ଛତିଶଗଡର ରାହୁଲ ପରେ ମଧ୍ୟପ୍ରଦେଶର ଦୀପ । ଖୋଲା ବରୋୱେଲ ଗାତରେ ଗଳିପଡିଲେ, ଚାଲିଛି ଉଦ୍ଧାର
କନକ ବ୍ୟୁରୋ : ଛତିଶଗଡର ରାହୁଲ ପରେ ମଧ୍ୟପ୍ରଦେଶରେ ବି ଦେଖିବାକୁ ମିଳିଛି ସମାନ ଘଟଣା । ମଧ୍ୟପ୍ରଦେଶ ଛତରପୁର ଠାରେ ଏକ ବରୋୱେଲ ଗାତରେ ଗଳି ପଡିଛନ୍ତି ୪ ବର୍ଷର ବାଳକ ଦୀପ । ଏହି ଘଟଣା ଓରଛା ରୋଡ ଥଶନା ନାରାୟଣପୁର ଥାନା ଅଞ୍ଚଳରେ ଦେଖିବାକୁ ମିଳିଛି । ବୁଧବାର ମଧ୍ୟାହ୍ନ ସମୟରେ ଦୀପ ଖେଳୂୁଥିବା ବେଳେ ହଠାତ ଖୋଲା ପଡିଥିବା ଏହି ବରୋୱେଲ ଗାତରେ ଗଳିପଡିଛନ୍ତି । ଏନେଇ ସ୍ଥାନୀୟ ପୋଲିସକୁ ସୂଚନା ଦେବା ପରେ ଘଟଣା ସ୍ଥଳରେ ପୋଲିସ, ପ୍ରଶାସନିକ ଅଧିକାରୀ ପହଂଚିଛନ୍ତି । କୁହାଯାଉଛି କି ଏହି ଗାତର ୪୦ ଫୁଟ ତଳକୁ ଖସିପଡିଛନ୍ତି ଦୀପ । ଏନେଇ ଏସଡିଇଆରଏଫ ଟିମ ପହଂଚି ଉଦ୍ଧାର କାର୍ଯ୍ୟ ଜାରି ରଖିଛି । ରାହୁଲଙ୍କ ନିକଟକୁ କ୍ୟାମେରା ପଠାଯାଇ ତାଙ୍କର ଗତିବିଧି ଉପରେ ଅନୁଧ୍ୟାନ କରାଯାଉଛି । ସେପଟେ ବରୋୱେଲ ଗାତ ପାଖରେ ସୁଡଙ୍ଗ ଖୋଳିବା କାମ ଆରମ୍ଭ ହୋଇଯାଇଛି । କୁହାଯାଉଛି କି ୧୮ ଫୁଟର ସୁଡଙ୍ଗ ଖୋଳା ସରିଲାଣି ।
Kanak News is now on WhatsApp
Join and get latest news updates delivered to you via WhatsApp
ଏଭଳି ଖବର ପାଇବା ପରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜସିଂ ଚୌହାନ ସିଧା ସଳଖ ଦୀପଙ୍କ ପରିବାର ଲୋକଙ୍କ ସହ କଥା ହୋଇଛନ୍ତି । ଦୀପକୁ ସୁରକ୍ଷିତ ଭାବେ ବାହାରକୁ ବାହାର କରାଯିବ ବୋଲି ମୁଖ୍ୟମନ୍ତ୍ରୀ ଆଶ୍ୱାସନା ଦେଇଛନ୍ତି ।
କହିରଖୁ କି ଛତ୍ରପୁର ନାରାୟଣପୁରରେ ରହୁଥିବା ଅଖିଳେଶ ଯାଦବଙ୍କ ୪ ବର୍ଷର ପୁଅ ଦୀପ ପରିବାର ଲୋକଙ୍କ ସହ କ୍ଷେତକୁ ଯାଇଥିଲା । ସେଠାରେ ସେ ଖେଳୁଥିବା ବେଳେ ହଠାତ ବରୋୱେଲ ଗାତ ଭିତରକୁ ଗଳିପଡିଥିଲେ । ଏନେଇ ଜିଲ୍ଲାପାଳ ସନ୍ଦୀପ ଜିଆର କହିଛନ୍ତି କି ଦୀପ ଏବେ ବରୋୱେଲ ଗାତର ୪୦ ଫୁଟ ତଳେ ଫଶି ରହିଛନ୍ତି । ଉଦ୍ଧାରକାରୀ ଟିମ ଦ୍ୱାରା ପଠାଯାଇଥିବା ରଶିକୁ ଧରିଛନ୍ତି ରାହୁଲ । ତାଙ୍କୁ ଉଦ୍ଧାର କରିବାକୁ ପାଖାପାଖି ୧୫୦ ଲୋକ ଲାଗିଛନ୍ତି । ଏହାସହ ୩୦୦ ଅଧିକ ଗ୍ରାମବାସୀ ଉଦ୍ଧାରକାରୀ ଦଳକୁ ସାହାଯ୍ୟ କରୁଛନ୍ତି ।