ଉତ୍ତର ପ୍ରଦେଶ ହାପୁଡରେ ବଡ ଦୁର୍ଘଟଣା, ଫ୍ୟାକ୍ଟ୍ରିର ବଏଲର ଫାଟି ୬ ଶ୍ରମିକ ମୃତ
କନକ ବ୍ୟୁରୋ : ଉତ୍ତର ପ୍ରଦେଶ ହାପୁଡର ଏକ ଫ୍ୟାକ୍ଟ୍ରିରେ ବଏଲର ଫାଟି ଯିବାରୁ ୬ ଜଣ ଶ୍ରମିକଙ୍କର ମୃତ୍ୟୁ ହୋଇଛି । ଏହାସହ ଏହି ଦୁର୍ଘଟଣାରେ ୨୦ ରୁ ଅଧିକ ଲୋକ ଆହତ ହୋଇଥିବା ସୂଚନା ମିଳିଛି । ଦୁର୍ଘଟଣାର ସୂଚନା ପାଇବା ପରେ ଘଟଣା ସ୍ଥଳରେ ଦମକଳବାହୀନି ଓ ପୋଲିସ ପହଂଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏହି ଘଟଣା ବାବଦରେ ଜାଣିବା ପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୃତକଙ୍କ ପରିବାର ପ୍ରତି ସମବେଦନା ଜଣାଇଛନ୍ତି । ଏହାସହ ମୁଖ୍ୟମନ୍ତ୍ରୀଙ୍କ ତରଫରୁ ଆଇଜି ଓ କମିଶନରଙ୍କ ସମେତ ଜିଲ୍ଲା ଅଧିକାରୀଙ୍କୁ ତୁରନ୍ତ ଘଟଣା ସ୍ଥଳରେ ପହଂଚି ଉଦ୍ଧାର କାର୍ଯ୍ୟରେ ସହାୟତା କରିବା ସହ ଘଟଣାର ଯାଂଚ କରିବାକୁ ନିର୍ଦ୍ଦେଶ ଦେଇଛନ୍ତି । କେବଳ ସେତିକି ନୁହେଁ ଦୁର୍ଘଟଣାରେ ଆହତ ହୋଇଥିବା ଲୋକମାନଙ୍କୁ ତୁରନ୍ତ ମେଡିକାଲରେ ମାଗଣା ଚିକିତ୍ସା ଯୋଗାଇ ଦେବାକୁ ସେ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ।
ଏହି ଘଟଣା ହାପୁଡ ଜିଲ୍ଲା ୟୁପିଏସଆଇଡିସିରେ ଘଟିଛି । ଏହି ଫ୍ୟାକ୍ଟ୍ରିରେ କାମ ଚାଲୁଥିବା ବେଳେ ହଠାତ ବଏଲର ଫାଟି ଯାଇଥିଲା । ଅଚାନକ ବଏଲର ଫାଟିଯିବାରୁ କାମ କରୁଥିବା ଶ୍ରମିକମାନେ ଫ୍ୟାକ୍ଟ୍ରି ଛାଡି ବାହାରକୁ ବାହାରିଯିବାକୁ ଚେଷ୍ଟା କରିଥିଲେ । ହେଲେ ନିଆଁର ତାପ ଏତେ ଅଧିକ ଥିଲା କି ଫ୍ୟାକ୍ଟ୍ରିରୁ ବାହାରିବା ମଧ୍ୟରେ ୬ ଜଣ ଶ୍ରମିକଙ୍କର ମୃତ୍ୟୁ ହୋଇଯାଇଥିଲା ।