ଉଦ୍ଧବଙ୍କ କ୍ୟାବିନେଟରେ ବଡ ନିଷ୍ପତ୍ତି । ଔରଙ୍ଗାବାଦ ସହରର ନାମ ‘ସାମ୍ଭାଜୀନଗର’ ଓ ଓସମାନାବାଦ ସହରର ନାମ ହେବ ‘ଧାରାଶିବ’
କନକ ବ୍ୟୁରୋ : ମହାରାଷ୍ଟ୍ର କ୍ଷମତା ସଂକଟ ଭିତରେ ରାଜ୍ୟ କ୍ୟାବିନେଟ ଏକ ବଡ ନିଷ୍ପତ୍ତି ନେଇଛି । ଏହି କ୍ରମରେ ରାଜ୍ୟର ଦୁଇଟି ବଡ ସହରର ନାମ ବଦଳିବ ବୋଲି କ୍ୟାବିନେଟରେ କୁହାଯାଇଛି । ଔରଙ୍ଗାବାଦ ସହରର ନାମ ‘ସାମ୍ଭାଜୀନଗର’ ଓ ଓସମାନାବାଦ ସହରର ନାମ ‘ଧାରାଶିବ’ ରଖାଯିବା ନେଇ କ୍ୟାବିନେଟ ମଞ୍ଜୁରୀ ପ୍ରଦାନ କରିଛି । କେବଳ ସେତିକି ନୁହେଁ ମୁମ୍ବାଇ ଅର୍ନ୍ତରାଷ୍ଟ୍ରୀୟ ବିମାନବନ୍ଦରର ନାମ ବଦଳାଇ ଏହାକୁ ସ୍ୱଗତଃ ଡି.ବି ପାଟିଲ ଅନ୍ତରାଷ୍ଟ୍ରୀୟ ବିମାନବନ୍ଦର ରଖାଯିବା ଉପରେ ବି କ୍ୟାବିନେଟ୍ ସ୍ୱିକୃତି ପ୍ରଦାନ କରିଛି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ରାଜ୍ୟ ପାଇଁ ଆଉ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ମଧ୍ୟ ନିଆଯାଇଛି । ଏହି କ୍ରମରେ ରାଜ୍ୟପାଇଁ ହଳଦୀ ଅନୁସନ୍ଧାନ ଓ ପ୍ରକ୍ରିୟାକରଣ ନୀତି ଲାଗୁ ହେବ ଓ ହିଙ୍ଗୋଲୀ ଜିଲ୍ଲାରେ ବାଲାସାହେବ ଠାକରେଙ୍କ ନାମରେ ହଳଦୀ ଅନୁସନ୍ଧାନ ଏବଂ ପ୍ରଶିକ୍ଷଣ କେନ୍ଦ୍ରର ସ୍ଥାପନା କରାଯିବ । ଏହା ବ୍ୟତୀତ ଅହମଦନଗର ଜିଲ୍ଲାରେ ଏକ ଅତିରିକ୍ତ ସିଭିଲ କୋର୍ଟ ସ୍ଥାପନା କରାଯିବାକୁ ବି କ୍ୟାବିନେଟ ମଞ୍ଜୁରୀ ପ୍ରଦାନ କରିଛନ୍ତି ।
କହିରଖୁ କି ମହାରାଷ୍ଟ୍ରରେ ଏବେ ବି କ୍ଷମତା ସଂକଟ ଜାରି ରହିଛି । ଆସନ୍ତା କାଲି ବିଧାନସଭାରେ ଉଦ୍ଧବ ଠାକରେଙ୍କୁ ବହୁମତ ପ୍ରମାଣ କରିବାକୁ ରାଜ୍ୟପାଳ ନିର୍ଦ୍ଦେଶ ଦେଇଛନ୍ତି । ଏହାକୁ ନେଇ ଶିବସେନା ସୁପ୍ରିମ କୋର୍ଟରେ ପହଞ୍ଚିଛି । ଏବେ ଉକ୍ତ ମାମଲାର ଶୁଣାଣି କରୁଛନ୍ତି ସୁପ୍ରିମ କୋର୍ଟ