କନକ ବ୍ୟୁରୋ : ସେୟାର ବଜାର ଏବେ କିଛିଦିନ ହେବ ତଳମୂହାଁ ହୋଇଛି । ଏହି କ୍ରମରେ କିଛି କମ୍ପାନୀର ସେୟାର ମୂଲ୍ୟ ଆଶାତୀତ ଭାବେ ହ୍ରାସ ପାଇଛି ଓ ନିବେଶକମାନେ କୋଟି କୋଟି ଟଙ୍କା କ୍ଷତି ସହିଛନ୍ତି । ଦେଶରେ ଅଗ୍ରଣୀ ଖାଦ୍ୟ ଡେଲିଭରି କମ୍ପାନୀ କିନ୍ତୁ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛି । ପେଟିଏମ ଭଳି ଜମାଟୋ ନିବେଶକଙ୍କ ଟଙ୍କା ଅଧା ହୋଇଯାଇଛି । ମଙ୍ଗଳବାର ଦିନ ଜମାଟୋର ସେୟାର କିଛିମାତ୍ରାରେ ତଳକୁ ଖସିଥିବା ବେଳେ ଆଜି ଜମାଟୋ ଷ୍ଟକ ଆଶାତୀତ ଭାବେ ତଳକୁ ଖସିଛି ।
Kanak News is now on WhatsApp
Join and get latest news updates delivered to you via WhatsApp
ଗୁରୁବାର ଦିନ ବମ୍ବେ ଷ୍ଟକ ଏକ୍ସଚେଞ୍ଜରେ ଜମାଟୋ ସେୟାର ୯.୯୫ ପ୍ରତିଶତ ଖସିବା ସହ କମ୍ପାନୀ ସେୟାର ମୂଲ୍ୟ ୯୦.୫୦ ଟଙ୍କାରେ ବନ୍ଦ ହୋଇଛି । ଅର୍ଥାତ ପୂର୍ବାବସ୍ଥା ଠାରୁ ଏବେ ୫୦ ପ୍ରତିଶତ ତଳକୁ ଖସିଛି ଜମାଟୋର ସେୟାର । ଗୋଟିଏ ସମୟରେ କମ୍ପାନୀର ଏମକ୍ୟାପ ୧ ଲକ୍ଷ କୋଟି ଟଙ୍କାରେ ପହଂଚି ଯାଇଥିଲା ,ଯାହାକି ଏବେ ମାତ୍ର ୭୧,୧୯୬ କୋଟି ଟଙ୍କା ପର୍ଯ୍ୟନ୍ତ ତଳକୁ ଖସିଛି ।
କମ୍ପାନୀର ସେୟାର ଖସିବା ପରେ ଦୁଖ ପରିବର୍ତ୍ତେ ଖୁସି ଜାହିର କରିଛନ୍ତି ମାଲିକ । ସେ କହିଛନ୍ତି କି ସେ ଏହି ସମୟର ଅପେକ୍ଷାରେ ଥିଲେ । ଏହାର ଯୁକ୍ତିଭାବେ ଜମାଟୋର ମାଲିକ କହିଛନ୍ତି କି ଯେତେବେଳେ ସେୟାର ବଜାର ତଳକୁ ଖସେ ସେତେବେଳେ ସବୁ ସ୍ଥାନରେ ଷ୍ଟକ ସମାପ୍ତ ହୋଇଯାଇଥାଏ । ଏହି ସମୟରେ କେବଳ ସେହି କମ୍ପାନୀ ତିଷ୍ଟି ପାରେ ଯାହା ପାଖରେ ଭଲ କର୍ମଚାରୀ ଥାନ୍ତି ଓ ଲଗାତର କମ୍ପାନୀକୁ ଆଗକୁ ନେବାକୁ ଚେଷ୍ଟା କରିଥାନ୍ତି ।