ପରିବାର ପାଇଁ ସମୟ ଦେଇପାରିଲେ ନାହିଁ ବୋଲି.. ମହିଳା କନଷ୍ଟେବଳଙ୍କୁ ହତ୍ୟା କଲେ ସ୍ୱାମୀ ।
କନକ ବ୍ୟୁରୋ: ପୁଲିସ ଚାକିରିର ବ୍ୟସ୍ତତା ଯୋଗୁଁ ଘର ପରିବାରକୁ ସମୟ ଦେଇ ପାରୁନଥିଲେ । ଏହାକୁ ନେଇ ସ୍ୱାମୀ ସ୍ତ୍ରୀଙ୍କ ମଧ୍ୟରେ ଅନେକ ସମୟରେ ପାଟିତୁଣ୍ଡ ହେଉଥିବାବେଳେ ଏହି କଳି ଉଗ୍ରରୂପ ନେଇଥିଲା । ରାଗିଯାଇ ମହିଳା କନଷ୍ଟେବଳଙ୍କୁ ହତ୍ୟା କଲେ ସ୍ୱାମୀ । ଏପରି ଘଟଣା ଘଟିଛି ପାଟଣା ଜଙ୍କସନର ଏକ ହେଟେଲରେ ।
Kanak News is now on WhatsApp
Join and get latest news updates delivered to you via WhatsApp
ପୁଲିସର ପ୍ରାଥମିକ ତଦନ୍ତ ମୁତାବକ, ଟ୍ରେନିଂରେ ଥିବା ମହିଳା କନଷ୍ଟେବଳ ଶୋଭା କୁମାରୀ ବିବାହ ପୂର୍ବରୁ ସ୍ୱାମୀଙ୍କ ଦ୍ୱାରା ପରିଚାଳିତ ଏକ କୋଚିଙ୍ଗ କ୍ଲାସରେ କୋଚିଙ୍ଗ ନେଉଥିଲେ । ସେଠାରେ ଦୁହିଁଙ୍କ ମଧ୍ୟରେ ପ୍ରେମ ହୋଇଥିଲା ଏବଂ ଦୁହେଁ ବିବାହ କରିଥିଲେ । ଦୁହିଁଙ୍କ ବିବାହକୁ ୬ ବର୍ଷ ହେଲାଣି । ସେମାନଙ୍କର କନ୍ୟା ସନ୍ତାନ ଅଛି । କିନ୍ତୁ କିଛି ମାସ ପୂର୍ବରୁ ଶୋଭାଙ୍କର ପୁଲିସ ବିଭାଗରେ ନିଯୁକ୍ତି ହେବାରୁ ସେ ଟ୍ରେନିଂରେ ଜଏନ କଲେ । କିନ୍ତୁ ପରିବାରକୁ ପୂର୍ବଭଳି ସମୟ ଦେଇପାରିଲେ ନାହିଁ । ଏହାକୁ ନେଇ ସ୍ୱାମୀ , ସ୍ତ୍ରୀଙ୍କ ମଧ୍ୟରେ ବଚସା ହୁଏ କିନ୍ତୁ ଘଟଣ।। ଦିନ ବଚସା ଉଗ୍ର ରୂପ ନେଇଥିଲା । ପାଟଣା ଜଙ୍କସନ୍ ନିକଟ ଏକ ହୋଟେଲରେ ସ୍ୱାମୀ ଏକ ହୋଟେଲ ବୁକ କରିଥିବାବେଳେ ଶୋଭା ସେଠାକୁ ଯାଇଥିଲେ ଏବଂ ଦୁଇ ଜଣଙ୍କ ମଧ୍ୟରେ ଏହି କଥାକୁ ନେଇ ଯୁକ୍ତ ହେବାରୁ ଶୋଭାଙ୍କୁ ହତ୍ୟା କରିଥିଲେ ସ୍ୱାମୀ ।
୩ ଦିନ ନାକେଦମ୍ ହେବାପରେ ହତ୍ୟା କରି ଫେରାର ହୋଇଥିବା ଅଭିଯୁକ୍ତ ସ୍ୱାମୀକୁ ଗିରଫ କରିଥିଲା ପୁଲିସ । ଏବଂ ଘଟଣାର ଯାଞ୍ଚ ଆରମ୍ଭ କରିଛି । ତେବେ ଶୋଭା ସେଠାକୁ କାହିଁକି ଯାଇଥିଲା ତା’ର କାରଣ ମଧ୍ୟ ଖୋଜୁଛି ପୁଲିସ ।