କନକ ବ୍ୟୁରୋ : ‘ଦ କାଶ୍ମୀର ଫାଇଲ୍ସ’ର ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ୨୦୧୮ର ଏକ ବିବାଦୀୟ ଟ୍ୱିଟ୍ ପାଇଁ କୋର୍ଟଙ୍କ ନିକଟରେ କ୍ଷମା ପ୍ରାଥନା କରିଛନ୍ତି । ସେ ଦିଲ୍ଲୀ ହାଇକୋର୍ଟଙ୍କ ଠାରେ ନିସର୍ତ୍ତ କ୍ଷମା ପ୍ରାଥନା କରିଛନ୍ତି । ୨୦୧୮ ଭୀମା କୋରେଗାଓଁ ମାମଲାର ବିଚାର କରୁଥିବା ଜଷ୍ଟିସ ଏସ୍ ମୂରଲୀଧରଙ୍କ ଉପରେ ବିବେକ ଅଗ୍ନିହୋତ୍ରୀ ଅଭିଯୋଗ ଆଣିଥିଲେ କି ଭୀମା କୋରେଗାଓଁ ମାମଲାରେ କାର୍ଯ୍ୟକର୍ତ୍ତା ଗୌତମ ନବଲକ୍ଷାକୁ ଆସ୍ୱସ୍ଥି ଦେବାରେ ଜଷ୍ଟିସ ପକ୍ଷପାତିତା କରୁଛନ୍ତି । ଏହି ମାମଲାରେ କୋର୍ଟ ଗୌତମ ନବଲଖାଙ୍କ ହାଉସ ଆରେଷ୍ଟ ଓ ଟ୍ରାନଜିଟ ରିମାଣ୍ଡକୁ ରଦ୍ଦ କରିଦେଇଥିଲେ । ଏହାପରେ ବିବେକ ଅଗ୍ନିହୋତ୍ରୀ ଜଷ୍ଟିସ ଏସ ମୂରଲୀଧରଙ୍କ ଉପରେ ଏକ ବିବାଦୀୟ ଟ୍ୱଟ୍ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହି ଟ୍ୱିଟକୁ ନେଇ ଜଷ୍ଟିସ ଏସ୍ ମୂରଲୀଧରଙ୍କ ବିରୋଧରେ ଦେଇଥିବା ମନ୍ତବ୍ୟକୁ ନଜରରେ କୋର୍ଟ ବିବେକ ଅଗ୍ନିହୋତ୍ରୀ, ଲେଖକ ଆନନ୍ଦ ରଙ୍ଗନାଥନ ଓ ନ୍ୟୁଜ ପୋର୍ଟାଲ ସ୍ୱରାଜଙ୍କ ବିରୋଧରେ ଅବମାନନା ମାମଲା ରୁଜୁ କରିଥିଲା ।
ଏହି ମାମଲାରେ ଆଜି ବିବେକ ଅଗ୍ନିହୋତ୍ରୀ ନିଜ ଓକିଲଙ୍କ ସହାୟତାରେ ଏକ କ୍ଷମା ଯାଚିକା କୋର୍ଟରେ ଉପସ୍ଥାପନ କରିଥିଲେ । ଏଥିରେ କୁହାଯାଇଛି କି ଏହି ବିବାଦୀୟ ଟ୍ୱିଟକୁ ହଟେଇ ଦିଆଯାଇଛି । ହେଲେ ସରକାରୀ ଓକିଲ କହିଥିଲେ କି ବିବେକ ଅଗ୍ନିହୋତ୍ରୀ ଏହି ଟ୍ୱିଟକୁ ହଟାଇ ନାହାଁନ୍ତି ।
ହେଲେ ଏହି ମାମଲାରେ ବିବେକ ଅଗ୍ନିହୋତ୍ରୀ କ୍ଷମା ଯାଚିକା ଦାଖଲ କରିଥିଲେ ବି କୋର୍ଟ ତାଙ୍କୁ ମାର୍ଚ୍ଚ ୧୬ ତାରିଖରେ ବ୍ୟକ୍ତିଭାବେ କୋର୍ଟରେ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି ।