କଅଁଳା ଶିଶୁକୁ କାହିଁକି ବିଷ ଦେଇଥିଲା ବାପା? ସ୍ତ୍ରୀ ଚରିତ୍ରକୁ ସନ୍ଦେହ କରୁଥିଲେ ସ୍ୱାମୀ, ଝିଅ ତାଙ୍କର ହୋଇନଥିବା ଆଶଙ୍କା କରି ସଇତାନ ପାଲଟିିଲା ଅଭିଯୁକ୍ତ
କନକ ବ୍ୟୁରୋ: ୨୦ ଦିନର କୁନି ଝିଅକୁ କାହିଁକି ବିଷ ଇଂଜେକ୍ସନ ଦେଲା ବାପା? ବାଲେଶ୍ୱରର ଏହି ଘଟଣା ସାମ୍ନାକୁ ଆସିବା ପରେ ସମସ୍ତଙ୍କ ମନରେ ଥିଲା ଏହି ଗୋଟିଏ ପ୍ରଶ୍ନ । ହେଲେ ଏହି ଘଟଣାରେ ଆଜି ଆସିଛି ଏକ ଭିନ୍ନ ମୋଡ଼ । କୁନି ଝିଅକୁ ବିଷ ଦେଇଥିବା ଅଭିଯୁକ୍ତ, ନିଜ ସ୍ତ୍ରୀଙ୍କ ଚରିତ୍ରକୁ ନେଇ ସନ୍ଦେହ କରୁଥିଲେ । ଏମିତି କି ସେ ଝିଅ ତାଙ୍କୁ ନୁହେଁ ବୋଲି ସନ୍ଦେହ କରୁଥିଲେ । ଏଭଳି କିଛି ତଥ୍ୟ ଦେଇଛନ୍ତି ବାଲେଶ୍ୱର ଏସପି ।
Kanak News is now on WhatsApp
Join and get latest news updates delivered to you via WhatsApp
ମାତ୍ର ୨୦ ଦିନର ଶିଶୁକୁ ବିଷ ଇଂଜେକ୍ସନ ଦେଇ ହତ୍ୟା ଉଦ୍ୟମ କରିବା ଅଭିଯୋଗ ଘଟଣାରେ ଆସିଛି ନୂଆ ମୋଡ଼ । ପ୍ରାଥମିକ ତଥ୍ୟ ଆଧାରେ ବାଲେଶ୍ୱର ଏସପି ଏହି ଘଟଣାରେ ଯେଉଁ ତଥ୍ୟ ଦେଇଛନ୍ତି, ତାହା ଘଟଣାର ମୋଡ଼ ବଦଳାଇ ଦେଇଛି । ଏସ୍ପି କହିଛନ୍ତି- ସ୍ତ୍ରୀ ଉପରେ ସନ୍ଦେହ କରୁଥିଲେ ଅଭିଯୁକ୍ତ ।
ଝିଅଟି ତାର ନା’ ନାହିଁ ତାକୁ ନେଇ ସ୍ୱାମୀ ମନରେ ସନ୍ଦେହ ଥିଲା । ପରକୀୟା ପ୍ରୀତି କାରଣରୁ ବାପା ଘଟାଇଛି ଜଘନ୍ୟକାଣ୍ଡ ।
ଏପଟେ କୁନି ଝିଅର ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ତାକୁ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି । ବାପା ଦେଇଥିବା ବିଷ ଇଂଜେକ୍ସନ୍ ପରେ, ଏବେ ବି ଝିଅର ସ୍ୱାସ୍ଥ୍ୟବସ୍ଥାରେ ବିଶେଷ ପରିବର୍ତନ ଆସିଥିବା ପରିବାର ଲୋକ ସୂଚନା ଦେଇଛନ୍ତି ।
ଏପଟେ ଶିଶୁର ବାପା ତଥା ଅଭିଯୁକ୍ତ ଚନ୍ଦନ ମହାରଣା ବିରୁଦ୍ଧରେ ୩୦୨ ଦଫାରେ ମାମଲା ରୁଜୁ କରି ତଦନ୍ତ ଜାରି ରଖିଛି ବାଲେଶ୍ୱର ନୀଳଗିରି ପୁଲିସ ।