ସିକିମ୍ ବିବାଦ ନେଇ ଚୀନର କଠୋର ଅଭିମୁଖ୍ୟ! ଜି-୨୦ ସମ୍ମିଳନୀରେ ମୋଦିଙ୍କୁ ଭେଟିବେ ନାହିଁ ଚୀନ୍ ରାଷ୍ଟ୍ରପତି
କନକ ବ୍ୟୁରୋ : ସ୍ଥଗିତ ହୋଇପାରେ ଭାରତ ଓ ଚୀନର ଦ୍ୱୀପାକ୍ଷୀକ ଆଲୋଚନା । ମିଳିଥିବା ସୂଚନା ଅନୁସାରେ ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଚୀନ୍ ରାଷ୍ଟ୍ରପତି ଜି ଜିନପିଙ୍ଗଙ୍କ ମଧ୍ୟରେ ହେବାକୁ ଥିବା ଆଲୋଚନ ରଦ୍ଧ ହୋଇପାରେ । ଜି୨୦ ସମ୍ମିଳନୀ ସମୟରେ ହେବାକୁ ଥିବା ମୋଦି ଓ ଜି ଜିନପିଙ୍ଗ ଆଲୋଚନାକୁ ନେଇ ଦେଖା ଦେଇଛି ଦ୍ୱନ୍ଦ ।
Kanak News is now on WhatsApp
Join and get latest news updates delivered to you via WhatsApp
କିଛି ଏଭଳି ଖବର ଏବେ ଚୀନ ସରକାରଙ୍କ ଦ୍ୱାରା ପରିଚାଳିତ ଖବର କାଗଜ ଗ୍ଲୋବାଲ ଟାଇମ୍ସରେ ପ୍ରକାଶ ପାଇଛି । ଅନ୍ୟପଟେ ଭାରତ ସରକାରଙ୍କ ବରିଷ୍ଠ ଅଧିକାରୀ କହିଛନ୍ତି ଏଭଳି କୈାଣସି ବୈଠକର ଯୋଜନା ନଥିଲା । ଆଉ ଏକ ଖବର ଅନୁଯାୟୀ ସୀମାରୁ ସେନା ପ୍ରତ୍ୟାହାର ପାଇଁ ଭାରତକୁ ଅପିଲ କରିଛି ଚୀନ୍ । ଏମିିତକି ସେନା ପ୍ରତ୍ୟାହାର ନ କଲେ ୧୯୬୨ ଯୁଦ୍ଧ ଠାରୁ ସ୍ଥିତି ଭୟଙ୍କର ହେବ ବୋଲି ଚୀନ୍ ଧମକ ଦେଉଛି ।
ଏମିତିିକି ଭାରତ ପ୍ରତିରକ୍ଷା କ୍ଷେତ୍ରରେ ଅଧିକ ଶକ୍ତି ଶାଳୀ ହେଉଥିବା ରିପେର୍ଟରେ ଉଲ୍ଲେଖ ରହିଛି । ତଥାପି ସୀମାରେ ମନମାନି ବଢାଇ ଚାଳିଛି ଚୀନ୍ । ଏଭଳି ସମ୍ବେଦନଶୀଳ ସ୍ଥିତିରେ ଜୁଲାଇ ୭ରୁ ଜର୍ମାନୀରେ ଆରମ୍ଭ ହେବାକୁ ଯାଉଛି ଜି ୨୦ ସମ୍ମିଳନୀ । ଏହି ସମୟରେ ଭାରତ ଚୀନ ମଧ୍ୟରେ ସ୍ୱତନ୍ତ୍ର ଆଲୋଚନା ହେବା ନେଇ ସମ୍ଭାବନା ରହିଥିଲା । କିନ୍ତୁ ଚୀନର ମନମମାନୀ ଓ ଚୀନି ଖବର କାଗଜର ରିପୋର୍ଟ ଅନୁଯାୟୀ ଏବେ ଆଲୋଚନା ଅପେକ୍ଷା ଅଡୁଆ ବଢିପାରେ ।