାନୀୟ ବିଜେପି ଓ କଂଗ୍ରେସ କର୍ମିଙ୍କୁ ସାଥୀରେ ରଖିଥିଲେ । କର୍ମୀଙ୍କ କଥା ଶୁଣି ତଦନ୍ତ ପ୍ରତିଶ୍ରୁତି ଦେଇଛନ୍ତି ନବୀନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ବୈଜୟନ୍ତଙ୍କ ସାଂସଦ ପାଣ୍ଠିରୁ ନିର୍ମିତ ନିଶ୍ଚିନ୍ତ କୋଇଲି ବୁହାଳୋରେ ଏକ ଓଭର ହେଡ ପାଣିଟଙ୍କି ଉଦଘାଟନକୁ ବିରୋଧ କରିଥିଲେ ସ୍ଥାନୀୟ ବିଜେଡି କର୍ମୀ । ବିରୋଧ ସତ୍ତେ୍ୱ ପାଣିଟାଙ୍କି ଉଦଘାଟନ କରିବା ସହ ତୃତୀୟ ମହଲାକୁ ଟାର୍ଗେଟ କରିଥିଲେ ବୈଜୟନ୍ତ ପଣ୍ଡା । ପୁରା ବିଦ୍ରୋହ ପାଇଁ ତୃତୀୟ ମହଲାର ଜଣେ ଅଣ ଓଡିଆ ଅଫିସରଙ୍କୁ ଦାୟୀ କରି ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ କାର୍ଯ୍ୟାନୁଷ୍ଠାନ ପାଇଁ ଆହ୍ୱାନ କରିଥିଲେ । ଯାହାର ଜବାବ ରଖି କାମ ନଥିଲେ ଅଯଥା ତୃତୀୟ ମହଲାକୁ ଟାର୍ଗେଟ କରାଯାଉଛି ବୋଲି କହିଥିଲେ ନବୀନ । ତେବେ ନବୀନଙ୍କ ବୟାନ ଉପରେ ବୈଜୟନ୍ତ ମଧ୍ୟ ଟ୍ୱିଟ୍ କରି ଜବାବ ରଖିଛନ୍ତି ।
ବୈଜୟନ୍ତ ଓ ବିଜେଡି ଭିତରେ ଲାଗିରହିଥିବା ବିବାଦ ଭିତରେ ବିଜୁ ପଟ୍ଟନାୟକଙ୍କୁ ଟାଣିଛନ୍ତି ସାଂସଦ । ଏହାସହ ସେ କହିଛନ୍ତି, ବିଜୁ ବାବୁଙ୍କ ନିକଟରେ ମଧ୍ୟ କୌଣସି ପ୍ରସଙ୍ଗ ନଥିଲା ଯେତେବେଳେ ସେ ଦୁର୍ନୀତିଗସ୍ତ ଅଫିସରଙ୍କୁ ମାଡ ମାରିବାକୁ କହୁଥିଲେ । ତେବେ ଏସବୁ ଭିତରେ ବୈଜୟନ୍ତ-ବିଜେଡି ଭିତରେ ଛାୟାଯୁଦ୍ଧ ଆରମ୍ଭ ହୋଇଛି । ଯାହା ଉପରେ ପୂରା ରାଜ୍ୟର ନଜର ରହିଛି ।